البارت 17
واكفة اتفرج عن الناس وساهية بيهم،حسيت على ايده بأيدي مشبوكة ! هو مجان دا يباوعلي حتى،بس تصرفه !!
توترت،تلبكت،خفت لا يجون أهلي ويشوفون،ردت أحجي سمعته كال بصوت خفيف
سيف:لا تتصرفين اي تصرُف،عمج جاي بإتجاهج ..
باوعت عليه بتردُد وهو زاد من قبضته على إيدي،اثناء تفكيري سمعت احد صيحني التفتنا اثنينا جان عمي وزوجته ! سألني على احوالي وبيت خالي شلونهم جنت اجاوبهم بتردُد،حجى سيف وياهم هم بس ابدا مو مطمئنة اني ما ادري ليش اثناء حجيهم حسيت عليه حاوط اكتافي بإيديه مكدرت احجي شي مثلت دور السعيدة والمرتاحة بس !
عمومًا شوية وراح عمي،اني هم سكتت وهو بقى لازم ايدي باوعت عليه بنترة
نور: راحوا !!
سيف: اي ؟
نور: انت !!
سيف:المفروض تشكريني خاتون،انقذتج
نور: اشكرك !!
سيف:اني شفته لعمج من اول ما دخلت على المول وتوقعت راح يصادفج بس تخيلي موقفج وانت لوحدج واكفة بدون ..بدون زوجج ! حجاها لهاي الكلمة جنه متعمد ! باوعت عليه سحبت ايدي،واجبك يا زوجي العزيز،أبتسمت أبتسانة انتصار تركته ورجعت كعدت بمكاني شوية واجوا غيث وبيبي والباقيين
سيف: مستغليت وضع ولا استغليت بشر ولا استغليت حالة أي شخص بس اليوم أعترف أستغليتها !
إيدي بإيدها يا الله هالشعور شكد دافي ! حسيت مالك الدنيا وهي بصفي شنو هالشعور هذا ! احب استفزها مرات واسمع ردها ههه
غيث: قبس قبل متروح كالتلي على الوضع واني اعرف سيف،اعرف اطباعه،اعرف تصرفاته،اعرف هو شون يفكر وشون ياخذ الأمور
سيف معنده شي بالحياة غير انه يكون شغله على اكمل وجه،ولا عنده عواطف،هو حنون بشكل بس بمواقف معينة يحب يبين هالحنية الي بداخله،عصبي من اي شي يطخ شغله،سيف شخصية جدية حيل وحتى بكعداته ويانه ميحجي هواي فالتغيير الي بيه صعب ينكشف بس كشفته ! سيف ما يحب يجي على المولات ابداً اتذكر بيبي قبل جانت تبقى تقنعه ساعة ونص وهم ميقبل بالأخير واليوم اجا ! سيف رجع من دوامه من وكت وهو دوامه مقدس جانت ليلة امتحان نور ! هو قليل يضحك واني شفته من بعيد يبتسم وياها بالمول ! مستحيل ميكون أكو تغيير !
ريام:الموضوع حيل وصل حده،غيث صاير ازيد من كَبل اشوفه بالجامعة عدا رسائله،طبيت على البيت راسي دايخ صار شهر واكثر هالموضوع شاغلني
لحكتني امي بعد شوية
ريام الولد الي رايدج دز ناس مرة الخ عليج اخوانج راضيين بس !
يمة انت تدرين بابوية هواي،تدرين بطبعه وهو مينطي لشخص غريب وغيث ابن عمها لنور ! ابوية اصلا مو جارع لا اخوه المتوفي ولا جارع بنته تردين يقبل ينطيني لغيث !!
اخوانج يعرفوه للولد،صايم مصلي وشغول شتردين بعد؟ اذا على ابوج اني اقنع اخوانج يضغطون عليه بس انتِ ممنطيتني الموافقة حتى
يوم الله يوفقج بس خلي ارتاح وانطيني وكت
هاج المي جبتلجياه ادري بيج تعبانة وعطشانة
ريام:ورا مطلعت امي بقيت لوحدي،محد يعرف شدا يصير بيا ولا اكدر اكول السبب الحقيقي لإي أحد وبس الله المستعان على هالوضعية،استسلمت للنوم احسن حل .
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
