ما لم يكُن بالقلب عليم

البارت 10

البارت العاشر

هو هم يأس من السيارة رجع كَعد بمكانه اعتقد جان دا يفكر بحلول بديلة همس بصوت ناصي : شكد فُكَر !
وادري بيه جان يقصدني،اني هم انطلقت اضحك واضحك،باوعلي بتعجُب بنظرة او مرة اشوفها عليه
سيف : بس !!
هو كال هيج سكتت شوية رجعت اضحك من كُلّ قلبي
باوعلي بتعجب واكتفى كال : مو طبيعية أبد !!
باوعتله بطرف عيني هو حس بس سكت
نزل من السيارة وخابر اشخاص ماادري منو وظل يحجي وينسق رجع ركّب وسكت محجه حجي
نور:هسة شلون؟
سيف:محاضرتج راح تروحين عليها لاتخافين اني الي راحت عليّة اللجنة بسببج،من اول مشفتج ومصار شي براسه خير ..
نور:جنت اضحك بس كال هالجملة حسيت رجعت لوعيي وجذبتني الجملة الي كالها بالاخير بس مرديتله مد ايده ياخذ السويج من الستيرن لمحت ايديه ملفوفة !! شبيه ؟ صدك اني شلون نسيت منو الي طلعني ذيج الليلة !
المهم اجا بعد شوية اشخاص ونزل سلم عليهم وساعدوه وشغل السيارة وذبني يم بيت مها
نزلت سديت الباب قوي مجان قصدي والله !
كال بنتر:الباب !!
دا ادك باب البيت للبيت مها انداريت شفته بعده واكف ما راح ..فتحوا الباب طبيت سلمت عليهم وتحمدوا بالسلامة وشرحنا المحاضرة
غيث:يابة اريد احجي وياك بموضوع مهم وميساء جانت كاعدة
عطالله:احجي غيث شكو
ميساء اذا ممكن اطلعي كم دقيقة
ليش اطلع ؟ عندك شي احجيه هنانة
غيث:باوعتلها بصلافة:يابة صديقي طه خاطب ميساء مني،وكال ما الكى احسن منكم وهو بصراحة كامل من كل شي واني مردت احجي كدامها لا احرجها
عطالله:نسال امك وميساء ونسأل على الولد ونشوف شلون
ميساء: عززا بس لا هذا الكاتله الفُكَر ؟؟
احترمي نفسج ميساء ! طه متلكين منه اثنين
على شنو على المال على الجمال ! وتحركات حركات رعونة
بطلي رعونة ميساء وللعلم اني الي مموافق مو علمود جهرتج بس الولد دُرة وزايد على اسلوبج بصراحة وراح تفشليني وتفشلين ابوج كدامه وما اوصيج ابقي صلفة ورعنة ،عبالي تخجلين مثل البنات بس طلعتي رعنة وميهمج ولا تتأثري شي،حجيت هيج وطلعت وسديت الباب
عطاللة:قسم بالله ميساء اذا معدلتي اسلوبج حتشوفين غير شي
ليش هو اني شحجيت غير كاتله الفكر والجوع جاي يخطب فوكاها،عشتو !
ميساااء فوتي جوا !!!حجيتها بنتر
ريام:دا امشي بالسنتر ادور على مكان كعدة لمحت عُمر
عززا هذا عمر،بس لا يشوفني درت ظهري ومشييت الحمدلله يمكن صرت بعييدة دا احجي ويه نفسي شفته كدامي !
