عشق الطوائف( عشقي)

البارت الواحد والعشرين

'♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'

♧🌹♤الحلقه-21-♤🌹♧

الكاتبة:- فاطمة علي
🌸لايك+تعليق🌸

مخنوگ على صوتك ماتجي أشبيك
عجب مامريت بحلم من يمك بيوم
ماصابك وجع ماصفه بصدرك ضيج
و لا هزك حنين بگلبك ولوم
ماتذكر ولك ليالي السهرناها
ولا غيوم السما المرن وألنجوم
چن آني نسيت وراح ذاك الشوگ
سكن غيري بمكاني وهسه شابع موت😔
فارس.....⚘💔⚘نرمين ......

قبل الحادث بأسبوعين .......

نرمين : بدينه بالتحضيرات العرس عذراء تنظيفات بالبيت ونخبصنه خبص كأي عرس يصير بيتنه

.. امي طبيعتها تواصل هوواي عالم اتصلت بكل صديقاتها خالاتي عماتي مخلت كريبنه .. راحت عذراء للصالون وياهه فاطمة ..واحنه ضلينه بالبيت اني ونرجس نساعد امي .. عاد عماتي لزمن مكانه ..

..صعدنه فوك مكيجت ويه البنات ومششغلين دي جي ونركص وحييل فرحانين .. تمارة كوولش حبابة حالها حالنه .. لبست فستان لون تركواز و صدره بي شغل ذهبي يخبل

.. سويت شعري كيرلي .. كملت ونزلت جوه .. للعصر صاحو اجت العروس ..تلكيناهه من الباب هلاهل وهوسات و جكليت ..

فاطمة : تذكرين من جلبتي بيه وتكوليلهم مانطيكم ياهه ..الحد الان علي يتذكر هل موقف ويخرب ضحك ..

نرمين : غير جنت زعطوطه هههههههه ..عبالي ترحين بعد متجين ابد ..ههههههه .. سوينالها حفله حنه تخبببل .. ثاني يوم اجت الزفه دخل زيد بقاطة شاب حلو ومرتب ..

.. طلعنه هوسات وهلاهل شلت جكليت بيدي جان اشوف فارس ، واكف ولابس قاط لان زيد يصير صديقة فعزمه على العرس

..حسيت ماعت روحي طالع بالقاط يموووت ونوب كاعد عليه .. هو شيلبس حلو عليه لان ممشوق وعنده عضلات خفيفة بارزه وطولة كووولش متناسق وية جسمه.. باوعت عليه بتملل و اشرتله .. اوووف يافارس شدتسوي بية انت ..

صرت قريبه عليه وهو يضحك وغمازته مبينه يعدل بقاطه ورفع حاجبه .. وصلت يمه وعلى كيف شويت ككللوش ..شلت الجكليت وشمرته على راسه هو خرب من الضحك .. رحت وكفت بصفه منتظرتهم يصعدون بالسيارات

فارس : انتي تتحارشين بية مو اني  ..

نرمين : هههههه العالم راح تنتبه علينه .. عفته دا امشي وهو وراي ودنيا لازمتني بيدي .. جان يكول ..

فارس : يجي يوم وتطلع زفتنه من هذا الباب ..

نرمين : ههههه امشي بسررعه اخوج مخبل راح يفضحنه .. شفت وسام واكف ليغاد من عدنه وهز براسة بمعنى اصبريلي ..صعدت بالسيارة وعيني على سيارة فارس