عشق الطوائف( عشقي)

البارت السابع مفاجئ

'♧'🌹'♧'عشق الطوائف'♧'🌹'♧'
'🌸'{عشقي}'🌸'

♧🌹♤الحلقه-7-♤🌹♧

الكاتبة:- فاطمة علي
🌸لايك+تعليق🌸

.
.

نرمين : طلعنه نشوف شنو هل صياح الصار برة ،، تعجبت من شفت فارس لازم ابن عمه واكع دك كتل بي وبوكسيات ويعيط ويغلط عليه راح ابوية وحسين سحبو الولد من ايد فارس

الاب : شبيك ابني شلون تضرب ابن عمك

فارس : خالو انت متعرف شكاااال هلسكط هذااااا

نرمين : فارس يلهث ويحجي وعركان وعاكد حواجبه ويعيط ، باوعت عليه واشرتله بمعنى ديربالك تحجي

فارس :خالييي ،بعد ميطب هذاااا البيييتتتييي العار المسربت الدايييح

ابو مهند: ابني غير اتفهمنه شمسوي مهند ويحگله هل ضرب هذاا دميته إدمي وفوكاهه تمنعه من فوتت بيت عمه منير

فارس : هذا العار يلصلص على نسوان بيتي وميكول خطار وماخذات راحتهن، ترضون يباوع على نرمين ويكلي بت منو هلفختاية وفوكها يكلي اريدها بمساعدتك ابن عمي

مهند : والله ماادري بيها بت خالك

ابو مهند : لايابه مانرضاهه ولو غير واحد جان سوى الاكثر ، امسحها بيه وليدي تدري بي مراهق وطايش

حسين : من بعد اذنك عمي بس مهند بعد ميطب للبيت ، مهند امشي اطلع بره وزين الي سوى بيك فارس ماقصر بيك

فارس :عفتهم وكفت ليغاد منهم واني النار اتنط نط من راسي اريد ارجع اموته .. دخلو الكل جوه وعمي ابومهند وعائلته راحو بقت بس نرمين واكفه رحت عليها ، باااع اذا شفتج بعد بالحديقه لو بالمزرعه لو تفترين بالبيت هيج والله اندمج افتهمتي يالله جووووه

نرمين: بداخلي فرحت لان هاي اول مرة واحد يغار عليه ، صارت الساعه 10 طفت الكهرباء البيت كله هج والكل تصيح ؛ شغلو الضوى جيبو الشموع وهاي التصيح وين الجداحه وصارت هوووسه

فارس : شغلت ضوى التلفون مالتي وكمت ادور على الجداحه جبتها وانطتني حوراء الشموع شغلتهن بس ميفيد ضواهن، حوراء، صيحي الاهل خل نطلع بالحديقه منا لمن ترجع الوطنية

نرمين : اجت حوراء بديها شمعتين خلت وحده على الدرج والثانية بالغرفة وصاحتنه نطلع للحديقه كل واحد اخذ فراش ومخده وطلعنه كعدنه كعده عائلية

..جان بوكتها شهر الثالث وربيع والجو كوولش حلو وليلة گمریة ، جنت كاعده اني والبنات نسولف حسيت احد ديرقبني ، باوعت شفته فارس ، مبتسم ويباوعلي صافن عليه ، عدلت كعدتي وباوعت خاف طالع مني شي عدلت دشداشتي ، وربطتي اوخر منا او منا وهو عينه ابد مشالها مني منزوي الوحده علمود لحد ينتبه عليه