عشق الطوائف( عشقي)

البارت الثاني والعشرين

'♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'

♧🌹♤الحلقه-22-♤🌹♧

الكاتبة:- فاطمة علي
🌸لايك+تعليق🌸

لسان حال فارس ....
اريد اعلن حداد وللعشك ماعود
واريد انساك ونسة البينك وبيني
وشك دفتر غرامك خاطر انة انساك
ودير الوجه عنك من تلاكيني
ماريدك بعد لو انت روحي اتصير
وماريدك لون من موت تحييني
ملح بعيوني احطن ونسة حتى النوم
اخافن بالمنام طيوفك تجييني
اذا شافتك عيني وفرحت بملكاك
والله اتبره منهه وهاي موعيني
واذا صافحك جفي بحجة الخملان
اكص اثنين اديه يساري ويميني
واذا كالولي حبك يسري بالشريان
ثق بالله اكطع كل شراييني
واذا صاير شمس انه ابقه دوم بليل
وما ريد الضوة وبلظلمه خليني
تذكرمن لكيتك والعطش واليك
وكلتلي امعود اترجاك روييني
عصرت اجفون عيني وشلت
دموع وشربتك بديه وانت تدرييني
ومن مرني العطش
صرت انت جربة ماي
كصدتك معتني ومديت جفيني
وانت بكل وكاحة وكل صلافة عين
درت بجفوفي سم وردت تنهيني
تذب نفطك عليه وانه بيه النار
وتتحمه اعله ناري و ماتطفيني
وصرت محبس بديك
وكمت بيه تسوم ساعة تبيع بيه
وساعة تشريني
اظل خصمك وفضحك
حتى من اتموت على
كبرك أخطـــــــــــن بايك اسنيني
اي والله بايك سنينييي ..

.
.

نرمين : لزمني من وجهي واني الدمعه تغرغر بعيني .. باسني براسي وكال ..

مهند : ان شاء الله اكدر اسعدج ..

نرمين : متحملت كبل دمعتي نزلت.. مسح دمعتي بأيده و اخذ ايدي وطلعنه للاستقبال .. احس نفسي اختنكت البيت شكد جبير بس احس نفسي بقبر كاعده .. اني شسويت بروحي .. اباوع على مهند فرحان ويسولف ويضحك ويه اهله

.. جابو الذهب علبه جبيرة وعلبتين صغار .. فتحو العلبه الجبيرة بيها تخم كامل وكلاده طويله ومحابس وحلقه .. العلبتين وحده بيها ساعه والثانية حجل وسوارات اربعه.. لبسوني الذهب هو دنك و ديلبسني بالحجل ..

.. حيل خجلت ومتت قهر هاي الرجلين جان يتمنى فارس يشوفهن معقولة فارس هسه عرف .. اني دمرته شلون وافقت .. مهند باوع على رجلي من لبسني الحجل و غمزلي كبل خزرته .. صح هو صار زوجي بالشرع بس احس
ميحقله يلزم اي مكان بجسمي ..

.. وكلني كيك .. اباوع على الساعه الوكت ميمشي ابد اسؤ ساعه بحياتي .. كمل ورجع باسني براسي كبل تذكرت وسام
وانفاسه الحاره على وجهي الكيك والشربت ردت اتقيئهن .. كبل وخرته وكعدت على اعصابي ..

.. معقولة هاهي هسه صرت مرت مهند مو فارس .. اووف. يافارس وينك لو سامعه كلامك وشاردة وياك ولا هل عذاب
..