Chapter-14
Staying at Singto's House Part-2
>>>Unicode<<<
"စီနီယာ၊ ဂျူနီယာ ဆက်ဆံရေးလေ ကျွန်တော်တို့က"
"သြော်၊ အင်း။ ဟုတ်သားပဲ။ ရုတ်တရက်ဆိုတော့ မေ့သွားလို့"
ကျွန်တော်လည်း ရှက်ရှက်နဲ့ပဲ ပါးစပ်ထဲ ရှိတာ ပြောလိုက်သည်။ ဒီလိုအရာမျိုးက မေ့သင့်သည် မဟုတ်ပါလေ။ ကော်ဖီ သောက်နေရင်း ကျွန်တော်တို့ နှစ်ယောက်ကြားတွင် တိတ်ဆိတ်မှု လွှမ်းမိုးလာသဖြင့် နေရထိုင်ရခက်လာလေသည်။ ကျွန်တော့်ဘက်က ရောက်တတ်ရာရာ ပြောမည်လို့ စဉ်းစားသဖြင့် သူ့နာမည်ကို အရင်ခေါ်လိုက်လေသည်။
"Nong Krist"
"P'Singto"
တိုက်ဆိုင်စွာဖြင့် သူ့ဘက်မှလည်း ဤအခြေအနေကို နေရထိုင်ရခက်လာဟန် ထင်ရသောကြောင့် ကျွန်တော့် နာမည်ကို ခေါ်လိုက်လေသည်။
"Nong အရင်စပြောပါ"
"ကျွန်တော် ပြောချင်တာက အစ်ကို ဒီမှာ တစ်ယောက်တည်း နေရတာ မပျင်းဘူးလား။ ကျွန်တော်ဆို အမေနဲ့ အတူနေတုန်းက မသိသာပေမယ့် အမေ ပြောင်းသွားတော့ အရမ်းပျင်းတာပဲ။ ညဘက်ဆို ဝရန်တာကနေ ကြည့်နေပြီး တံခါးခေါက်သံ ကြားရင် တံခါးဖွင့်ပေးစရာ လူလည်း မရှိတော့ဘူး။ ထမင်းစားပွဲဝိုင်းမှာ မနက်တိုင်း အတူ ထမင်းစားရင်း စကားစမြည် ပြောပေးမယ့်သူလည်း မရှိတော့ဘူး။ အရမ်း အထီးကျန်တာပဲ။ အမေ့ကိုလည်း အရမ်းလွမ်းတယ်"
"Nong ပြောတာ ကိုယ်နားလည်ပါတယ်။ ကိုယ်လည်း အမေ ပျောက်သွားခဲ့တုန်းက ဒီလိုပဲ ခံစားခဲ့ရတာပဲလေ"
"ကျွန်တော် မပြောသင့်တာ ပြောမိပြီ ထင်တယ်။ တောင်းပန်ပါတယ် P'Singto"
"ရပါတယ် Nongရဲ့။ ဘာမှ တောင်းပန်စရာ မလိုပါဘူး။ အခုတော့ နေသားကျနေပေမယ့်လည်း တခါတလေတော့လည်း အရင်အချိန်တွေကို Nong ပြောသလိုပဲ အရင်အချိန်တွေကို ပြန်လွမ်းပြီး အထီးကျန်တယ်လို့ ခံစားရတယ်"
YOU ARE READING
Make Me Yours (KristSingto Fanfiction)
FanfictionFirst KristSingto Fanfiction >>>Main Story>>Unicode>>Zawgyi<<< အခ်စ္ဆိုတဲ့အရာကလူအမ်ိဳးမ်ိဳးထံသို႔မထင္မွတ္ထားတဲ့ပုံစံအမ်ိဳးမ်ိဳးနဲ႕ေရာက္လာတတ္ပါတယ္။ စိတ္ကူးျဖင့္သာဖန္တီးပုံေဖာ္ေရးသားထားျခင္းျဖစ္ပါတယ္။ Update ကို စိတ္ရွည္ သည္းခံစြာ ေစာင့္ဆိုင္းႏိုင္မွသ...
