ما لم يكُن بالقلب عليم

البارت 32

كعدت على سريري اتنفس بعمق اريد اهدأ لفت نظري على رسالة بالموبايل من ريام وكع كَلبي مكتوب بيها ...
فتحت عيوني متفاجئة،معقولة !!!
ريام: غيث نهى كل شي بيناتنا
ظليت اقراها للرسالة اريد استوعب،معقولة غيث
سواها صدُك !!
نور: ريام أمانة الله تحجيلي صدك سوا هيج ؟
مجاوبتني انتظرتها ربع ساعة ماكو،متحملت دكيت
عليها اول ما فتحت الموبايل سمعت صوت ضحكها
سمعتها تضحك واني اعصابي تلفانة،عرفتها جذابة
سديته الخط وانطيتها حظر وذبيت الموبايل على
صفحة ورجعت راسي على المخدة هالايام راح يطك دماغي من كثرة التفكير ..
استنتجت من عندي ابوها وافق لان لوما وافق مجان كل هاي الضحكة منها،بس ما رجعت خابرتها ولا حتى
سألت غيث،ينجازون اثنينهم ..
كعدت ثاني اليوم الصبح على صوت الهوسة
نزلت جوا جانوا مخبوصين والكل جايي وغيث لازم موبايله ويدك على هذا وعلى ذاك
دا مشي وسمعته كال بعد اسبوع زواجي !
بدون ما اباوعله كتله،مُبارك ومشيت كملت طريقي
مضت ثلاثة ايام وعلى الحطة نفسها لا اني شاركت وياهم ولا اني شوفت نفسي لاحد ابد
بس حابسة نفسي واقرا بملازمي ومالي علاقة
بأحد،لإن حيل اذوني وانغثيت منهم
تقريلا ضبطت المواد شوية ارتفعت معنوياتي بس بقن يومين للعرس وحسب ما سمعته من بيبي
بالقاعة راح يسويها غيث والبيت ما هدأ اربعة
وعشرين ساعة هوسات واكيد مدائن ومسرة اجن
وسليم يوميه يجي ينام يمي وبليل رجليه تصير على شعري شكد ما يتكَلب بالمنام ويتحرك
كعدت على صوت الباب مرجوج رج فتحته جانت مدائن كالت هسسة تجين
وين مدائن شكو ؟
لج غير نشتري للعرس؟؟ ظلت يومين وانت بعد كلشي مسويتي !!!!
مدائن ما اشتري اني،روحن انتن اني عندي دراسة
غيث ميقبل كال الكل يجهز نفسه
غيث هه ضحكت باستهزاء مع نفسي
صاير حنين ؟؟ لعد منو الي خرب صورته بيده عندي ؟
لو ذيج الي اصلا ما حاولت تخابرني لو توصلي بأي شكل من الاشكال بعد ما حظرتها
ختمتها وياه مدائن بكلمة ما ارووح وبس ..
هي هم بزعت مني تركتني وراحت هي واختها
وعمة سلمى
بالغدا بيبي جبرتني انزل جانوا الكل موجودين حتى سيف والسفرة طويييلة ممدودة وازواج مدائن ومسرة هم كعدت بصف بيبي وما اكلت هواي نفسي مسدودة خلصنا وشلنا الاكل د اروح على المغسلة وبيبي وغيث جانوا يحجون بصوت ناصي
صدفة سمعتهم غيث دا يكولولها العرس محد
يدري بيه من اهلي بس بيوم العرس نفسه ابوية راح يكوللهم
ما اطولها الاسبوع كله هوسة ودوخة والكل واكف على قدم وساق حتى سيف وخالو محمد الكل يركض حتى يكملون بهاي الفترة القصيرة
بس مع ذلك اكثر شي جرحني هي ريام حتى ما خابرت !!!
اليوم ليلة العرس ومحد كلي ليش ما لابسة او ليش ممكملة استغربت !! وحتى غيث ما اجا وكَلي تعالي
للعرس ومن هالحجي !! اني مو علمود العرس لا يشهد الله بس هي شغلة تقدير واحترام مو ازيد ..
نمت بليل واني افكر يا ترى هسة هي شنو
شعورها ؟ ودا تتمنى اني يمها مثل ما اني اتمنى لو هالليلة مكضييها سوا !!
شكد جنت تكول اني راح اوكف الها بيوم عرسها
بس سبحان الله ! تتغير الاحوال والاقدار ..
نمت والدمعة بعيوني بس مخليتها تنزل هذا قراري
واني اتحمله خلص ..
كعدت الصبح وتعاملت عادي تريكت طبيعي وكل حياتي مشيتها طبيعي حيل ولا همني شي كدام اي احد وحتى مدائن ومسرة ما كالولي تعاي ويانا للعرس !! شفتهن دا يكملن غراضهن وهوسة بغرفة غيث وياه سيف وعمر وخالو وابوه والمصورين اني بغرفتي واسمع الي دا يصير ..
