ما لم يكُن بالقلب عليم

بارت 1

البارت الأول ..

كمال "عم نور" : نور بنت اخونا ومن حقنا ناخذها تعيش وتتربى ببينا وعلى إيدينا احنا
محمد"خال نور الثاني بعد ابو سيف " : ابو سليم حقك علينا وكلامك ميعيبه مخلوق لكن احنا اهلها ايضا ومن حقنا ببتنا وانت تدري بحالتنا الاجتماعية وسمعتنا وعرفنا بين الناس وتدري بحالتنا المادية وان شاء الله ما نقصر وياها فليش نكبرها اخوي خليها منا وبينا
كمال : واحنا عمامها وبيت جدها وولد عمها موجودين وتتربى بنصنا افضل
محمد: يا اخوي ليش نسويها قضية عشائرية نور تتربى عدنا وانتوا شوكت ما تردون تشوفونها البيت بيتكم واحنا نطلع منه !
حسين "عم نور الثاني" ابو عمر شلون نخليها تكعد ببيت بيه غريب وهي شابة ؟
محمد : مو غريب الكاعد وياها ببيتها ..الكاعد وياها هو ابن خالها !!
حسين : يا اخوي هاي سمعة ياكلون وجهنا الناس بنيتنا كاعدة ببيت وي غريب وشاب !!!
محمد :محلولة هاي المشكلة ..تكبر نور ويكبر ويتزوجون اذا موافقين الاثنين ويلائمهم الوضع
كمال: هذا مو حجي ابو عمر ومنو ما كال تكلبون علينا وابنكم مياخذ بنتنا وكتها نتبهذل بين العالم وسمعتنا تنهد ؟؟؟
محمد:شتردون يعني
كمال:يعقد عليها ..
محمد:شنو هالحجي هذا ؟ البنية صغيرة والولد صغير شنو يعقد عليها ؟؟ هو ابن خالها مو غريب !!!!
حسين : مو صغيرة عمرها 16 وابنكم عمره 23 مو جهال ..هذا الي عدنا ميناسبكم ناخذ بنتنا والقانون والشرع ويانا
محمد : بس كلامكم مو منطقي ..مو ممكن يصير الزواج بهالطريقة
كمال:هذا الشرط وبخلافه نور ناخذها منا لحد يومين تفكرون بالموضوع ..حياكم الله
اعمام نور طلعوا وتركوا قُنبلة إنفجار بهيج شرط تعجيزي ولا مُمكن يحدث ..دخلت بيبية نور
شنو راح تسويه ؟ انت متدري سيف شلون طبعه وشلون اسلوبه ومتدري قافل بهيج مواضيع ؟؟ ونور طفلة ..طفلة طلعت من صدمة نفوتها بصدمة ثانية !!
نور وسيف مختلفين جذريا وهالارتباط يعني دمار للطرفين ودمار للعائلة
محمد : يمة شبيدي يعني؟ اهلها قافلين ياخذونها وبالكوة قبلوا متكبر المشكلة وتصير كعدة عشائرية وترجعلهم نور ..ونور منكدر نتركها عندهم ذولي ناس مترحم مشفتي شسووا ببنتج المرحومة ؟ الي عليية اقنع سيف ولو جان على حساب اي شي المهم نور متروح
"سلمى زوجة محمد " تعالوا تغدوا ونفكر زين شنو نسوي
محمد:ما اشتهي اكلي انتِ وامي وعمر ..سيف وينه ؟
سلمى : ما ادري هسة اخابره واشوف وينه
......
بيبية نور : وينها نور ؟ بعدها بغُرفتها ؟
سلمى اي يمه صحتها وما اجتي ..رحت عليها وكالت اريد انام وعفتها ترتاح
بيبية نور : ساعديني دا اريد اروح عليها
نور : جنت نايمة ما ادري بكل شي ما ادري وين اني وليش وشنو صار...وين امي اني ؟ وين ضحكة ابوية وحضن امي ؟ وين الدفو الي احبه من قربها..وين امي ليش ما اجتي تمسح دموعي هسة ؟ انام ؟ قلبي وروحي الي فقدت كل شي شينومهن ؟ شينوم عيوني البجوا ليال وايام ؟ دكت الباب بيبيتي وطبت
بيبتي : شلونج حبيتي شو مشفتج اليوم
نور: اسفة بيبي تعبانة
بيبتي:علية نور ؟ انا الربيتج ويه امج شهدت على كل يوم من عمرج وانت تكبرين كدامنا ..عليه تخفين ؟
نور: منفذي الوحيد جان حضنها ..حصنها بيه ريحة امي وحنانها ..بيه ريحة الي فقدته بكم دقيقة قضت على حياتي وعمري
