عشق الطوائف( عشقي)

البارت الثاني

'♧'🌹'♧'عشق الطوائف'♧'🌹'♧'
'🌸'{عشقي}'🌸'
♧🌹♤الحلقه-2-♤🌹♧
الكاتبة:- فاطمة علي
🌸لايك+تعليق🌸

تمنيتك تجي ، ابأول اللجمات
واشكد احلمت بيك او تمنيت

لو تدري فرحتي ابجيتك هاي
او لو تدري اشجبت وياك من جيت

جبت بسمه لشفافي العطشن اسنين
والف جرح ابجرح بالروح داويت

كلي اذنوب ادري ، او روحك ايمام

****

.
.

نرمين : بعد مارجعنه من بيت عمتي اللهام ،  صار عرس اختي، جان فايت على وفاة عمو منير 9 اشهر جانت بداية 2007 وهو عرس اختي فاطمة ....

الام : يالله يمه كومن ساعدني الشغل فوك راسي واختجن عروس ميصير تشتغل

نرمين : بس احنه صغار شنشتغل بالله

الام : اووف من لسانج نرومه شلون بيج اني

فاطمة.: يمه عوفي البنات شمفهمهن بالشغل اني وياج

الام : امرنه لله ..

نرمين : فاطمة من مواليد 1990هي امي الثاني كولش قريبه عليه صح بيناتنه ٦ سنين بس فتحت عيني عليها كل تفكيري ان العروس من تتزوج بعد مترجع البيت اهلها ولا نشوفها ابد

..صار يوم الحنه وحفله جانت تخبل اجو كرايبنه كلهم وجوارينه ، ضليت اني بس اركص بالنص وبس اكعد اباوع على اختي وواكوم ابجي فخلصت الحفله كلها ركص ، ثاني يوم لبست بنطرون نيلي وبدي بي اصفر ، اجو اخذو اختي واني حاظنتها ومااقبل تطلع وابجي مجلبه بدلتها ..

..لتاخذون اختي اريدها تبقى فاطمة لترحين ، واني كل عقلي موتت روحي من البجي ومجلبه بدلتها بالكوه فكوني منها هي سلمت علينه، وطلعنه بالزفه مالتها زفوها للفندق

..، رجعنه للبيت عبالك البيت نهجر هدوء اني كمت ابجي على فاطمة وكل شوية اتذكرها ، رحت فرشت فراشها ونمت عليه ، حظنت مخدتها وليل كله ابجي عليها ورى كم يوم رحنه شفناها وجانو مسوين حفله الها (السبعه) ..

..عمتي هجران رادت ترجع ، طلبت من ابوبة وامي تاخذني وياهه لان اني حزينه على فراق فاطمة وافقو واخذتني وياهه عمتي البيتها بمحافظة البصرة

..وصلنا البيتها هي زوجها متوفي (ارمله) وعدها ولد وبنية الولد مسافر بشغل خارج العراق والبنية سمارة مواليد87 متزوجها من ابن عمها... عمتي عايشه وياهم زوجها اسمه وسام عمرة تقريبا 26سنه ب 2007

سمارة : فدووة لله هاي منو اجانه نرميين ..

نرمين : سلمت عليه ، اجه زوجها سلم هم عليه باوعت عليه هذا الوجهه والعيون شايفتهن بس وين مااذكر المهم مهتميت .. ، حياتهم عادية مثلنه لليل عمتي اخذتني يمها نمت بغرفتها .. حسيت الفجر اكو احد يم راسي بس النعاس جان غالب عليه فتحت تك عين شفت عمتي مطيتني ضهرها وكاعده تصلي واحد فوك راسي مكمبص مسح على راسي مثل مسحة الاب الحنون وباسني بكصتي وطلع اني رجعت نمت مهتميت ابد