انت هنا ريام ؟
اي هنا اني
خوش صدفة،محتاجة شي ؟ اني اداوم هنا
ممنونة،ممحتاجة شي،يحجي ويباوعلي ببسمة واني خجلت نصيت راسي استحيت هواي
ريام:اترخص محاضرة عندي
اوكفي ريام مسألتي عن نور اااقصد يعني مسلمتي عليها
ريام بوعتله بضحكة اني هم لان باين من تصرفه متوتر ..اي صدك سلملي عليها هواي
عمر"حجيت هيج مجنت حاسس على نفسي شدا ارطن ومن حسيت،فد فشلت،،ردت بس احجي وياها اطول،وهي هم مفشلتني ردتلي السلام ورحنا كل واحد لطريقة ..شكرا ربي،شُكرا لان طلعت بطريقي هي كل يوم،شكرا هواي،الفرحة غامرة كَلبي بشكل والضحكة مرسومة على وجهي
رجعت للبيت تغديت وكملت،وصعدت فوك
سيف:وصلتها يم الباب ودخلت رجعت للشركة بقدرة قادر اللجنة بعدها ما رحت شرحتلهم الوضع وتناقشنا نقاش داخل غُرفة الإجتماع عمومًا انتهينا على خير وراحوا اللجنة
سيف: استاذ حسن دزلي على مكارم وشيماء وعامر وتعالوا لمكتبي
حاضر استاذ
ورا شوية اجوي كُلهم استرحوا على صفحة وبديت احجي
سيف: اني جدا ممنونة منكم ومن جهودكم،الحمدلله اللحنة خرجت راضية من شركتنا بسببكم،اشكركم مَ خذلتوني،وام رياض تعبت وياي حيل ونزلت ودققت كذا كلف والحال نفسه ألكم،شي بسيط اقدمه الكم،كتبت كتاب شُكر وتقدير الكن وان شاء الله مُستحقاتكم تستلموها من مكتب الصيرفة،منطيه الاذن أني ..
مكارم: استاذ سيف هذا واجبنا وانت هم تعبت هواي هالايام وساعدتنا،وماكو داعي للكتاب
لا ام رياض هذا واجبي واقل شيء اقدمه الكم
تشكروني الموظفين وطلعوا صفنت لوحدي شوية تذكرت نور ! لا يا ربي !! اكيد دا تنتظر احد يرجعها لان ابو حيدر ماكو ! اخذت السويج وطلعت مستعجل
اجيت اتصل عليها معندي رقمها اتصلت على مدائن
مدائن :هلا سيف
دزيلي رقم نور بسررعة
شكو سيف،ليش؟
مدائن بسرعة الرقم خلال ثوان
دزتلي الرقم،دكيت عليها مرتين ثلاثة ماكو،يمكن هاي ما ترد على الارقام دزيتلها مسج اني سيف
دكيت بعدها جاوبتني،استفسرت منها شوكت تطلع ورحت انتظرها هناك،انتظرتها شوية وطلعت هي وبنية خلفها تودعها،وبطلعتها شفت رجال طلع بعدها اعرفه هذا استاذها الي دا ياخذهم محاضرات
دا اتمشي وصيحها ما ادري شحجوا بس شنو هالتصرف ! دا يشوفني انتظرها يوكفها بالشارع وهي هم الله يسلمها شونها !! شوية والتفتت تتقدم ناحية السيارة انتبهت اول مرة شجانت لابسة
جانت لابسة تنورة لونها اسود،وقميص أصفر،لفتني اللون جان قوي،ومناسب بشكل عليها،عمومًا ركبت ورجعنا للبيت ومحجينا حرف واحد
عمر:طلعت لاصدقائي ورجعت اشتريت حلويات وهالامور وديتهن لمسرة مع انه ادري ما راح اخلص من السانها
مسرة:ها عمر صاير كريم ووجهك يضحك باوعتلي بطرف عينها
يعني مرة ثانية ما اجيبلج شي ؟؟ توفرين هواي علية ترا
اسكت اسكت بعدين نعرف سرك وغمزت
بسيطة اني اعلمج،اخابر جواد يجي ياخذج ويخلصني منج
ها هيج؟صوجي كاعدة وياك،كامت بضجر حتروح
دقيقة اوكفي ! مسرة الي اريده منج بس تدعيلي ..تدعيلي وبس !
تقربت وخلت ايديها بحنان على وجهي..انت اخوية الصغير وسعادتك من سعادتي،اتمنى اشوفك مرتاح ومتهني دائما،محد يحبك كَدي ..
