July 21, 2019
Kaibigan
by: marinelove05
Kaibigan ikaw ang kasama sa kasiyahan
Kasama sa kalungkutan at kalokohan
Ikaw at ako mula noon pa man
Nangakong walang iwanan
Ilang taon pa ang nakalipas
Ikaw at ako'y pinaalpas
Malayang naglakbay
Magkasama sa buhay
Dumaang mga problema
Hindi natin ininda
Sapagkat tayong dalwa'y magkasama
Mula pagkabata hanggang pagtanda
Ngunit isang araw aking nalaman
Ako pala'y sinisiraan
Akala ko'y ikaw ang kakampi
Yun pala'y isang kalaban.
Lahat ng ating pinagsamahan
Tinapon ng biglaan
Dahil sa bagong kaibigan
Ang ating pagkakaibigan ay nalimutan.
Kaibigan ano ba ang iyong dahilan?
Bakit kailangang ako'y siraan
Sa harap ng mga kasama sa paaralan
Kaibigan nga ba ako sayo o isang laruan?
Ngayong ako'y pinagtaksilan
Lumayo na ng tuluyan
Ang dating kaibigan na nagsilbing kalakasan
Ang dating kaibigan ngayon ang siyang kahinaan.
BINABASA MO ANG
Tula Kuno
PoetryMga tulang para sa mga taong nakilala ko, mga tulang kwento ng iba, at mga tulang naghahayag ng emosyon.
