عشق الطوائف( عشقي)

البارت الثالث والثلاثين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
♧🌹♤الحلقه-8-♤🌹♧
الكاتبة:- فاطمة علي
🌸لايك+تعليق🌸

اقروا الشعر لتغلسون 😉😂👇
ماكض الشفايف لا تكللي شبيك
خايف من حلاتك يصعد السكر
إذا كل شبر منك ثورة ع الحلوين
وإذا كل الحسن يم طولك اتعثر
وإذا من تمر يمنة نصير كلنة عيون
ولك جام الخجل بس يمك اتكسر
زاعلنة الكمر من ساعة الشفناك
ونورك كض مكانة وعالشمس كسر
واغتاض الورد من خجلن الوجنات
لبس دشداشة سودة وشكك الأحمر
منبر للجمال انته الجمال البيك
وما ترهم الغيرك يصعد المنبر
عجائب عدنة سبعة وإنته ثامن صير
وإنته اول عجيبة ابوسة تتفسر
بس جيب اليبوسك ياوكيح عيون ؟
وبشفافك ندى بلحظة اليشم يسكر
امن اجي البستان حظنك ارحم الجوعان
باجر ارد اصوم ابشفتك اتسحر
وأرد وية الفطور اخذلي كعدة وياك
واذب تيزاب جوعي بخصرك اتفطر

...........

نرمين : حسيت راح يغمى عليه من وسام طلبني كدام الكل ،صارت صنطة وعم الهدوء بارجاء المكان من الصدمة من طلب وسااام ، فجأة صارت هوسه وصياح بالاستقبال ...

هيثم :شنوووو؟؟؟؟؟!!!!!!!!....

عمر : رفعت راسي بصدمة على كلامة ، لك انت شكاعد اتخربط نرمين بكد جهالك ؟؟؟؟
متحملت وكمت عليه وهو كام و صار بوجهي ،ولزمته من ياخته وهو هم لزمني ، تسجب هسه كلامك ، ابوية لزمني من جتفي ويهدي بيه وابو نرمين لازم وسام ، باوع لك تسحب هسه كلامك لا اقسم بالله ما افوتها الك ..

نرمين : جسمي كله يرجف وصوتهم عله و مبينه راح يخربها وسام ..

حنان: يمه وليدي ، ام ليث شصاير شكو ومنو هذا مو كلتي اهلكم موافقين ..

سمية : والله ياعيني مدري شجا هل رجال هذا يصير ابن عم ابونه ، ونرمين معتبرها بمثابة بنته ...

نرمين : الدمعه بطرف عيني وكبل اتخيلت هسه راح يعقدولي على وسام اتذكرت لمسات اليه و سوالفه السواهن وياي ، الا شوية اتقيئ ...

وسام : مااسحب كلامي واني الي الاحقية بيها اكثر منك ، ابو ليث نرمين اليه ..

عمر : بعدك مصمم على كلامك مو ..

وسام : اي وعلى ما بخيلك اركبه ..

عمر : عظيت على شفتي ، وركعته كلهه فلشت خشمه ، ورجعت سحبته من ياخته وركته بوكسي ورمت عينه ، كاملي ودفرني حيل برجلي ، ردت ارجع اضربه وكفو ابوية و ابو نرمين بنصنه و الزلم لزمنوه ، نرررمين اليه ومتصير الغيري واليوم اذا ماتنطوها الي اخذها غصب عنكم ..