بيبي:نور اسمعيني انتِ راح تبقين ويانة وكدام عيوني وترجعين لحياتج ومستقبلج ..شتعتقدين ؟ ما كلبي انفطر عليج واني اشوفج منهارة بهالشكل لج انا بنتي الثانية وقطعة مني ..يا بنتي الي صار صار ما راح نكدر نغير شي او نرجعه
نور:بيبي مو بيدي والله ..بيبي وينها امي ؟ معقولة راحت وابتعدت عني شلون انطاها كلبي تتركني اواجه الدنيا لوحدي ؟ بيبي اشتاقتيلها هووواي كوليلها ترجع
بيبي: مسحي دموعج شحال اني ام وبنتي فقدتها بعيوني ؟ شحال كلبي يا يمة بس منكدر نتحكم بشي هاي امر ربج وقدره وقضائهُ ..ويا بنتي الايمان بالقدر هو اول خطوات الانتصار بالحياة
نور: بيبي اخذتي دواج مو ؟ لا تخوفيني عليج
بيبي: اي اخذته بس لا ترجعين توجعيني من مَ تأكلين
كومي وياي واكلي ..عمتج سلمى سوتلج شلون اكل لخاطرج يلا امشي ننزل دا تنتظرج
نور : بيبي والله ما اشتهي !!
بيبي: لعد ما حاكل اني هم ..
نور :بيبي !!!! لا تسوين هيج حبابة روحي اكلي وارتاحي كلبج لا يتعب
بيبي: لعد تعالي وياي
نور : انزلي بيبي شوية واجي وراج والله
نزلت بيبي وظليت لوحدي ..باوعت لنفسي بالمراية بدموع يلمع بريقها بالعين،معقولة اني نفسها نور ؟
.....
سيف : غلطة وحدة ما اريد استاذ حسن هاي مسؤؤليتك ومنصبك واني انطيتكياهن لان واثق بيك وبخبرتك الطويلة لا تخذلني وتخذل وضع الشركة كُله !
حاضر استاذ ان شاء الله نكدر نطور الشركة ونساعدك
اترخص ..
سيف : عذرك وياك ..طلع حسن ودك موبايلي جنت مشغولة هواية ومدا اكدر اركز بشي
سيف : شلونك خالي
محمد : هلا سيف ..سيف اريدك بشغلة ضروري لازم ترجع على البيت بسرعة
صاير شي خالي ..بيبتي بيها شي ؟
لا مبيها شي تعال ونتحاجى منتظرك بمكتبة البيت وحاول تكون فارغ
نور : اتصلت ببنت عمي ريام جانت حيل حبابة واحبها وتحبني بنفس عمري جانت صديقتي هواية ةبقينا على علاقتنا صار سنوات تحجيلي واحجيلها
سوالفنا وهمومنا هي الوحيدة الي بقيت وياي بازمتي
صديقاتي اغلبهن راحوا وبالاخير كل انسان اله هم منكدر نحكم عليهن عمومًا اتصلت حتى احجيلها عن كل شي كالعادة
نور: شلونج ريام مشتاقتلج هواية صار شكد ممشتوفين !
ريام :لج نور ماتدرين شصاير بيا بغيابج احجيلي شلونج شخبارج شلونهم بيت جدج وياج صحتج شلونها
نور: على كيفج يمعودة اكلتيني حاصل فاصل انطي فنتك اجاوبج الحمدلله كل شي زين وبيت جدي احبهم ويحبوني ومرتاحة بس دا افكر ارجع لمدرستي
ذيج السنة راحت مني وحرامات بقالي سنة واصير وزاري
ريام : لج عوبة لوما مشتاقتلج مجان سالتج هلكد وبعدين تعالي انت ليش ما رجعتي لحد هسة ؟ المفروض فورا ترجعين كافي تضييع وكت انت شاطرة ودائماً تطلعين من الاوائل لا تضيعين تعبج تردين اني احجي ويا بيت جدج واخابر بيبيتج واكوللها
نور: من وكت الحادثة واني دماغي مشوش ومدا اكدر افكر بشي صار سنة على هالموضوع والبارحة تذكرت
والبارحة تذكرت وقررت ارجع لمستقبلي وكلت احاجيج وبعدين حنزل احاجي خالي وبيبتي واكيد حيوافقون
ريام : سبعة مينخاف عليج ادري بيج متختاجين احد انت لوحدج قوية ..اكول حبي هاي رنا اجتي يلا حروح قبل متسمعني احجي وياج وتكعد تحقق وياي
وعود اني شكد احبها واكعد افسر الها عزززا
نور: لج صايرة شكد تحجين !! يلا روحي اني هم رايحة تعبانة حيل ..كعدت ويه بيبتي شوية وحجينا وسويت كيكة بسيطة خالي طلبها مني فتعبت رايحة انام
ريام : الله وياج حبيبي ..

