عشق الطوائف( عشقي)

مقاطع الجزء الاول والثاني

عشق الطوائف الجزء الاول
( قدري)
السلام عليكم ورحمة الله وبركاته
وعدنا اليكم من جديد
الكاتبه : فاطمة علي ❤️

.........

نرمين : نصف من حياتي اختصرتها ب ٢٥ بارت عشتو وياي الحلو والمره الفرح والحزن ... اتابع تعليقاتكم بشغف واخذ العبره من كلامكم ومو بس هيج من احد بيكم يحجي عليه اكول حقهم ممرو بالي عشته والمريت بي
... طفله جان كل همها الحلويات واللعب ويا الجهال
جانت دائما اتشوف فارس ابن عمتها البطل الخارق جنتل مان الي دائماً ينقذها من اكبر خطر تمر بي

... بعد وفاة ابو فارس الي بوقتها تفاركنه اني وفارس وبعد متشاوفنه اجاني كابوس بأسم وسام هذا الكابوس ماكدرت اتحرر منه بس بالمستقبل ممكن اخلي ماضي واقفل عليه باب الذكريات ؛،

التحرش الي تعرضتله لو بوكتها موتني خلاص ولا مخليني عايشه بكل هذا الخوف ثمن سنين عشت ويه وحش اسمه وسام مثل الجن تلاحكني عيونه وين مارحت كمت اكره شي اسمه ولد اتخايلهم كلهم نفس الشي
... خطف اخويه حيدر وقتله كان رعب بالنسبه اليه والحد الان شكله ميروح من بالي وفاة جدو الي جان هو المثل الاعلى الي ولكن بعد فقده حسيت بأنكسار ورجعت افقد ثقتي بنفسي

... بعدها ظهر فارس احلامي الي جنت اتمنى يتحقق بيوم من الايام ويكون فارس لدنيا الخاصه بيه ،؛
طلعني من من الظلاااااام الجنت عايشه بي وخلاني بالجنه الخاصه بي
ضلينه سوه بحب طاهر بدون اي دغش ولا شهوه مسوينه شي يغضب الله سبحانه وتعالى
حبنه جان عفوي جدا مده تلث سنين واحنه نعاني
اعترف ان فارس عانه اكثر مني لكن الضعف الاني جنت بي بوقتها
هو جان سيد الموقف اتمنى يرجع الزمن
ليورى واواجه الدنيا كلها بهاي قوتي بس بعد فات الاوان و غلقت صفحة حب فارس ونرمين ...
لكن هل ياترى سوف يغلقها القدر ام سيكون له رأي اخر ...

زواج ليث من امرأة مسيحية عشقها وحارب علمودها وتزوجها غصب
عن الكل وهي هم دخلت الاسلام وتخلت عن ديانتها في سبيل حبها
وهي تعرف ان هذا الشي خطر عليها
  لكن لأجل الي تحبه حاربت جنت اتمنى اكون بقوتهم ...

زواج اختي هم جان اله اثر بحياتي ان اخذت الي تحبه والي قلبها يميل اله ...
سكوتي جان اله اسباب كثيره راح تعرفوها بالجزء الثاني
والسبب ورى هي شيماء زوجة حسين اخو فارس ...

... بدون مقدمات ظهر امامي شاب وقال لي ... اسمي عمر ، نرمين اني احبج اتمنى تكونين زوجتي على سنه الله ورسوله وتكونين ام اطفالي ... 2017/1/1.........
عشق الطوائف الجزء الاول (قدري)
🌷...🌷...🌷

الكاتبه : لعبة القدر دائماً ما تجعل توقعاتنا مرات تخيب ومرات تصيب لكن راح تشوفون تغيرات
كبيره بالموسم الثاني لرواية عشق الطوائف جنت
اتمنى ان اغير اسمها لكن بأخر ايام تركت هذا الاسم احترامً لشهدائنه
الابرار الي سقطو بالمظاهرات ومن ضمنهم احد شباب الجزء الثاني للرواية
اتمنى تعجبكم وراح ابدي بتنزيلها خلال الاسبوع المقبل
اعتذر على تأخير القصه لكن المظاهرات والديصير بالعراق
هووواي مأذيني والشهداء الراحوا كلهم ولدنا واهلنا هنيئاً لهم
والله ميته قهر عليهم كلهم شباب بعمر الورد
المهم احنه اولاد اليوم
......