عشق الطوائف( عشقي)

التاسع والثلاثين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
قدري
♧🌹♤الحلقه-14-♤🌹♧
الكاتبة:- فاطمة علي
🌸لايك+تعليق🌸

حين يبحر المساء
ويغرق النهار
وتنام زوارق العيون
أكتسي بردة الخيال
اطارد الشبح المرسوم
بين أجنحة السور
أسترق خلسة نسمة
وراء مدفأة الوعود
تعثرت بين ضفاف الجفون
انتظر سهما يوقظ قلبي المكسور
أغازله شوقا حبي المدفون
أشم فيه رائحة الألم والهموم
أكتسي غبار الندم المحطم المكلول
خلف نافذة الجرح المسلول
يذكرني بعباءة يوسف
القادمة مع رياح الامل المسفوح
أنتشي قسمات السرور
ولو مرة في عمري المقبور.....💞
...........

عمر : ونرمين ، يمه ونرمين شلونها ...

حنان : دخلوها للعملية علمود ينزلون الطفل ...

عمر : احس بعد حيل مابيه انتجيت على الحايط وشويه شويه كعدت بالكاع وخليت ايدي على وجهي وبجيت بصمت ، اني موتت ابني ، اني اذيت حبيبتي ، اني شسووويتتت ...

نرمين : صحيت من البنج بس احس كل جسمي يأذيني ، وجع براسي رهيب ، خليت ايدي على وجهي وكمت ابجي ، حسيت احد لزم ايدي وخرتها جان اشوفه ، عمر !؟ للحظه حسيت بضعف ، كرهته بس عذرته ، اني محتاجته هووواي حظنتها من خاصرته و كمت ابجي ، ابني راح خسرت ابني عمر ابنا مااااات ...

عمر : تحجي و كل كلمه منها تحرك قلبي وروحي ، حسيتها حيل ضعيفه و محتاجتني ، ااااش كافي الله يعوضنه بأحسن منه هذا مجان من نصيبنه ، كافي لتبجين ، وخرتها ولزمت وجهه واني امسح دموعها ، لتبجي كافي .....

نرمين : عمر ، بنيت احلام ويه هذا الطفل يوم واحد حسيت اني املك الدنيا يوم واحد خسرت الدنيا كلها ، اخذت نفس ايدي دتأذيني خل يغيرون اليه المغذي يمكن ممخلينه عدل ، رجعت تمددت اجت السستر بدلتلي الابره مال مغذي شويه احسن ، باوعت العمر حيل مكسور ، اختنكت منه واني اتذكره شلون بكل وحشية تقربلي و توسولاتي اله ، عمر ...

عمر : ها حبيبتي ، كولي ...

نرمين : امي وين ليش ماكو احد من اهلي ...

عمر : مردنه نهبطهم بنص الليل ، الصبح نگوللهم ...

نرمين : محتاجه امي اريد امي ...

عمر : ماشي اول مايطلع الفجر اتصل عليها واخليها تجيج انتي بس ارتاحي هسه ...

نرمين : ضليت اغفى وافز ، الى ان نمت ...

عمر : نمت اول مانامت نرمين ، كعدت الفجر رحت اتوضيت وصليت ، شلت التلفون دكيت على امها ، الو ها عمه شلونج ..؟