♧'🌹'♧'عشق الطوائف'♧'🌹'♧'
'🌸'{عشقي}'🌸'
الموسم الثالث
♧🌹♤الحلقه -2-♤🌹♧
الكاتبة:- فاطمة علي
🌸لايك+تعليق🌸
ملاحظه / اي اكل او شرب بالرواية قبل الفطور لان بيت
فارس جايين من مكان بعيد وام فارس متكدر تبقى
على صيامها فقط للمعلومه ....
ذاك من ذاك التشوفه
وگلبك لگلبة يدگ
وذاك من ذاك التحبه
ويسوة عشگك من صدگ......
.......
نرمين : ابوية وكع ركضنه عليه شاله وسام وخلا على القنفه ، بابا بابا، شفته فتح عيني وميباوعلي ودار وجهه عني ..
سمية : وخررري مننااا والله اذا صار بأبوج شي اذبحج بثنين اديه ...
فارس : خزرتها واني لازم نرمين من ايدها وخرتها خليتها وراي ، جربي تگربين الها ، نرمين روحي اصعدي الغرفتج ...
نرمين : طلعت من الاستقبال وابجي نرجس وتماره وكفات بالباب ، لزمتني نرجس ...
نرجس : اني ادري بفارس اليوم يجي يخطبج ، لان البارحه راسلني وكالي ، لتضوجين نفسج اول وتالي يوافقون ...
نرمين : حيل اختنكت ، وفرحتي تلاشت بوجهي والدمعه حاسرتها بعيني ، ماريد ابجي اليوم ابد ، ابوية صار عنده ارتفاع بالضغط ونطينا علاج و نزل شويه ، عمتي ابد محجت ومبينه مغصوبه جاية ، راحو وراحت روحي وياهم ، باتو بيت اهل وسام بصفنه ، حايط بيني وبين فارس شكد مختنكه وضايجة ، ثاني يوم عرفت هم راحو رجعوا للكوت من الصبح ...
...نزلت جوه محد يباوع بوجهي وكلها ضايجه مني وامي تروح وتجي ترزل بيه وابويه ابد مطلع من غرفته ، اجت امي وتعاركت وياي ...
سمية : شلون تقبلين بي بس فهميني شلون ، يعني ترضين تنزلين على ضره ...
نرمين : اي اقبل ، يمه شبيج انگلب حالج على فارس ليش من تصير السالفه صدوك تخربين الاول والتالي ...
سمية : لتكوليلي يمه افتهمتي ، اني لا امج ولا اعرفج انتي مو نرمين الربيتها ،بس اريد اعرف منو مگويج علينه ومشيخج ومخليج يطلعلج اللسان ، اول تالي نرمين الميطلع صوتها تعيط بنص العالم وتصيح اريده واحبه ، ولج وين اخلاقج ومبادئج شلون تجرئتي توكفين
كبال ابوج وتحجين هل حجي ، مو عيب متستحين على نفسج ...
نرمين : اي هي هاي الحقيقه وتدرين كولش زين اني بعدني احبه الفارس وابقى احببببه
، هجمت عليه وضربتني راجديات وكفخات واني بس مخليه ايدي على راسي
، كافي كااافي شنو هل ظلم هذا شنو ذنبي بس فهميني ...
سمية : شيكولون العالم علينه مصدكت رجلها مات وراحت عرست ...
نرجس : يمه كافي عوفيها ، شنو ذنبها بس فهميني اكو واحد يتحكم بقلبه
وبعدين لو فرضنه نرمين الميته جان هسه عمر متزوج ومرته حامل ، ليش حرام على المره تعيش حياتها من بعد ما يموت زوجه وحلال على الرجال ، شنو نسيتي الي عانته نرمين من عمر ، خانها وقبلت وبقت ويا وتالي كتلها ومرد جهالها بطنها وتالي رجعتله وتالي طلع خاينها ويه اقرب الناس الها و طلگلها ورى فتره الله يرحمه هي زين بقت ست اشهر على ذكرى
وين مكتوب بالدين ان المره لازم متتزوج وحرام تعيش حياتها ...
أنت تقرأ
عشق الطوائف( عشقي)
ChickLitقصة عشق الطوائف { عشقي}🌷 الكاتبة:- فاطمة علي أبـحـث عـنــكِ عــن ملامـحكِ بســمتـكِ صـــــوتـكِ بيـن أنيـــــن العـاشقين وشــوقهـم فى مـدحهـم ... غـزلهم .. نبضهـم أبحـث عـنــك بيـن الـعـبـــــــــــارات و الـهـمســات و في كل الـروايــات أبحث عنكِ...
