عشق الطوائف( عشقي)

البارت الخامس

'♧'🌹'♧'عشق الطوائف'♧'🌹'♧'
'🌸'{عشقي}'🌸'

♧🌹♤الحلقه-5-♤🌹♧

الكاتبة:- فاطمة علي
🌸لايك+تعليق🌸

.
.
نرمين : كعدت الصبح كلعادة بس هلمرة مو دوام جمعه ، نزلت جوه جان الكل نايمين فتحت باب المطبخ الجو يخبل بي بروده ، طلعت للحديقه كعدت بالمرجوحه ، اباوع للسمه الجو بي ريحة شته ، اخذت نفسس عمميق اجتني ريحه تخبل مال زرع ذكرتني بفارس ، اووف يافارس انت لو تدري شصار بيه ،

..هسه شلون صاير شكله ، اكيد كبران وصايرة عنده لحية ، اهووو بسلا لحيته ضامه غمازته ، ابتسمت واني افكر بي ، بلحظه وحده حسيت مثل الوحش هجم عليه كمت بمكاني اعيط

..وخررررررر، وخرووووووو منيييييي وينكمممممم وخررووو مني باااااابااااااا ، اعيط واريد بأي شكل هذا الوحش يوخر مني ، فجأه انضربت راشدي

الام: شبيج يمه شبيج شصاير منو وياج

نرمين : وس .....صفنت وباوعت منا ومنا ماكو احد ... برجفه وضياع ، ماادري يمه ماادري مثل الوحش هجم عليه بخلقة انسان راد يمووتني حضنت امي وابجي

الام : يااسم الله عليج بنيتي صلي على محمد ماكو شي همزين هستوني نزلت دخلت للمطبخ وشفت الباب مفتوح وانتي تعيطين ، شجاج يمه

نرمين : مااكدر اجاوبها لان الصار بيه خاف اموت من ورى لو احد من اهلي يموت والله اذا ابوية عرف يروح بيها ، ياالله ساعدني ، ماما اخذوني للامام الحسين ع اريد ارتاح تعبت

الام : مو تدللين اليوم اكول الابوج بلكي هل يومين ياخذنه

نرمين : ان شاء الله ، اخذتني امي دخلتني للبيت وكل شوية اباوع وراي واتذكر هذا الهجم عليه باوعت عليه امي وهي تصلي على محمد ، يمه والله حقيقة مو جذب ، صعدت فوك الغرفتي ، تمددت على الجرباية واباوع العذراء ونرجس نايمات

..ياربي لتخليهن يصيرن مثلي ، ضليت ابجي ودموعي ترسن المخده بس بدون صوت الى ان غفيت ، كعدت على صوت امي تصيح علينه ونرجس تكعد بيه

نرجس : نرومه ، كووومي اجه جدو عبدعلي ولج كووومي

نرمين : كمت على حيلي ، صدوك تحجين اجه جدوو ، رحت ركض غسلت ونزلت ، الشخص الوحيد الي احس ويا بالامان ومينظرلي مثل الباقين ، رحت ركض للاستقبال ، جدو جدووو حبيبي، وصلت يمه ردت اتقرب وابوسه وكفت بخوف وكتله.. شلونك جدو

الجد : هلا هلا ببنيتي ، انه بخير بس زعلان عليج

نرمين :ليش زعلان عليه ؟؟!!