ما لم يكُن بالقلب عليم

البارت 9

البارت التاسع

تقربت أكثر،نزل نظري على كف إيدها جان يشع برودة،وضعت إيدي بشكل خفيف على كفها صعقتني البردة،شلون هي متحملة كل هاي البرودة بجسدها !!!
رفعت إيدي بهدوء على راسها،إمتدت إيدي لشعرها ملسته بهدوء،قطع تفكيري طبت عُمَر،سحبت إيدي
منها بهدوء،دايحجي عُمَر وسمعنا صوتها،كحَت
انتفضنا أثنينا،مسرة اجتي راسًا
عمر:مسرة تعالي هنا اني رايح اصيح الدكتور بسرعة
اني شلت جهاز التنفس عنها شوية عندي خبرة بالمواضيع الطُبية،شفتها بقت تكح وجهها وازرك صار بطبت الطبيب
الطبيب:انطوني مجال واطلعوا برا بسرعة
سيف:شصاير دكتوور ؟؟
ماكو شي لا تخافون ابني بس اطلعوا هسة،بقيت واكف،حسيت على ايد مسرة تسحبني وفعلاً طلعت وكلنا طلعنا ووكفنا يم الباب
كاعدين وننتظر على أحر من الجمُر،دك حسن
حسن:استاذ علمود اللجنة ..
سيف:استاذ حسن مو وكتها هسة بعدين نحجي بخصوص هذا الموضوع
حسن: بس استاذ ..
سيف: استاذ حسن دا تفهم الي دا احجيه !!!!!دا اكلك بعدين نحجي ! ..حجيتها بنتر وكاز على اسناني من العصبية
حسن:ماشي استاذ مثل ما تُأمر ..سديته منه
مسرة:على كيفك سيف ويه الناس
مدا تشوفيه شكد بلا احساس ! أكوله بعدين وهو مُصرّ على حجايته !!
طلع الدكتور ويه طلعت انتفضنا كلنا
الطبيب: لا تخافون صارت زينة مبيها شي لا تضغطون عليها هسة صحتها تعبانة شوية
سيف: نكدر نسجل خروج اليوم ؟
تكدرون أي بس على شرط توفير العناية الكااملة ألها بالبيت لشكم يوم
عمر:ممنون دكتور،جزاك الله خير
طبينا عليها سيف وكف على صفحة ما دخل للغُرفة
نور: بعد ما سديت المكالمة من ريام نمت بعدها محسيت الا وسمعت صوت ريحة قووية تخنك خنك فتحت عيوني استوعبت الي حولي شفتها ناااار،صيحت بالشي الي اكدر عليه بس على ما يبدو مجان صياحي عالي بحيث يسمعوه لان الريحة بدت تخنك وتعم،بعدها ما حسيت على أي شي أبد إلى أن فزيت واني بالمستشفى وعمر ومسرّة يمي،فتحت عيوني بتثاقُل وتذكرت إلي صار وعيوني بدوا يدمعون بس ما سمحت تنزل دموعي كدام أحد،بس اكتفيت أعيد ذاكرتي بالشي الي صار والي كان ممكن يصير
نور:مسررة شصاار؟
مسرة:اهدي حبيبتي ماكو شي،هدي نفسج ولا تفكرين بشي،المهم انت بخير ومحد تأذى
حطيت إيدي على رأسي بقووة،شعرت كأنه الدنيا دا تدور بيا،تعبت هواي !! ساعدتني مسرة رجعت راسي على المُخدة
رجعوني على البيت..أريد أرجع
عمر:اي نرجعج،بس بالاول اريد اشوفج بخير وزينة وتكدرين توكفين على حيلج يلا اكدر اوديج
نور:اريد اررجع
مسرة:نور شنو هالحجي،قابل انت طفلة ونقنعج ! صيري زينة ونطلعج لا تخافين
اصير زينة من ارجع على البيت
يلا لعد هسة أكول لسيف يكمل الإجراءات ويوقع حتى نطلعج
نور:كتله وردلي عُمَر،هو جاب سيرة سيف انتفضت حواسي !! صدُك منو جاابني هنا ؟؟ وشوكت ؟؟ كومة اسئلة تفر بدماغي لكن ما عندي طاقة اسألهن ..اكتفيت بتفكيري بس ..
عُمر:طلعت من يم نور باوعت جان سيف كاعد على الكرسي الموجودة يم الغُرفة وجنه دا يفكر جان،تقربت منه وحتجيته بهدوء ادري بيه اعصابه تلفانة ورا هذا الهدوء الظاهر عليه
عمر:سيف اني رايح اكمل الإجراءات للخروجية،نور فزت وتريد ترجع على البيت وحتى الدكتور سمح بخروجيتها
سيف:روحّ
عُمر:رحت اكمل الإجراءات انطوني ورقة من ضمنها توقيع الزوج ! جان عقلي جداً قافل ومشوش اخذت الورقة واتجهت لسيف
عمر:سيف هاي الورقة ..
