عشق الطوائف( عشقي)

البارت الثاني والاربعين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
قدري
♧🌹♤الحلقه-17-♤🌹♧
الكاتبة:- فاطمة علي
🌸لايك+تعليق🌸

نرمين : خل نشوف بكيفك لو بكيفي ...

عمر : ابتسمت وباوعتلها طبعاً بكيفي ، بس الخاطر الطفل كومي خل نطمن عليه عليج الله ...

نرمين : ميحتاج نطمن عليه اني اعرف نفسي حامل وقبل كم يوم رحت للدكتوره وكولشي مابي انت بس اطلع منها ...

عمر : مو بكيفج اطلع منها ، غير وليدي بطنج ، يله يخلص السيروم وترجعين وياي اني اوصلج البيتكم ...

نرمين : رجعت تمددت بعصبية ، اي مو هي بكيفك ، انتظرت منا لمن كمل السيروم اجت السستر وخرت الكانونه من ايدي وكمت داريد اطلع جان عمر يلزمني من ايد ..

عمر : على كيفج ..

نرمين : خزرته عمر وخررر عوف ايدي اني امشي مابيه شي ...

سما : شبيج اتعاندين خل يوصلج مهما كان بعده زوجج ...

عمر : شلون يعني مفتهمت شلون بعدني زوجها ...

سما : نرمين حامل الها تلث اشهر يعني قبل لتطلگون هي اصلاً حامل لذالك يعتبر الطلاگ باطل لان هي حامل وهسه هي بعدهي زوجتك على ذمتك ، لتباوعين هيج اني اكول الحق ...

نرمين : دكافي اسكتي اسكتي ....

عمر : يعني هسه نرومه بعدها على ذمتي لالا خاف جذب سما بالعباس ازفج الليله على علي اذا صدك ...

سما : والله شبيك شنو متعرف ..

عمر : لا سامع بيها بس ممتأكد ، امشوا هسه امشو ...

نرمين : امشي وعمر كل شويه يريد يلزمني من ايدي واني مااخلي حيل ضوجني ، صعدت ويا بالسياره وسما وعلي ويانه ، وصل سما البيتهم وصل علي وبقيت اني ويا ...

عمر : اي نونايتي مشتهيه شي اشتري الج ...

نرمين : لتنرفزني وصلني للبيت بسرعه ...

عمر : مو تدللين ...

نرمين : وصلني للبيت دخلت جوه رحت على ابوية ، بابا عمر بالباب يريدك ...

هيثم : وهذا شيريد ...

نرمين : ماادري ، عفتهم وصعدت فوك ....

عمر : طلع عمي للباب سلمت عليه وهو هم سلم عليه ، دخلني للبيت كعدنه بالاستقبال ...

هيثم : كول شرايد ...

عمر : عمي ، اني عرفت الحقيقة وان نرمين مبايگه ثبتت برائتها كدام الكل شي واهلي واني كلنه متندمين على الصار
و نريد نجي نعتذر منكم على الصار ونرد اعتباركم السموحه منك ياعمي ومن نرمين ...

هيثم : اعتبركم اجيتوا واعتذرتوا غيرها ...

عمر : عمي نرمين ، نزلت راسي وخايف اكوله على حملها لان كاعد وعاكد حواجبه ، عمي نرمين حامل ..