عشق الطوائف( عشقي)

البارت السابع والاربعين مفاجئ

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
قدري
♧🌹♤الحلقه-22-♤🌹♧
الكاتبة:- فاطمة علي
🌸لايك+تعليق🌸

.
.

بيت نرمين .....

نرمين : نزلت اركض وگبل للاستقبال، وعطت عمررررر ، شفته واكف وديسلم على اهله وشايل ياس بأيده الثانية شافني اجه عليه ...

عمر : هلا هلا برويحتي ، شتاگيتلج يابعد روحي تعالي هينا حدري القلبي ..

نرمين : الحمدلله على سلامتك حبيبي والله ضل بالي عليك ليش مترد ...

عمر : كاعد من الفجر و طلعنه متأخرين واول ماصعدت بالسيارة نمت ....

نرمين : عجل مبايلك ماشفتو كومه دكيت عليك ..

عمر : ههههههه شفتو بدت تحجي انباري بعد شتردون ...

نرمين : منا وجاي كلو لهجتك ، قبانو القلبك ....

عمر : ول يابه امشي جدامي خل اتغزل الطولج ...

حنان : اخذها فوك وتغزل بيها براحتك ...

عمر : يله عيني اودعناكم ، هاكم ابنكم وانه ماخذ حرمتي ورايح ...

نرمين : ههههه عيب عمر شبيك لا كدام اهلك ...

عمر : غير حرمتي شني بايگچ ...

نرمين :هههههه ولا تكعد راحه ، عفتو صعد وحدو واني نزلت جوا ، استحيت عيب من عيالي هسه شيگولون ، نزلت سابح ومتعطر گبل كعد بالگاع يلاعب ياس ، مرت الايام حلوه
ومابيها اي مشاكل ، الا فد يوم دكت عليه دنيا ، رديت الو هلا يروحي ...

دنيا : هلا وغلا يقلبي شلونج اخبارج...

نرمين : بخير اذا انتي بخير عمتي شلونها الولد ...؟

دنيا : كلهم بخير ، جايتج ببشارة ...

نرمين : كولي وفرحيني ...

دنيا : واخييراً احمد ابن خالي خطبني ...

نرمين : ايييي كلوووووش ، الف الف مبروك حبيبتي وشوكت تعقدون ..

دنيا : بعد يومين صح متأخره من كتلج بس ماادري انتي متعرفين عبالي اهلج كالولج ...

نرمين : عندي اتصال ويه امي بس مكالتلي ابد يمكن نست ، المهم حبيبتي الف مبروك ان شاء الله منو المال ومنج العيال ...

دنيا : تسلمين يروحي ، حياتي انتظرج مو متجين انتي اختي وبهيج يوم محتاجتج وياي ...