سيف:شبيها؟ مكملت الاجراءات ؟
عمر:سيف دا يريدون توقيع الزوج !
عُمر:حجيت هالكلمة وهو نهض من مُكانه وكأنه مصدوم أو هستوه حس أنه هو زوجها !! بس ما حجى أي كلمة وبطلعة مسرة من غرفة نور
مسرة:دقيقة عُمَر،نور ممسجلة اساسا بالمحكمة واكيد الهوية ممتغيرة هم فشلوون عرفوا متزوجة؟ هي بنظرهم عزباء،وميحتاج سيف يوقع روح للإستعلامات او أسأل اي احد هنا مو شرط الزوج يوقع
عمر:مسرة افهميني احنا اجينا وجبناها على اساس احنا اهلها وهم دا يريدون توقيع الزوج او الاخ او الاب فشلون نوقع احنا ؟؟ بعدني دا احجي وسيف سحب الورقة والقلم من ايدي ووقعها وانطانياها
سيف:روح عمر
مسرة: بس ..!
سيف:مسرة كمليها وجهزيها عشرة دقائق ونطلع "حجيتها بحزم"
بيبي: مدائن يمة شصار وياهم كوليلي
مدائن:بيبي والله مصار شي هسة حيجون
بيبي: سلمى حاجيهم عفية كلبي نار صاير اريد اعرف شصاار وياهم
سلمى:يمة مصار شي والله حتى خابرت عمر قبل شوية كال بالطريق احنا جايين،كومي مدائن جيبي مي لبيبتج،وانتِ يمة كافي أمانة باعي على وجهج اصفر لا تنجلطين
بيبي: شون ترديني اهدئ ونور بخطر ! هاي بنتي هااي
مدائن: بيبي توكلي بالله وادعيلها احنا محترك كلوبنا عليها والف شكر طلعت سلامات ومبيها شي
مسرة:يلا نور كومي تحضري راح نطلع،مو ردتي تطلعين من المستشفى؟
نور:مسرة راسي راح ينفجر مدا أكدر افتح عيوني
مسرة:ميخالف هسة تتعالجين وتشربين دواج،كومي
بيبي دا تنتظر بالبيت
نور:خالي عرف؟
مسرة:لا هو بالسفر ما كلناله،تدرين بخالج انت راح
يقلق ويخاف هواي ومو زين على كَلبه
طلعنا من المستشفى اجا عُمَر شال الغراض
ووداهن للسيارة،سيف جان دا ينتظر بالسيارة
نور لبستها العباية مجان الوقت المناسب للتنورات او غير شي،وهم اريح الها بهواي،عمومًا مشت ببطئ واحنا ما استعجلنا،انتظرناها،اجتي وركبت بالمقعد
الخلفي واني يمها وعمر يم سيف كدام،وسيف دا يسوق
وصلنا البيت ونزلنا،عاد اني بلغتها لمدائن قبلها بوقت انه راح نجي احنا تحضروا،اول منزلنا التموا اهلنا وحتى بيت خالو عطالله جاي،طبينا للبيت وبيبي راحت لنور حظنتها وبجت شوية،واحنا نهديها لا يصيرلها شي،طبينا للغُرفة وكعدت نور
بببي:شلونج نوري شلون صرتي،كَلبي نار عليج
نور:بيبي حبيبي وحظنتها،اشتاقيتلج هواي
بييبي:شلون صارت صحتج،،وكعتي كَلبي عليج
سلمى:شلونج نور،بالي عندج والله يومين واحنا كَلبنا محترك حرك
نور:عمة حبيبي اني زينة بشوفتكُم،مبيا شي والله هياتني
مدائن:نور اشتاقيتلج بهاليومين حيل،ليل ونهار اصلي وادعي ترجعين النا بالسلامة
عمر:ها يا جماعة الظاهر نسيتونا ؟
مسرة:لا تخاف مينسوك وحتى اذا نسوك اكو من يذكرك !
عمر:متحجين حجي براسه خير انت ؟
سلمى:عموري حبيبي تعال اكعد هنا يمي شلون وضعك اكيد تعباان هواي،روح اصعد نام وارتاح واني اجيبلك الاكل
بيبي:يا بنات وينه سيف مشفتته ؟؟
عمر:بيبي صعد فوك هو
بيبي:هذا الولد ميبطل هالعزلة !! بالي يمه هواي
عطاللة:الحمدلله على سلامتج حبيبتي،شغلتي بالنا
نور:تسلملي خالي،جيتكم كفاية
ميساء تقربت على نور بحجة دا تبوسها وتحمدلها على السلامة وهمست بصوت واطئ:مصارلج شي عيني مدامه للبطل صاحب المسرحية موجود ..!
