عشق الطوائف( عشقي)

البارت السادس والاربعين

♧'🌹'♧'عشق الطوائف'♧'🌹'♧'
'🌸'{عشقني سُنَيَ}'🌸'
الموسم الثاني
قدري
♧🌹♤الحلقه-21-♤🌹♧
الكاتبة:- فاطمة علي
🌸لايك+تعليق🌸

ملاحظه قبل بدأ البارت  / هاي شنو ابو علي  صارله كم يوم ميعلق
ونرمين بنفسها اجت كالت هو الي يضيف رونق للقصه وطلبت ان يرجع يعلق هو
واستاذ علي لان تكول اني قابله ينتقدوني عادي
، وبعد اي احد يقلل من احترام الثاني احظرجن
خل ينتقدون الابطال عادي محد معليه
اني اذا شفت تعليق مو زين احذفه
رجاً كلت ماريد مشاكل والثگل حلو للبنية هذا كلامي للبعض
وراح يفتهمن شنو قصدي ، و غير سوالف بعد مو هسه احجيهن
.....متابعه ممتعه ...❤️

هذاك انته
يحتى بنومك ما اكدر اردك
تطب كبل الحلم للعين ....
.
.
نرمين : دخلنه سنه جديدة وحياة جديدة الي هي ٢٠١٩، مريت ب ٢٠١٧ صح عانيت هواي مشاكل وضغوطات بس ٢٠١٨ احسها اجمل سنه بحياتي مجان بيها مشاكل او شي محلو من بدايتها الحد نهايتها ، لكن ياترى ماذا تخبئ لي ٢٠١٩ .....

....مر كم يوم على بداية الشهر الاول ، كاعده اللعب ويه ياس بغرفتي واعلمه كلمات وهو يرد بأحرف غير مفهومه صار كل حياتي هو شغلي الشاغل ، دك تليفوني كمت شفته طلع رقم غريب كطعت الصوت وضل يدك ، اشوية وانقطع ورجع يدك مره ثانية ، صار عندي فضول اشوف منو ، كمت رديت ، الو تفضلو منوو، ورد عليه بصوته الهزني ورجع الخوفه بقلبي ...

وسام : نرمين شلونج ..

نرمين : منو انت ومنين تعرف اسمي سويت نفسي مااعرفه بس كل جسمي كام يرجف ...

وسام : اكثر وحده بالعالم تميز صوتي من بين الالف الناس هي انتي ،
مستحيل معرفتي اني من. ، بس هم خل اخذج على كد عقلج واكولج منو ، اني وسام ...

نرمين : بس مجرد ذكر اسمه احس الدنيا كلها تسود بعيني وفد شي يخنگني
، كول شرايد ...

وسام : ايكولون صار عندج ولد من هذا السلفي ...

نرمين : ماااسمحلك تحجي على زوجي افتهمت لو لا ، فجأة انفتح الباب ودخل عمر اني خرطت العافية و ضليت لا اخذ ولا انطي ، باوعت عليه بصدمه ورجفه صوت، عمر ...

عمر : شبيج حبيبتي ، باوعت بديها التلفون وترجف ، نونايتي بيج شي ، ويامن كاعد تحجين ...

نرمين : نزلت ايدي وسديت الخط ، وهو يتقدم عليه ...

عمر : شكلج مريب ، ويامن كاعده تحجين بله اشوف التلفون ...

نرمين : مو ويه احد ، عاط بيه ...

عمر : لا تجذبييين وانطيني التلفوووون ...