عشق الطوائف( عشقي)

البارت التاسع

'♧'🌹'♧'عشق الطوائف'♧'🌹'♧'
'🌸'{عشقي سُنَيَ}'🌸'

♧🌹♤الحلقه-9-♤🌹♧
الكاتبة:- فاطمة علي
🌸لايك+تعليق🌸

ادفني بخاطرك وحييني من تشتاكَ!
واقنع لو تصدلي بنظرة استصغار

غير العاشكَك يحلم ابيته تعيش؟
اخذ وياك واحد يحلم بتذكار

يالمغير اطباعي امن الرزن للريش!
الكَبل جنه جبل هسه اعله جيتك طار

لانت الموحلو وماخابص النظرات
ولا اني الغشيم الماعرفت اختار

من امشي ويه غيرك مو تكَول يخون!
اماشي رايد اعرف مابديت تغار؟

من تبعد علية النسمة احسها تعيل!
وعارك باليسلم والعلي ما مار

وذا استفتح بصوتك يومي رزقة يزيد
وبيعن ضحكتي للجاي ياخذ ثار

تجيني اعله زندك مره اريد ارتاح
انه مهجول جروح ورايد استقرار

وعن الجنت احبهم والوفاهم ضاع
اسولفلك وقيس شواصلتني اخبار

الله اسمائة هاية العابرة التسعين
اكثرهن ذكرته بحلكَي ياستـــار !!

اريد وياك اغامر واكسر المحظور
وتمرد على اليحجولي بس عالنار

انه اتفائل بحضنك ذنب ..بس بي خير!
وميل الحر جهنم لان حضنك حار

امن اطب الجنتك للنار اطب مرتاح
حاضن عالاقل لابايكَ ولا ضار
.....
الشاعر رائد ابو فتيان ..⚘🌷⚘
.
.

فارس : نايم حسيت اكو حركه صارت يمي وضوه مال لايت اجه بوجهي ..كبل كمزت من مكاني وعطت ..منو انت منووو هنااا

نرمين : جمدت بمكاني-بقلبي- موجنت تشخر شكعدك ،،درت وجهي وحجيت ويا بصوت ناصي اني فارس اشش لتعيط نرمين نرميين ..

فارس : كمت على حيلي الغرفة ضلمه وهي شايله لايت مثل الحرامي ، خلتني اكمز من مكاني عبالي حرامي ..لج همزين ماضربتج كلت اكيد هذا حرامي ..شسوين هنا فهميني

نرمين : بقلبي احجي ،شكوله هذا هسه اجيت اخذ صورتك هسه يكولي اي تحبيني وشيخلصني منه بعد ..ماجنت اسوي شي بس نزلت اشرب مي

فارس : اممم تشربين مي .. نرمين ،

نرمين : هااا اي اشرب ...شغلت الايت على الصفحه الثاني ..شفته يباوع عليه بنظرة جدية ..ها احجي

فارس : احبج ، وهذا حبج كبر وياي من اني صغير الحد هسه هذا كبري ..اتمنى اليوم قبل باجر تجين وتنورين غرفتي بس كون كلمه منج ..احبك وشوفي شسوي

نرمين : الغرفة ضلمه وبس ضوه الايت واني الخوف اتملكني كلماته قربه اليه حسيت روحي راحت بين رجليه ..اني لازم اروح