نور:استغفرت رب العالمين والتزمت الصمت ومرديتلها شنو هالبشر هاي ؟ شخص تعبان ومريض وميكفون عن الاذية ونشر السم مالتهم !!
عمومًا انتهى ذاك اليوم كُله وانفردت بنفسي وقررت لازم اقوى وارجع لحيلي وراي دوام وسادس،مرت الايام وصحتي صارت افضل الحمدلله ونفس الروتين رجعنا سيف قليل يصادفني وعمر بجامعته وشغله والباقي ملتهيين ويه نفسهم،خالي اجا بعدها بيومين واتفاجأ من حجوله وانصدم وزعل من البيت كله لان محد انطاه خبر بالحدث وحتى مني زعل،بس حاولنا وياه كم مرة وفهمناها ليش مكناله وقبل الإعتذار وتحمدلي وتحمد لسيف على السلامة
مُحاضراتي حرجعلهن بعد هذا الانقطاع،بعد ما صار الي صار بالفترة السابقة وتواصلت ويه الخصوصي وويه مها ما اكدر اكمل المحاضرات وهما تقبلوا وتفهموا الموقف
وكالعادة تأخر ابو حيدؤ وبقيت انتظره وماكو هو
بكعدة خالي وشافني
خالي:ها نور شو مرحتي؟
خالو مو الخط ما احا الى حد الآن وتاخرت هواي
خالي:هسة اتصل عليه دقيقة،اتصل على ابو حيدر ويطلع مغلق مغلق،اعصابي توترت،المحاضرة مبقالها شي وتبدي
خالي:لا تخافين هسة اشوفلج واحد من الولد
سليم "ابن مسرة"جدو خالو عمر راح وخالو سيف همات راح
بحجي سليم ودخل سيف جان مشغول حيل ودا يحجي بالموبايل،طب للهول وسده للموبايل باوع لخالو
سيف:صباح الخير خالو،شمكعدك ؟
خالو:الله جابك،أبو حيدر ماكو مُغلق خطه ونور عندها مُحاضرة
سيف:اي ؟؟
خالو: وصلها انت اجيت،عمر بجامعته واكيد ميكدر يجي
سيف: اني رجعت لان حيل مشغول وعندي لجان تدقيق هالايام ونسيت ملفات ورجعت اخذهن وارجع للشركة
خالو:سيف ! البنية راح تروح محاضراتها خطية،هي بطريقك ذبها وكمل طريقك لدوامك
سيف: تعالي
راح فوك عشرة دقاىق وبعدين نزل بيده شغلات خلاهن بالسيارة اني متلبكة وخالو خلاني بموقف محرج مجان ببالي هذا راح يوصلني،على دقيقة وحدة واكوللهم ميحتاج ما اريد اروح بس سكتت هم المحاضرة مهمة ما اكدر استغني عنها
طلعنا برة وهو ركب بمكانه واني فتحت الباب الخلفي،سمعت صوته كال : سائق ؟؟
فهمت قصده رجعت فتحت الباب الكدام وركبت بتلبُك وبتوتر،كعدت بس اعصابي احسها جامدة طول ما اني كاعدة باوعت للشباك الي يمي بس ..
وصلنا لنص الطريق شو السيارة وكفت !!!!
حاول يشغلها ماكو يمين يسار حدل بدل وهم مشتغلت نزل فتحها وهو وجان عبارة عن كتلة اعصااااب،خابر حسن حسب مسمعت هذا الاسم وانفجر بيه اعتقد حسن وجه الكُبايح ههه اكثر من مرة اسمعه يفش خُلكَه بيه وهو هم ذاك ميتصل الا باوقات حرجة
رجع حاول يشغلها مشتغلت هم،اني اجاني الضحك بذاك الموقف ما ادري شلون،صار شكد مضحكت،اساسًا طبعي مو هواي اضحك،بس بذاك الوقت سبحان الله شكو موقف مضحك تذكرته ومنحرجة لا يجي ويشوفني اضحك ! كلما اضحك اسكت نفسي إجباري
هو هم يأس من السيارة رجع كَعد بمكانه اعتقد جان دا يفكر بحلول بديلة همس بصوت ناصي : شكد فُكَر !
وادري بيه جان يقصدني،اني هم انطلقت اضحك واضحك،باوعلي بتعجُب بنظرة او مرة اشوفها عليه
سيف : بس !!
هو كال هيج سكتت شوية رجعت اضحك من كُلّ قلبي
باوعلي بتعجب واكتفى كال : مو طبيعية أبد !!

يتبع ..
شنو توقعاتكُم للقادم؟ورأيكُم يهمني جداً بالبارت !
____
ريام الزُبيدي