ريام:بعد ما شفته لعُمر بالجامعة رجعت للبيت واني اتذكر تصرُفه،خابرت نور حجيتلها
نور:عادي ريام،هو عمر طبعه اجتماعي ويحجي ويكون علاقات مع الناس فعادي،مصار شي
ريام:انت هيج تكولين؟ يعني عادي
اي اي عادي
حروح عندي كويز باجر،والله كريم
بيبي:كعدوا البنات اليوم الصبح الجمعة دا يحضرون حتى يجي عطالله واولاده،نور خطية كاعدة من الصُبح،تشتغل وتساعد سلمى،فد شوية واجوي عطالله وزوجته واولاده،استقبلناهم وسلمنا وحجينا شوية وصار وكت الغدا ..
نور:بعد ما اجوي كلهم صبينا الغدا نزلوا عمر وسيف هم كعدوا ويه الرياجيل يحجون،كملنا ومدائن صيحتهم،بنات خالو عطالله ساعدني عدا ميساء مكامت وانا الحمدلله ممحتاجة شي،عمومًا كعدنا كُلنا اني كعدت بصف بيبي وسيف يم خالي عطالله ويم خالي محمد،صدفة اني صرت كدام سيف
ميساء كعدت بصفي همست بصوت ناصي :بس لا كعدتي علمود زوجج !!
درت وجهي عنها وتركتها بدون ما ارد عليها،كملنا وخلصنا
صعدت لغرفتي اجا الليل نزلت اشرب مي لمحت خيال شخص يحجي بالمطبخ بس ويامن ما ادري،تقربت اكثر باتجاه المطبخ قبل ما اطبله سمعت صوت سيف،وصوت ميساء !
وكفت يم الباب سمعتها تكول :مرتك الحلوة شلونها ؟ مرتي زينة،واني بخير بوجودها !
اها ! لعد لعبتها زين بنت اسراء !
ميساء احترمي نفسج احسن الج،احفظي مي وجهج تدرين بيا من تطخ عندي شسوي ! مرتي خط احمر ما الج علاقة بيها،اني وهي ننجاز،الى حد الان ساكتلج ومشكيتج لخالي ولاخوج،بس قسماً بالله اي تعرض اسمع منج لنور،عهد عليّة يا ميساء راح تشوفين غير تصرُف ..
وعليمن عيني ! على وحدة مثلها !عشتو
هالوحدة تسواج! على الاقل حافظة كرامتها وما تدخلت بشي ميخصها وحفظت مي وجهه
نور:سمعت كلامه وظليت بدوامة بكلامه،سمعت خطوات قادمة بإتجاه الباب اني هم ما بعدت ظليت واكفة لمحني ما كال شي بس صعد فوك واني هم انسدت نفسي وصعدت دا افوت لغُرفتي شفته واكف قريب على الغرفة تقرب عليّة،ارتديت لخلف
سيف:كل الي حجيته جان عبارة عن جذبة ! جذبة حتى امشي المسرحية كلها الي دا اسويها ولا تظنين يوم من الايام الي حجيته صدُك،سويت هيج بس حتى ما اخلي ميساء تحجي كدام خالي محمد،مو لخاطرج !
نور:رفعت راسي علية باوعت بتركيز كتله:قبل متحجي اني ادري بيها مسرحية وراح تنتهي قريبا واما بخصوص كلامك ويه ميساء فمو مهم ابدا ولا بيوم من الايام راح افكر كلامك صدُك عليّة ! ميساء اني الي متجاهلتها بإرادتي ! مو ضُعف !! متجاهلتها لان اني اكبر من أنهُ اجاوب على عقول تافهه مثلها،وعلمود الزواج،فاني وانت ندري كلش زين هالجذبة،مالها داعي كُلما تشوفني تذكرني !!
