عشق الطوائف( عشقي)

البارت التاسع والعشرين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
♧🌹♤الحلقه-4-♤🌹♧
الكاتبة:- فاطمة علي
🌸لايك+تعليق🌸

.
.
نرمين : دخل عمر هو وصديقة علي ويحجون ، اني هنا صوفرت من الخوف ، وكلت الله يستر اذا تشاوفوا وكفوا ليغاد وجان عمر راسه بالكتاب ومنتبه علينه او يمكن انتهبه الله اليعلم كبل شاورت سما وكتلها، سما ديري بالج تحجين شي كدام عمر الله يخليج ، وروحي على عمر وعلي واحنه راح نطلع لتخليهم يشوفونه ..

سما : ماشي تدللين ...

نرمين : راحت سما واني كل جسمي يرجف مااعرف بس فارس خلاني بوقف حيل محرج ، خليت وطلعت من وراهم بدون ميشوفوني وفارس وراي ، طلعت من الجامعه كلها وفارس يمشي وراي، عبرت الشارع وهو يصيح ...

فارس : مخبله اوكفي لتنسحكين مو وكت خبالج ، شبيج نررمين ، لج شبيج ...

نرمين : عبرت الشارع العام وصلت المكان مابي عالم هواي وكفت ودرت وجهي على فارس بكل عصبية ، هو هم وكف وضحك ، بقلبي حجيت ، خرررب لتضحك ، اخ ياقلبي لو بيدي اله اشلعك شوكت اطلع حبك منك بعد ، كلت لا خل اتقوه بس بقى صافن بوجهي ويبتسم واني بهاي نظراته تخليني اضعف كدامه مو بيدي احبه ...

فارس : ها شبيج صفنتي ، مو كتلج تحبيني ومستحيل ومن سااااابع المستحيلات تكدرين تكرهيني ، نرمين والعباس احبج ، لج ماكدرت مااجي اليوم ردت اموت قلبي طك عليج وشوقي الج ماله نهااااية ، والله بس انتي انطيني الضوء الخظر اخذج ونشرد وخل شيصير خل يصير بعد ما اتحمل فراكج كل يووم اكول انساها وخل اعيش حياتي بس ارجع اشوفج تمشين كدامي ...

نرمين : فارس اني وياك مستحيل ننجمع انت ليش بعد مدا تفهم ، بعدين اني عن قريب هم راح اشوف حياتي انساني ..

فارس : يعني شنو قصدج ؟مفتهمت وضحي اكثر ..

نرمين : يعني اتزوج واكون اسره ..

فارس : اموتج واموته واكتل روحي فوگاكم ، سويها وشوفي ...

نرمين : ادري بيك متسويها ، وشي ثاني انت عايش ويه زوجتك مو كافي دتخونها ..

فارس : اول شي لتتحديني ، ثاني شي اني مخاين مرتي ..

نرمين : وهاي شسميها ، اني اكره الرجال الي يخون ، انت خاينها بالمشاعر والحب ، انت مدا تنطيها اي حب ومشاعر كلهن ويه وحده ثانية ، وهاي الثانية راح اتكمل التحدي وياك وتسمع خبر عرسها عن قريب ، لزمني من معصم ايدي حيل وخزرته ، فااارس والله اعيط ..

فارس : تدرين بيه كلشي اكدر اسوي وهسه اخذج واكسر عينيج بس من محبتي الج خلتني اعمى كلشي ماشوف ...