البارت 14
انت واعي ؟ لا خالو يطلع..جنت متلبكة،خايفة،متوترة،ما أدري خجلانة ! عيوني مرفعتهن ووجهي بس يتحرك اريد افلت من قبضته
سيف:اثبتي !!!
نور:اتركني !
سيف:رفعي عيونج ..جان دا يباوع بتركيز وترقُب !
نور:اتركني
سيف:رفعيهن !
نور:اتركني الله يخليك،لا يكبر الموضوع واحد يجي
سيف:باوعيلي !
اضطريت تحت الإجبار أرفع راسي وهو ردة فعله غريبة ! بقى يباوعلي حسيت عيونه ما رمشت !
قاطع هالموقف صوت خلفنا وجمدت بُمكاني من الصدمة !
غمضت عيوني تقربلي صوت وهمس : البزونة !
فتحت عيوني على المهل باوعت شفت صحيح جانت البزونة طالعة رجعت باوعتله : اترك ايدي،وجعتني !
استجاب لكلامي وحرر ايدي من قبضته دخلت ركض للبيت سمعت صوت يهمس كال : جبانة ! مهتميت كملت طريقي لغُرفتي،يارب ساعدني..دا تنفس سريع ما ادري من شدة الموقف لو خايفة !
سيف: الي جنت اريده شوفة ملامحها وهي يا عين الله عليها بكُلّ مرة اشوفها متباوع وبالفترة الاخير متنزل حتى ! صارت تحت قبضتي..باوعت بعيونها !
ليش هنّ أي عيون ! رُغم جانت متلبكة وخجلانة بس النقاء والجاذبية ألي بعيونها مشايف منهن ابد،ردت بس اباوع على ملامحها بالقدر إلي أشبّع بيه رغبة كَلبي بشوفتها،جنت شايل هم حسن وقضيته بس بعد مشفتها حسيت نفسي إنسان جديد،إنسان ماله اي هم او قهر،انسان رغبته الوحيد يسرح بعيونها وبس !
التوتر الي باين على انفاسها والارتباك الي باين عليها وهي بعهد قبضتي خلاني أجزم بصفائها !
ثاني يوم الصُبح اجاني وسام وجان مشغول ودا يحجي ويه المُحاميين بموبايله..فعلاً هم حسن جبير وتعبنا كُلنا،حسن مو ممكن نتركه ابد لوحده،اخوه ألي هو اخوه مو شايل هم ولا فارق حيل وياه سجن اخوه ومصيره،واني ادري بحسن ومستحيل نتركه إلى أن نلكَى حل للموضوع
وسام: سيف باوع !!!
اخذت الموبايل من ايده وتفاجات ..وسام صدُك !!
وسام:اليوم وصلتني الصبح من رقم يطلب سبعة ملايين حتى يكدر يطلع حسن
سيف:تتوقع عامر مسويها ؟
وسام:لو هو جان اجانا قبل ما تبدي المحاكمة ،جان اجا وكال اريد هيج من وصلنا انذار المحكمة
سيف: حسن على كَد حاله مستحيل يكون مبلغ مثل هذا وهو جهاله وبيته..اني ادفعهن !
وسام:سيف اسمع ما يصير نرضخ راساً للي دا يدز منو يكول كلامه صحيح
سيف:انطيني الرقم..اخذته ودزيته لابن خالتي ومقبل بالبداية يطلع اسم المالك لان الشغلة خطرة ويحاسب عليها،بس قنعته وبصايتي قبل يحاول يبحث ..
دكيت على الرقم يطلع مغلق مغلق
وسام: خرب ! استغفر الله منو يعني اله مصلحة؟
سيف:رسائل التهديد موجودة باقي تصل نسخة مطابقة للخط ويثبت اول دليل
وشلون نثبت وين النسخة المطابقة ؟
باوعت عليه من جهة وكتله: وسام اني شسمي؟
باوع بإستغراب ! كال سيف !
خلص لعد ..اندك الباب راحت ماريا فتحته طب ولد سلم علية وسلملي فايل أصفر
افتحه وسام
فتح الفايل وتفاجأ ..سيف شنو هاي ؟؟
الدليل،الدليل الاول على مطابقة الخط،باليوم الي فكرت بيه بسالفة الخط وحاط جُهدي حتى اعثر على مكان عامر على رغم هو جان مو حاضر بمكان عمله بس كلفت شخص من نص المؤسسة الي يشتغل بيها عامر بقى على تواصل وياي فترة مو قليلة وجاب ألي اربعة نسخ مكتوبة بخط إيد عامر وطبعاً طول شكم يوم حتى يكدر يلكيهن ويجيبهن
وشنو المقابل ؟
مبلغ ..بس ميهمني المبلغ مُقابل الافراج عن حسن
وسام:سيف انت عبقري !
باوعتله بغرور ..اعرف ! يلا امشي حنتأخر
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