بعد شوية نزلوا جوا وحسيت شوية الطابق الثاني هدأ مابيه احد راساً طلعت اختنكت من الغرفة ورحت لغرفة غيث فارغة فتحت البلكونة اريد اتنفس
شلت السيارات مصفوفة منا لنهاية الشارع يعني
ملامح العرس واضحة تمنيتله الخير من كل كَلبي ..
بعد شوية رجعت على الغرفة بس تفاجئت اكو علاكة ملابس بي ماركة فتحتها جان بيها فستان طويل لونه ماروني بالدرجة الهادئة الي احبها طوله زين يعني فقط الساق تبين منه وردانه فصالهن مشايفة منه ابداً ! نفضت الفستان
وكعت منه ورقة مكتوب بيها،عمر ينتظرج بعد شوية
وجودج ضروري ..
استغربت معقولة بيبي لو غيث !!!
ذبيت الفستان على صفحة وكلت لا والله هسة جاب تريدين اجيي !!!! باوعت بانزعاج للفستان ومتحملت التوتر كمت اروح واجي اروح واجيي من الحيرة
انقهرت على ريام شون اتركها بهذا اليوم بس هي هم محاولت توصلولي باي شكل من الاشكال
التفكير طك راسي اخر شي خلصص قررت البسه واروح،لبسته وخليت المكياج بأسرع من الصاروخ هو والشال شون ضبط ما ادري بس حرفيًا طلع كلش بسيط ولايكك عليّة،رضيت بمظهري اخذت موبايلي ونزلت اركض بس فتحت الباب صار بوجهي عمر يضحك
راساً كال استعجليييي
هزيتله راسي بمعنى اي ركبنا وساق بسرعة فائقة بس وصلت القاعة لزمت كَلبي ما ادري ليش توترت
اني اصلا ليش اجيت !! مو جان علساس ما راح اجي وزعلانة !!!
فتحت باب القاعة وما حسيت الا الزينة وكعت عليّة وبنفس ذيج اللحظة الاغنية اشتغلت !!
فتحت عيوني بيبي وعائلتي والكل واكف كبالي
والاهم ريام وغيث اثنينهم كبالي واكفقين والضحكة على ملامحهم تقرب غيث عليّة وما ادري شكال بجهازه ونزلت من الانانيب الي بالسكف شرارة تقربت ريام وضمتني لاحضانها بقووة
توني استوعبت الموضوع اني همستلي
عاقلة انتِ ؟؟ شلون اتخلى عنج بهذا اليوم !!! شدت من قبضتي أكثر عليها ابتعدت عني حاوطت وجههه وكلتلها طالعة تجننين !!
ابتسمتلي سمعت غيث كال اعرفكم الانسانة الي جانت السبب بزواجي باوعلي وكال تسامحينا ست نور ؟ ابتسمتله احنا جنا مسويين نفس الحلقة بس عائلتي الي دا تشوفنا لمحت بطرف عيني سيف واكف خلفي وبملامحه اثر ابتسامة بسيطة ..
سحبت ايدي ريام وهي تضحك ورجعت لمكانها
عرفت كل الي جان خُطة ! رغم انغثيت بالبداية بس من سووا هيج خلص راح كل شي وما اريد اغثهم بليلة عرسهم
جرت مراسيم العرس عادي والشباب طلعوا برا فوك قاعتهم صار وكت الاكل لكيتها فُرصة ماكو اغاني حتى اسمع ريام
كعدت يمها كلتلها كوليلي شلون صار كل هذا ؟
يا عيني انتِ ما انطيتني حظر ؟ اني رحت على غيث وكلتله وكالي شمجفص وياج ولهذا زعلانة منه انتِبس وحتى كال راح اروح احجي وياها والا اخليها
تجي للحفلة بس اخر يومين غير رأيه فجاة
كالي كملي كل شي انت ونور نصالمها بغير طريقة
منين جاب الفكرة ما ادري ..
على فكرة الفستان طالع حلو !! وغمزتلي
ضربتها بكتفها بخفة وكلتلها التهي بزواجج انتِ ..
كعدت على كرسي فارغ اباوع على الناس وافكر
بالشي الي صار فزيت على رسالة بموبايلي
فتحتها جان مكتوب بيها
زايدة الفستان جمال ..
جانت من رقم استغربت بس هذا الاسلوب اعرفه ..
كلش زين معقولة يكون سيف !! ليش ما اجا من رقمه لعد ! ابتسمت على الاطراء بس بنفس الوقت مستغربة
يمكن مجنت أعرف بعد هالإطراء راح تنكَلب الأقدار !!
خلصت الحفلة على خير بس جنا خايفين اني وغيث لا صدك ميساء تجي بس ما احتي لا هي ولا امها ولا حتى سناء !!
زفيناهم للفندق بس ريام وكفت تبجي هي وامها وزهراء اختها وودعوها واحنا رحنا لبيتنا هم ..