عشق الطوائف( عشقي)

البارت الثالث عشر

'♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
♧🌹♤الحلقه-13-♤🌹♧
الكاتبة:- فاطمة علي
🌸لايك+تعليق🌸

ينشدوني عليك شلون وضعه وياك ...
واكلهم مو طبيعي اهواي داراني.
وتطردني من ادك بابك وأكل للناس
طار من الفرح لمن تلكاني .
اشطبتني من سجلك واني اكل للناس
شطبني من سجله للكلب وداني
...كالولي يكرهك كلت غلطانين
يكرهني بشقه وبصدك يهواني
كالوا شلع كلبك كلت يعني اصار
شكو بيه اذا محبوبي شاقاني
.
.

فارس : انه احل اموري بيدي ...

اللهام : يمه فارس وين رايح اوووكف يمه

فارس : انه راجع للكوت ...

نرمين : طلع فارس من البيت ورجع للكوت ..عمتي تخبلت
كبل كالت الابوية

اللهام : ليش هيج تسووي هيييثم ماجان هذا العشم بيك
واذا اجت بتك يمي تدري بيه اخليها بنص عيوني ..ليش كسرت قلب ابني وراح تصير سالفه جبيرة بين الخوان

هيثم: اللهام هسه ذبيتي الصوج بيه ..اني اريد أأمن مستقبل بنتي وانتي جاية تحجين عليه ..اني كتلج انتهى الموضوع
مالكم قسمه يمنه وخلينه اخوان و فارس اني باجر من الصبح يمكم اخطبله بيدي بس يبتعد الف دير عن بنتي

اللهام : ها خوية هذا اخر كلام

هيثم : اي اخر كلام ولتزعلين مني خوية ترى الزواج قسمه ونصيب ونصيبكم مو يمنه

اللهام : هاهية خوية ..كوم يمه حسين خل نرجع ورى اخوك ..

سمية : هو هذا الجان لازم يصير من زمان

هيثم : سمييية سدي حلكج مو هذا الردتي ...

نرمين : عمتي طلعت من بيتنه مكسورة خاطر واني صعدت فوك وحظنت المخده وكمت اعيط وابجي ..

........
بيت فارس

فارس : متوقعت اهلي واهل نرمين راح يتصرفون هيج كل واحد يهتم النفسه محد اهتم لحبنا .. رجعت للكوت واني مكسور خاطري وقلبي ..خابرت عمامي يتجمعون باجر يمنه
..ثاني يوم اجو كل عمامي ولد عمي..كعدنه وبدينه نسولف بالموضوع
.. عمي ابو مهند انت جبيرنه واريدك تحكم بالعدل

ابو مهند : كول وليدي

فارس: انه البارحه خطبت بت خالي ابو ليث بس الي صار خرب كلشي ..اول شي خالي شرط عليه شرطين الاول اخلي بنته تكمل دراسه وهل شي منتهين منه ..بس الثاني

حسين : الثاني يردو يكعد كعيدي عدهم ترضوها ابنكم يطلع منكم

فارس : حسين الحجي مو هيج

ابو محمد : اي ابني انه جنت حاظر بس مردت اتدخل لان كلت خاف تصير مشكله

فارس : هااا انتو الضاهر متفقين عليه