سيف:اول واخر مرة تحجين وياي بهالاسلوب ! حجيتيها اول مرة واخر مرة،غير مرة غير شي تشوفين،فهمتي ؟؟
نور:مو حاسس انت تهدد هواي ! بكل مرة تشوفني تنهد وتفش مشاكلك وعقدك بيا،واني ممسوية اي شيء بس انهُ حظي وقسمتي لزكوني بيك !،صدكتي لو اريد ارد الك بكل مرة، ارّد ..بس اني الي ما عاجبني ارد،فأبداً لا تعتقد هالشي ضُعف مني !! حجيتها بنتر وباين الكتم والعصبية مال كل المواقف السابقة الي صارت وهو عاقد حاجبه جنه مُتفاجأ بيا شلون رديتله !
سيف:خالي..خالي بس الي واكف بعيوني،إلا جان عرفت شلون اتصرف وياج ..كال هيج وتركني وراح اني اعصابي فايرة منه،شيعتقد ؟ راح اسكتله دائما على إهانته !
رجعت لغرفتي واستسلمت للنوم وراي محاضرة
سيف:حجيت وياها هيج،وهي انهدت بالحجي،حسيت طلعت كل الحجي الي رادت تحجيه بكل مرة اغثها،صدمتني واني الي جنت اعتقد هي ما ترد على احد ولا تغث احد !! لفتني كلامها وقوتها،عكس الصورة الي جنت راسمها عليها،صورة انسانة مهزوزة،جبانة،متكدر تاخذ حقها،متعرف شلون تتصرف،بس اليوم تغير كل هالحجي ! انطبع ببالي جملتها "اني اكبر منه انه اجاوب عقول تافهه على ميساء" واني الي جنت أحسب ميساء تسيطر عليها بكلمتين !
الصبح كعدنا تريكنا وخلصنا،غيث وعمر جانوا كاعدين ويه نور واسمع صوت ضحكهم،مهتميت اخذت السويج وطلعت
ريام:اليوم الي بعده،رحت للجامعة ودخلت المحاضرة،واحد من الدكاترة دائما يصعبها على الطُلاب،فبلغنا بمواعيد الامتحانات،موعد مادته ماكو قبله يوم،والمادة صعبة هواية حاولنا محجي وياه مقبل وكال القرار من العمادة،فماكو حل غير انه نروح على العمادة،رحنا عليها اني وشكم طالب وطالبة،حجينا وياهم ونفس الشي قافلين طلعنا مأيسين كعدت على المسطبة ووياية ازهار صديقتي،طفرانة والدنيا طالعة من عيني،سمعت صوت اعرفه كُلش زين،التفتت شفته عُمر!
عُمَر:شفتها كاعدة ومبينة بيها شي،سلمت وأستفسرت من عندها،كلتلها:لا تخافين،تنحل إن شاء الله واترخصت وتركتها بمسافة
ريام:ترخص وشال موبايله وراح بعيد يحجي مركزت صراحةً شدايحجي جنت حيل تعبانة وخايفة من الإمتحان هو اجا بعد شوية كال اطمئني الامتحان تأجل
صدك تحجي عمر؟؟
اي والله،هسة حيدزولكم الخبر
شلون صار هيج ؟
المهم صار مو مهم شلون،اضحكي !
الله يبشرك بالخير،بس الله عليك شلون سويت هيج؟
مسويت شي اني،المهم تأجل وما تشيلون هم
ازهار اجتها اختها ترخصت من عدنا وراحت بقينا لوحدنا
ريام:عُمَر ! شسويت واجلوا الإمتحان ؟
اول مرة ادري بيج لحوحة ! مسويت بس ابو صديقي تدريسي بالقسم وصديق العميد،فتواصلنا وبحسب سنين الصداقة وياه قبل يغير الجدول ..وبس
ريام:صراحةً اني ما ادري شلون اشكرك،تعبتك هواي وياي،مجان اكو داعي لهذا الشي !
هذا واجبي،مسويت شي،تكدرين ترديليياه ببساطة !
شلون ؟
عُمَر .....

يتبع ...
شنو توقعاتكم ؟ ومُجريات القصة شونها ؟
بارت طويل لعيونكم ..
_____
ريام الزُبيدي