Chapter-8
Past Memories Part-1
>>>Unicode<<<
ဆေးတံမှ အငွေ့ အနည်းငယ် ပျံ့လွင့်နေသော ရုံးခန်းလေးတွင် ထိုင်နေသော လူသုံးယောက်နှင့် မတ်တပ်ရပ်နေသော လူတစ်ယောက် ရှိနေလေသည်။ ဆေးတံ သောက်နေသောသူမှာ Singtoရဲ့ အဖေဖြစ်ပြီး သူ၏ နောက်တွင် မတ်တပ်ရပ်နေသူမှာ သူ၏ အတွင်းရေးမှုး၊ Singto ငယ်သူငယ်ချင်း Backရဲ့ အဖေ Nick Yuani ဖြစ်လေသည်။ ထိုင်ခုံတွင် မျက်နှာချင်းဆိုင် ထိုင်နေကြသော နောက်ထပ် လူနှစ်ဦးမှာ Singto၏ အမေနှင့် အန်တီလေးဟူသည့် အမျိုးသမီး နှစ်ဦး ဖြစ်လေသည်။ အန်တီလေး ဖြစ်သူမှ စကားအရင် စ လိုက်လေသည်။
"ဒီမြေပုံက ဂျပန်ကို သွားတုန်းက ရလာခဲ့တာ။ ဒါကို ရဖို့ အတွက် ဟိုမှာ သုံးနှစ်လောက် စုံစမ်းခဲ့ရတယ်။ ဒီမြေပုံကို ဂျပန်က လူရိုင်း မျိုးနွယ်စု တစ်စုက အသက်နဲ့ ရင်းပြီး စောင့်ရှောက်နေကြတာ။ အခုတော့ အဲ့ဒီမြေပုံအကြောင်းကို သိတဲ့သူ မှန်သမျှ အကုန်သေကုန်ပြီ"
Singto၏ အဖေမှ ဆေးတံကို ဆေးလိပ် ထည့်သည့် ခွက်တွင် ဇောက်ထိုး အနေအထားဖြင့် ထားလိုက်ပြီး တအံ့တသြဖြင့် စကားဆက်လေသည်။
"မဟုတ်မှလွဲရော၊ ညီမလေး မင်း သူတို့ကိုများ.... "
"အစ်ကိုကလည်း... ညီမ လုပ်တာ မဟုတ်ပါဘူး။ ညီမလည်း ဒီမြေပုံကို စုံစမ်းနေတာတော့ ဟုတ်ပါတယ်။ မြေပုံအကြောင်း အသေးစိတ် သိရအောင်လို့ ညီမ သူတို့ မျိုးနွယ်စုမှာ သူလျှိုအဖြစ် ဝင်ရောလိုက်တယ်လေ။ အဲ့ဒီ့အချိန်တုန်းက အနက်ရောင်ဂိုဏ်းက လူတစ်စုက အဲ့ဒီ့ လူရိုင်းမျိုးနွယ်စုကို လာတိုက်ခိုက်တယ်။ အဲ့ဒီ့အချိန်မှာ အသက်ရှင်ကျန်တဲ့သူ တစ်ယောက်မှ မကျန်ခဲ့လောက်အောင်ကို ဆုံးရှုံးမှုကြီး ဖြစ်သွားခဲ့တာ။ ညီမက အဲ့ဒီ့လူမျိုးစုတွေ ဒုက္ခရောက်နေတော့ ညီမရဲ့ လူတွေကို ခေါ်ပြီး ကူညီ တိုက်ခိုက်ပေးသေးတယ်။ ဒါပေမယ့် အကူအညီက နောက်ကျမှ ရောက်လာတော့ ကလေးအမေ တစ်ယောက်ကိုပဲ ကယ်တင် လိုက်နိုင်ခဲ့တယ်လေ။ သူမက ဒီမြေပုံကို ညီမလက်ထဲ အပ်ခဲ့ပြီး သူမရဲ့ သားလေးကို ကူညီပြီး ရှာပေးဖို့ အတန်တန် မှာခဲ့တယ်။ ပြီးတော့ သူမက သေနတ် ဒဏ်ရာ အပြင်းအထန် ရထားတော့ ဆေးရုံပေါ်မှာပဲ ဆုံးသွားတယ်"
YOU ARE READING
Make Me Yours (KristSingto Fanfiction)
FanfictionFirst KristSingto Fanfiction >>>Main Story>>Unicode>>Zawgyi<<< အခ်စ္ဆိုတဲ့အရာကလူအမ်ိဳးမ်ိဳးထံသို႔မထင္မွတ္ထားတဲ့ပုံစံအမ်ိဳးမ်ိဳးနဲ႕ေရာက္လာတတ္ပါတယ္။ စိတ္ကူးျဖင့္သာဖန္တီးပုံေဖာ္ေရးသားထားျခင္းျဖစ္ပါတယ္။ Update ကို စိတ္ရွည္ သည္းခံစြာ ေစာင့္ဆိုင္းႏိုင္မွသ...
