عشق الطوائف( عشقي)

البارت 27هدية السنه

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
♧🌹♤الحلقه-2-♤🌹♧
الكاتبة:- فاطمة علي
🌸لايك+تعليق🌸

.
.
نرمين :كبل اتذكرت حيدر، باوعتله و دموعي تريد تنفر منها الدمعه .. اخويه هم كتلوا ال
سنه ، خليت ايدي على وجهي و بجيت واني صار كدامي حيدر شلون ليث شايله وقميصه كله دم ،

عمر : اخوج شهيد ؟ اسف والله ماادري ، كمت وتقدمت عليها لان كامت تبجي بحرگه ردت اللزمها من ايدها كبل نترت من يمي،

نرمين : اول شي ممسموحلك تلزمني من ايدي ثاني شي لو تموت كدامي اني ما اصير الك ، عفته ومشيت هو رجع كعد ، واني احجي ويه نفسي ، كلكم تتشابهون اتوقعته راح يكون مثل فارس بس لو بعد الف سنه ميجي واحد مثل فارسي ......

عمر : عافتني و راحت كعدت على الكرسي بكل صدمه ، اني احبها شهل حظ عندي اخ ياقلبي مثل قلب عمك تعشق شيعية ، كبل راحت ذكراتي ال 2005..

.................

عمر : اسمي عمر من مواليد 1993 شكلي عادي كأي شاب عراقي بس وجهي طفولي
شعري جوزي وبشرتي تنطي على شگار ادرس كلية ادارة واقتصاد
عائلتي متكونه من ام واب على قيد الحياة
عندي اخو ثنين قصي ٩٦وعثمان ٩٤
عندي خوات تلاثه نور الجبيره ٩٠ متزوجه و ميار ويارا صغار بعدهم يدرسون اعداديه
حياتنه كأي بيت عراقي جنه عايشين بالرمادي بعدها انتقلنه البغداد بمنطقة البلديات والحمدلله عدنه خير من الله ..

فتحت عيني على الحصار وبعدها سقوط صدام والحرب وراها بدت الطائفيه الي دمرت العراق بين السنه والشيعه ب2004..

............الرمادي 2005

ابو عمر : عجل انتا تريد تموت نفسك

حارث : ماموت نفسي انتم بس تركوني لحالي وانا اعيش بخير

ابو عمر : ولك يجتلوك ذول ويذبوك باب بيتا

حارث : مااهتم انا حجيتلكم السالفه كلها وبت بغداد رايدها وغصب عن اليرضى والمايرضى

ابو عمر : بس هي شيعيه تريد تاخذلك رافضيه تنجس نسلنه

عمر : ابوي وعمي جانو يتگاونون وجدي كاعد مخلي ايدو على راسو ومايكدر يحجي عمي حارث يحب وحده من بغداد وشيعيه واهلو رافضين رفض قاطع ان يتزوجها لان شيعية
وفوكاها علويه موسوية عمي بذاك الوكت قفل لو اتزوجها لو اموت نفسي حبيت القوة الشايلها وحسدته شلون يوكف بوجه اهلو واخوتو علشان وحده يحبها حتى لو جانت يهوديه المهم هو يحبها ومقتنع بيها وصارلو تلث اشهر يقنع بيهم وهم مايقنعون