عشق الطوائف( عشقي)

البارت الخمسين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
قدري
♧🌹♤الحلقه-25-♤🌹♧
الكاتبة:- فاطمة علي
🌸لايك+تعليق🌸

ملاحظة / هذا البارت مسحته بدون ماادري وهسه رجعت نشرته 😭💔

نرمين : عمرررر منو هاااي ...
عمر : انتي بأي حق تلزمين مبايلي ، شلون تفتحي اشو جيبي ...

نرمين : هو هجم عليه يريد ياخذ التلفون ،ابتعدت منه باااوع والعباس اكسر التلفوووون اذا متكولليييي منووووو هاااااااي ، احس كل اعصابي انتهت وكمت ارجف ، لزمني حيل من ايدي ولواها ورا ضهري وكام يتقاوى وياي واخذ التلفون مني ...

عمر : معليج افتهمتي معلييييج ...

نرمين : كمت ابجي بكل حركه ومااعرف شسوي ، هيج هانت عليك العشره البيناتنه تخوني ...

عمر : لج بابا هاي هيج وحده مابيناتنه شي وداعتج ...

نرمين : مو كايللها حبيبتي و كله غزل ..

عمر : كافي نرمين وبعد تلفوني لتبحوشين بي، ترى اتصرف وياج غير تصرف ، عندي شغل وياهه بيناتنه فلوس مال عقار اكمل هل شغل و احظرها ...

نرمين : هاااا واني اضل اتفرج ...

عمر : اهوووو ميفيد وياج الحجي ...

نرمين : بدل وطلع ، فرشت بصف ياس وعيوني مسكتن من البجي ،
ليش هيج حظي من دون البنات ، ربي بعد مااتحمل اختبارك حييل صعب ، ضليت على هل حاله سبوع كامل ، حجيت ويه فاطم وكالتلي ...

فاطمة : خلي هسه يجي هو يعتذر منج شنو يصاحب و تالي انتي توكعين عليه احنه وين عايشين ...

نرمين : فاطم والله تعبت دا افكر اكول الاهلي ...

فاطمة : اني صح دا اكولج لتصالحين بس اهلج لدخليهم هسه بالموضوع شغله بيناتكم اكعدي ويا و احجي بكل هدوء حتى لو تبجين المهم لتخلي يطلع الصوج بيج
انتي ممقصره ويا بشي ، بدلي وخلي مكياج ولبي كل احتياجاته بس بدون متحجين ويا ولا كلمه خلي هو يحترك بهل نار واول وتالي يشتاقلج ويرجعلج ...

نرمين : ماشي حبيبتي ان اي شي يصر وياي اجي اكولج ..

فاطمة : ماشي قلبي باي ...

نرمين : باي، سويت مثل ماكلتلي فاطمة ، وصدوك بده يتوددلي ويحجي وياي ويشاقيني بس اني وجهي ثقيل ويا البي كل احتياجاته بس حالنه حال الغربه ،
بده هو وجماعته يتجمعون ويسوون حملات ضد الحكومه علمود يسقطوها ،
ويعلنون مظاهرات حاشد كام يطلع من الصبح ويرجع بليل ، اجه صالحني واعتذر مني
و حاظر هاي البنية بس مااعرف ليش قلبي مرتاح ابد ...

... فديوم اتأخر بليل كولش اني تعبت ونمت ، حسيت بي تمدد بصفي فتحت عيني ، وجان الكا عاكس ايده ويباوع عليه بس حالته غريبه وريحه مطيبه مااعرف مال شنو جان يكوم يحجي مثل السكران اتعجبت هذا شبي ويحجي كلام ممفهوم ...