البارت 20
غيث: اذا جنت متعلق بيج قبل،فحالياً متعلق بيج أضعافه ! بكُلّ مرة تفأجئيني بشي مُميز بداخلج،أني حكون صابر وياج لأخر نفس،لأخر نفس حبقى انتظرج تبادليني الشعور،بس توعديني حتبقين وياي على رُغم كُلّ الظروف !
ريام: وعد
ابتسمت بإريحية،كأنهُ حمل جبير وانزاح عني،الله يقدرني وأربح حُبها ..
غيث:روحي نامي حبيبي،موعدنا بعد باجر بعون الله
ريام:تصبح على خير
غيث:وانتِ من أهلي ..
سديته منها واني مرتاح،الحمدُلله الله يجعل هالسكون والراحة دائما بحياتي وياها،نمت وراي هواي شغُل ولازم أروح لاُمي عسى ولعل تقبل هالمرة
الصبح رحت على بيتنا وطبيت جانت امي بالمطبخ بوستها مقبلت تردلي حتى
غيث:شلونج يُمة ؟ شكد مشتاقلج لو تدرين وحضنتها قوي بعدتني عنها بقوة
سوسن: لو حاط اعتبار لكلامي مجان وصلنا لهذا الحد
غيث: يمة الله يوفقج باجر خطوبتي وفرحتي متكمل الا بوجودج،أرضي عني وتعالي وياي كمليلي فرحتي
سوسن:انت وابوك خططوا لكل شي ورحتوا خطبتوا وكملتوا كل شي بلا رأيي ومشورتي جاي هسة تطلب الرضا ؟؟
غيث: يوم مسويت شي خطأ اني بقيت وراج تقريبا شهر ونص احاول وانت رافضة بالكامل،يوم صدكيني البنية الي خطبتها هواي راح تحبيها وجوهرة
سوسن: امشي اطلع اني عندي بنتين بس ..سمعت !!!!
غيث: تخليتي عني !
سوسن:مثل ما حضرة جنابك كملت وجاي بالاخير اباركلك وافرح الك ! امشي اطلع برا !
غيث: وعد عليّة يُمة اول واخر مرة رجلي تنحط بهذا البيتؤطلعت واني فاير واعصابي تلفانة ! ممكتوبلي افرح !!!!! شكد حاولت وياها بس قافلة هي وابداً مو متفهمتني
ريام: هالفترة كلش صعبة ومشغولين مدائن اقترحت اروح للصالون واسوي هواب شغلات بس رفضت ما اريد شي مقتنعة بشكلي حالياً قبس خابصتنا دا تحاجي خطيبها وكل شوية رايحة لمكان لوحدها وتضحك !
بس عُمَر ماكو ! من ذاك اليوم ورجع لابيل وما شفناه بعد بحجة يريد يغير جو ما ادري اذا راح يجي علمود غيث أو لا !
البيت مليان جهال وحتى الدراسة صارت صعبة بيه واني هم تركتها فترة ارتاح وارجع بكامل نشاطي بقى يوم واحد للخطوبة ومرّ هذا اليوم الخطوبة قرروا يسووها بقاعة ..قاعة مو حيل جبيرة ..وسط وجان من اقتراح غيث
نور: غيث على شنو القاعة ! الخطوبة تصير ببيت البنية وبيت عمي جبير حيل اني اعرفه وواسع !
غيث:نور اني اريد فرحتها تكون كاملة وما هامني الفلوس والمبلغ،اني اريد اعوضها عن كل شي واجته وعن كل شي راح تواجهه وبنفس الوقت عائلتنا وعشيرتنا جبيرة وانت اعداد اعمامج تعرفين بيهم هم وجهالهم فالعدد جبير ..أريدها تفتخرّ بيّا وما تحس بقصور أبد
نور: غيث ما ادري شحجي بس الله يجعلكم من نصيب بعض،لأن فعلاً انتوا واحد مخلوق ليكمل الثاني !
غيث: يوم الج واشوفج بحياة شخص غارق بحُبج وسعيدة مرتاحة
نور:تصنعت الابتسامة وجاوبته..انسى هالموضوع لاغيته اني
غيث:مو وكت هالحجي،وكت يلي راح يجي هالشخص كل شي يتغير،عموماً روحي هسة كملي الشغل وخابري خطيبتي اريدج تشتغليلها غصبا عنج
نور: ها هيج !! لك صارلي يومين منايمة من ورا خطيبتك خبصتني خبص !
غيث:طبعاً غير راح تنخطب الي !
