عشق الطوائف( عشقي)

البارت الخامس

♧'🌹'♧'عشق الطوائف'♧'🌹'♧'
'🌸'{عشقي}'🌸'
الموسم الثالث
♧🌹♤الحلقه -5-♤🌹♧
الكاتبة:- فاطمة علي
🌸لايك+تعليق🌸

لا يوجد شيء اسمه مستحيل ،،،، هذه مجرد افكار سلبيه تولدها في داخلك ،،،، حفز نفسك وثق بها ،،،، وردد في داخلك سافعلها .. انا قادر ..ساصل ..وسوف تجد نفسك في وسط حُلمك ،،،، بفقط بقليل من الارادة والعزيمه والاصرار ❤💥

.
.
نرمين : حياتي نقلتها كلها بتفاصيلها الممله للكاتبة ولكن انتو تحبون تعرفون اخباري مردت بعد ينزل اي شي عني بس من شفت تعليقاتكم وحبكم للرواية اتفقنا اني والكاتبة نزل شوية عن الي صار وياي بهاي الفترة الفاتت ، اترككم مع الكاتبة فاطمة علي تحياتي ، نرمين ....

نرمين : اول ايام اليه بالكوت وبالتحديد العرب بين كل بيت وبيت مسافه حيل بعيده
، الي تزيد جمال هاي المنطقه هي البساتين الخظار الي نفتقده ابغداد ، الطبيعة الحلوة الي احسها مابيها اي جرثومه او مرض ، حياتي حيل هادئه بس اني نرمين هههه ممتعرده على الراحة او الهدوء دائماً اكول ربي سترك من هيج راحه وهدوء ، لان حظي واعرفه كولش زين ...

...جنت كاعده بيت عمتي عازمينه على العشه والجهال يلعبون بالحديقة وفارس وحسين وياس كاعدين بالحوش ، واحنه بالمطبخ انحظر الاكل ..

الهام : يمه فدووة لخديداتج اكعدي انتي بعدج عروس ..

نرمين : عمه اني قابل شمسويه اساعد البنات ، رحت بستها من راسها اثناء مادنكت عليها ويه ما رفعت راسي دخت احس الدنيا غوشت بعيني لزمت عمتي من جتفها وبأيدي الثانية لزمت راسي..

الهام : يمه شبيج ..؟!
نور : اكعدي اكعدي خية ، الظاهر بعدج مامتعوده على جونه ..

نرمين : مابيه شي دائما اتصير وياي هاي الحاله ، من ورى فقر الدم
، وبالاخص من اصير حامل يموتني فقر الدم ، كعدت واني ممنتبهه على الحجيته بس هن صفنن بوجهي شيماء خزرتني وشمرت الخاشوكه بنص السنگ ، جان عمتي اتكول ...

الهام : يمه خاف صدك حامل ..؟
نرمين : ها مادري بس معقوله ، يعني مصارلنا شهر من اتزوجنه بهل سرعه ، ههه لا عمه ممعقوله ..

الهام : يمه انتي احبالتج بعلاج لو هيج كبل اتحبلين ..
نرمين : لاعمه بدون علاج گبل يعني يصير حمل ، خجلتني بسؤالها كمت امتمت بالحجي
، عمه اني اروح شويه اتمدد جوه ..

نور : تعالي اخذج الغرفتي ..
نرمين : لاحبيبتي اني اتمدد بالهول محد بي ، لزمت ايدي وكالت لا تعالي وياي
، اخذتني الغرفتها فتحت الباب ، غرفه حلوه مرتبه كولشي بمكانه ، البروده البيها و احس كلها حب وحنان مدري شلون فارس ميرتاح بيها استغربت يعني معقوله رجال يشوف كل هاي الراحه و ميريد مرته ، رحت تمددت على الفراش بالكاع نور كعدت على حافة الجرباية وكالت ..