♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
قدري
♧🌹♤الحلقه-18-♤🌹♧
الكاتبة:- فاطمة علي
🌸لايك+تعليق🌸
مابيك غير العافيه المابيه
كالو حلاة الصدفه مو يوميه
يومين ماشفتك عظم وجهي انشاف
وانه السبع يومين ياكل بيه
.......💔
وتفاجئت شفت الماكن وياي
مشتاكه الك اني ادري بيها اغنيه
شوف لي دوه شوكين واللي سلمك
ليصابني شوكن يبرد شوكي
كل ما هقيتك جيت ماستكبلتك
المعذره دمي نشف بعروكي
💔🥺........
نرمين : بعد رجوعي من المحكمه وقراري هذا اتخذته بسبب تسرعي مجان عندي اي وقت افكر بي او ممكن اكول الاحد من عائلتي ويحلها بس اني بنظري مااشوف احد بيهم راح يوكف وياي لو يسمعني مباشرتاً راح يصير دم واني الاروح ضحيتها و طبعاً اهل زوجي راح يعتبروها خيانه وغصب عني ياخذون ابني حتى لو جانت هاي الصور قديمه ، مراح يكولون غير هي عدها علاقه بي ...
...مجتمعنه هذا مراح يكولون هي انظلمت لا بالعكس راح يكولون لوما هي منطيته عين هو ميتجرأ ويتقرب الها ، محد يعرف يعني شنو طفله تتعرض الهيج شي محد يحس بالي مريت بي ، الحد الان اتذكر شكله
وريحته المقززه وشكله وحركاته وطريقة كلامه وتعامله وياي ...
...محد مراح يكول هاي طفله شنو ذنبها وهيج صار وياهه مجتمعنه مجتمع ذكوري شرقي عقليته متخلفه ينطي الحق دائماً للرجل ويبخس حق المرأة ، والدين الاسلام بالعكس يفضل دائماً المرأه على الرجل خلاها رحمه الابوها و تكملة دين الزوجها و تحت اقدامها الجنه و ضرب بيها الامثال كاالقوارير بل هن ارق من ذالك ، منزلة المرأه اكبر من منزلة الرجل حتى بالقراءن الكريم ، بس احنه مجتمعنه عكس كل هذني وجعل الحق دائماً مع الرجل تحت مسمى العادات والتقاليد ...
...مهما كانت المرأة قوية لكن هي بداخلها انسان ضعيف بكلمتين من الرجل يضحك عليها ويخليها تخدمه وتخدم اهله واولاده وكل هذني هي ممجبره تسويهن بس احترام للزوج هي تسويهن وتخدمه اتمنى مجتمعنه يتغيير ويفهم شنو معنى المرأة...
نرجس : نرمين ، فارس عرف بيج رجعتي العمر ...
نرمين : درت وجهي عليها وخزرتها ، شلون عرف ومنو كاله ....؟
نرجس و اني كتله ، ومااعرف هسه راح يجي او لا ماادري ...
نرمين : كعدت على الجرباية ، نرجس قصه فارس وذكرياته اني سديتهن من اول يوم عقدت بي العمر ، بس المشكله الماضي وين مااروح يركض وراي شكد احاول انسى واكول نسيته وبعد ماافكر بي وتجي ايام والله ولا على بالي وفجأة تصير شغله طيح حظي وارجع لنقطة الصفر ، شكد حاولت اتأقلم ويه عمر واحبه والله احبه بس هو مدا يخليني اتعلق بي ، كل سالفه يسويها وياي اكبر من القبلها ادري بأول وحده اني غلطت وتندمت بس من وكف ضدي كدام اهله وخلاني وحيده ، وبوقتها جنت محتاجه احد استند عليه فجأه طلع بوجهي فارس ، لوتشوفي شلون جان يهادد ويتوعد بيهم وتضارب هو وعمر ....
أنت تقرأ
عشق الطوائف( عشقي)
ChickLitقصة عشق الطوائف { عشقي}🌷 الكاتبة:- فاطمة علي أبـحـث عـنــكِ عــن ملامـحكِ بســمتـكِ صـــــوتـكِ بيـن أنيـــــن العـاشقين وشــوقهـم فى مـدحهـم ... غـزلهم .. نبضهـم أبحـث عـنــك بيـن الـعـبـــــــــــارات و الـهـمســات و في كل الـروايــات أبحث عنكِ...