نور: ابتسمتله وطلعت من يمه رحت مع البنات دا يقيسن ملابسهن وحايرات طلبوا مني يشوفن فستاني بس بعدني على كلامي مستحيل احد يشوفه الا بالحفلة
قبس:شكد شايفة ناس عنودية بس مثلج مشايفة ! ضربتني على كتفي
نور:اعتز بكلامج قبوس ! المهم الفستان ما تشوفينه وكمت اضحك
مدائن: اطلعي لغرفتج بدلي ما بقى وكت يادوب تلحكين واحنا هنا حنبدل
نور:فعلا مابقى وكت رحت لغرفتي لبست فستاني،شعري لفيته من اطرافه لفة بسيطة ومن فوك بقى سرح..شعري بين الوسط والطويل الاغلبية تكول طويل بس اني اشوفه وسط،المكياج اكتفيت بمكياج العيون والباقي شي بسيط ..كملت كل شي باوعت لنفسي نظرة اخيرة كُلش راضية الحمدُلله بس راح الف الشال مبدئيا من بيتنا للقاعة،صاحوا عليّة دا اطلع لفت نظري باكيت مُغلف بتغليف بسيط على ميز التواليت تقربت عليه فتحته كان اسوار موديله غريب ينلف حول المعصم ذهبي عدت بذاكرتي المول..اي هذا نفسه ! نفسه الي ضربت عيني عليه باليوم يبي رحنا على المول !
منو يكون جابه ! يمكن مال قبس لان جانت بغرفتي قبل شوية تركته بنفس حالة ما حبيت اجي يمه وهو مو مالتي ..
نزلت ركض ولبست العباية هم مترهم بالفستان واحنا رايحين بالطريق الكل جان ينتظروني ما باوعت لاحد ركبت بصف قبس ومدائن وجان خالو الي دا يسوق
ومنزلة عيوني حاولت ما اخلي احد يشوفني حتى ههه
خليتها للقاعة وصلنا اهل العريس وشكم شخص من اهل العروس وريام بعد ما بينت استغلينا الفرصة احنا البنات وللحمامات نزعنا العبايات والشال ورتبنا الملابس وطلعنا سمعت صوت الهلاهل اجتي ريام !!
كملت وطلعت مستعجلة اكيد تدور عليّة،مشيت شوية وشفتها هي وبفستانها الأحمر وطلتها البهية واصوات الأغاني ، ضميتها لحضني واحنا نشعر بهالشعور الحلو ! كبرنا وقلبنا واحد،كبرنا وخوفنا واحد،هي الانسانة الوحيدة يلي ساندتني بكل شيء،حضنتها والسعادة غامرة أعماقي،اليوم وحدة من عندنا نصيبها ينتظرها ليملي قلبها النقي بالفرح ! قاطع الموقف بيبي وهي تسحبني لان لازم تكعد بمكانها ريام،انطيتها مجال حسيت احد سحبني باوعت جانوا مدائن وقبس
مدائن:اقسم بالله هالشكل حيشل شل !
قبس:طلعتي مو قليلة ! خبيبتي عننا هالجمال كله !
نور:احم ! راح أنغرّ ! لا تبالغون عادي شكلي مو لهدرجة
مسرة اجتي من شافتنا مجموعات..مسرة شكو تجمع تلكيها اول وحدة بيه ههه
مسرة:بعدولي ..هاي انت نور؟
نور: شكو مسرة؟
مسرة: ما شاء الله الرحمَن يحرسج ويحميج،اخذتي كَلبي ! شلون ب..
مدائن قاطعتها : نور روحي لبنت عمتج أخاف تحتاج شي وسلمي على عماتج هناك كاعدين
نور: اي صدك،رايحة عليهن
رفعوا صوت الموسيقى والاغاني ونزلت كُلّ بنية تظهر مواهبها،اني محبيت اشارك اكتفيت اباوعلهن وبس
شكد حاولوا وياي بس مغيرت رأيي
ريام فرحانة والبسمة على ملامحها شكد مرتاحة لفرحتها !
زوجة عمي صاحتني وبقت تسألني على زواجي وعلى ! على زوجي ! صدُك اني متزوجة !! نسوان اعمامي اجتمعن ويسألنّي واجاوبهن ..
الكُلّ يعتقد حياتي طبيعية بهالزواج المُبطنة بكذبة ..يا حسافة بس !!
قاطع تفكيري صوت بيبي دا تكول تستسروا حيدخل غيث
باوعت لغيث طب جان بكامل أناقته ويمكن لو بيده يركض من الفرحة،جنت لازمة ايد ريام حسيوها شددت على قبضتها يعني متوترة هي همستلها
نور:سيطري على ترددج،ماكو شي يستحق هالخوف
باعي عليه هو شكد الفرحة مُهيمنة على ملامحه ! حسيتها ارتاحت شوي هو تقرب بأتجاهه اني هم ابتعدت عنهم هُم عرسان وينجازون ما أريد اقيدهم
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