.....
سيف : خالي خابرني وقلقني رحت للبيت وانطيت علم لنادية تنتبه على الامور الادارية بين ما اجي باجر
رحت للمكتبة بالبيت مثل مكال خالي دكيت عليه مجاوبني مرتين وثلاثة ..انتظرته واجتني رسالة منه انتظره عشرة دقائق ..سمعت دكت الباب وطب خالي
سلمت عليه وشفته متلكأ بالحجي ومتردد
سيف: شبيك خالو ؟ محتاج شي؟ قلقتني تفضل كول ؟؟
محمد : سيف الي راح احجيه اتمنى منك تسمعه للأخير وتسمع الحجي بتفاصيله ..الي راح احجيه راح يقرر مصير شخص
شكو خالو ؟
محمد : سيف ادري بيك انت رافض الفكرة ورافض تباوع لهذا الجانب اساسًا بس لازم توافق بعد اليوم
سيف انت لازم تعقد !
خالي شنو هالحجي هذا اني هالنقاش من زمان فتحتوه وغلقته وكلت الي عندي وهالفكرة مستحيل اتقبلها ولا ممكن افكر بيها حتى فليس كل فترة تفتحونها مرة ثانية ؟
محمد : الموضوع يختلف يا ابني هالمرة حياة ناس بين ايدك ..فكر بالموضوع بالبداية
اني مدا افهم شكو ولا دا افهم شنو الي دا تحاول توصله الي ..هذا الموضوع قافل جداً ومو ممكن اغير رأيي وبعدين على منو اعقد ؟
محمد : نور..راح تعقد على نور !
نور بنت خالي !!!! نور طفلة صدك تحجون ؟ نور مشايفها غير مرتين او ثلاثة من حد ما اجتي عدنا تريدني اعقد عليها ؟؟
اي تعقد عليها لك ابني هاي حياتها اذا معقدت عليها عمامها حياخذونها من هنا ! وانت تدري كلش زين بطبع عماها واستغلالهم !!!
اسف خالي مستحيل اسويها ومستحيل افكر بيها
هالبنت بالذات اخر يوم بعُمري افكر تكون جزء من حياتي بهالشكل
سيف !!! راح تسويها وانت الممنون
خالي ليش مدا تفهمني ما اكدر صدكني مو بيدي
موضوع الزواج قافله من سنين اجيت هسة تطلب مني افتحه واوافق بهالسهولة !!
محمد: هي ما راح تكون زوجتك واقعياً !

يتبع..
ريام الزُبيدي