عشق الطوائف( عشقي)

البارت السابع عشر

'♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
♧🌹♤الحلقه-17-♤🌹♧
الكاتبة:- فاطمة علي
🌸لايك+تعليق🌸

ملاحظه /ماحبيت اختصر حياة فارس
والي صار ويا بفترة زواجه لان مثل مشفتو بالبارت القبله
نشرت شي مقتطف عن حياته لذالك اخذت المهم
و كتبته بهذا البارت ..

.
.

راح أصبر بدونك وأرهم بلياك
وأذبح رمش عيني الجان يبجيلك
وأتحمل عذابك والبعد والشّوك
وما حط صورتك كدّامي وأشكيلك
ما أكلّك نسيتك بس جرح بالرّوح
يكسر واهسي وما يقبل أمشيلك
عيني الشّالتك كلتلها اليشيلج راح
كالت شيلني وما قبلت تشيلك
وجرحي ألفاك صدره وما يريد خيّاط
واكف جنُّه واحد جاي يدعيلك
بس مجبور أدفنك يا عشك يا شوك
وأقرى الفاتحة وبالوحشه أصلّيلك
بعيوني الحزن يقرونه اليواسون
والفوك الحزن لو تدري شاحجيلك
شمّات الأجو وأسوني ثالث يوم
حيل ويّاك كالو مدري شدّ حيلك
.
.

بيت فارس ......

فارس : يمه هاي اتجذب تصدكين بيها وماتصدقين بيه

الهام : يمه البنية شاكيتك لهلها انت ماداگرها عيب شيكولون عليك الناس موو رجااال ..

فارس: شيحجون خل يحجون مااهتم الهم ..اخذت نفس وباوع على امي درت وجهي ورجعت باوعت لها ..يمه انه صح ماتقربتلها للبنية وماراح اتقربلها ابد خوووش ..

الهام : ليش يايمه تشلع قلبي وتشل حالي ..

فارس : انه رايد اطلكها ماريدها مانتوالم انه وياها ..ليش مهتميتو من شلعتو قلبي وحركتوني ليش تفكرون بس بنفسكم ليش مفكرتو بيه انه و نرمين ..تدرين خليتوني اسوي شي ممسوي بحياتي هو ان امد ايدي على مرة ..تدرين انه ضربت تبارك بيوم العرس وحطيت الصوج بيها

..ردت بس ابرد نااار قلبييي الي ماتطفى بس من تشوف نرمين تفتر بهذا البيت
..تدرين انه كل يوم احترك حرك بالسطح وانوب اطلع للبساتين اهج منكم علمود لا اشوف تبارك وامد ايدي عليها ..
انه ادري بروحي صرت ظالم حالي حالكم ..

الهام : مو خطية هل بنية روح اصعد اجبر بخاطرها كافي يايمه
هي مالها ذنب

فارس : صح هي مالها اي ذنب و صوجي وافقت بيها ..كله من وراج ومن ورى لحتج عليه ..والله ثم والله سويت هيج علمود لاتنفضح نرمين ويطلعون عليها كلام موزين

..بس باعي اتحلمون اتقرب الها حلم الكم الا اخليكم تتندمون على الساعه الزوجتوني بيها .. باعي اتصعدين االها و تلمين ملابسها وتاخذيها البيت اهلها وانه باجر اخذ السيد و اطلكها..

دنيا :عافنه وطلع  مثل الاعصار ويفلش كولشي كدامه ..صحت ورى فاارس وين رايح ..

فارس: اروح بلكي الله يموتني ماكووو طلقه تايهه تاخذ عمررري ..