ما لم يكُن بالقلب عليم

البارت 16

البارت 16

ريام: صار عندي ارق فظييع بالليل مكدرت انام الموضوع شاغل بالي وغيث من طبعه مبين ابد مو هادئ ولا راح يسكت على رفضه بهالشكل الله يستر بس من الجاي ! قاطع كلامي صوت موبايلي وصلتني رسالة فتحتها وايدي كامت ترجف !! حسيت حفقد الوعي من الخوف والصدمة،يا ربي ساعدني شلون !!!!
قريت الرسالة حرف حرف جانت من رقم ممسجل عندي مكتوب بيها : حتصل بيج،جاوبيني ..
ما انكر الارتباك سيطر علية،منو هذا ؟وشيريد ؟
اجاوبه لو لا ! قاطع تفكيري دكة الموبايل دك اول مرتين مرديت اله بالمرة الثالثة فتحته
سمعت صوت اعرفه..اعرفه كلش زين !
حجه اول كلمتين عرفته غيث !
ريام:غيث !!
غيث: اسمعيني ولو لمرة ريام
ريام:غيث عيب هالتصرفات،اخواني اذا اجوي شكوللهم ؟ اكوللهم صديقكم دا يخابرني ؟
غيث:ريام اسكتي..اسكتي وركزي بكلامي
اني مستعد اخطبج عشرة مرات في سبيل توافقين
موليلي ليش رفضتي؟ شسويتلج اني!! مو اجيتج من شرع الله ورسوله ؟
ريام:صدكني منتراهم ولا الموضوع كُله يرهم،الله يسعدك ويه غيري،اني ما اكدر
غيث:اريد الله يسعدني وياج بس ! جان دا يحجي بصوت اقرب للهمس
ريام:اترجاك ! اترجاك اتركني اكمل حياتي عادي كافي المشاكل الي عندي،اني ما اكدر اكون الك زوجة اني ممستعدة لهيج مسؤؤلية ابداً حالياً
غيث: حافظ تفصيل تفصيل من تفاصيلج ريام ! من نبرة صوتج ادري الي بيج وادري مو هذا السبب الي مانعج عن الموافقة..اني مدا اجبرج هسة..الج كل الوقت فكري بتمعن ريام
ريام:اني ما اكدر ابني سعادتي على حساب غيري،من البداية انهي كل شي وخلص
غيث:لا تتسرعين فكري حتصل بيج بعد يومين
ريام: بس !!
غيث:ارجوج كافي!! يومين مو هواي ترا ! تصبحين على خير
ريام:بقيت ساكتة محجيت شي
غيث:ريام
ريام: نعم
غيث:امسحي دموعج،نامي عندج مُحاضرات،سلام ..
ريام: شون عرف دا ابجي ! واني مطلعت صوت ! شي مُتناقض جدا بداخلي،شي يكلي وافقي غيث ميتعوض وشي لا لاتوافقين..س ما اكظر ابني سعادتي على سعادة غيري،كعدت بالكاع ابجي من الموقف الي اني بيه ..
نور:غيث حيل شايلة اني عليه ليش ما كالي على سالفته ويه ريام،بعد شوية شفته جاي من برا هالفترة دا يبقى عدنا مدا يروح لبيت اهله بسبب أُمه
نور:دقيقة دقيقة تعال غيث
غيث:ادري شراح تسألين بس انتظري شوية واجيج
نور:لا هسة تعال هنا بالحديقة
كعدنا سوا جانت الدنيا ليل بديت اسأله على ريام وعتبت عليه
غيث: ساعديني نور،ريام اريدها واني مسويت شي خطأ ولا حرام،اني رحت وخطبتها حالي حال اي شخص،هي مدا تقبل احجي وياها وافهم منها السبب الرئيسي ..ساعديني انت واقنعيها
نور: غيث هذا زواج مدى العُمر ما اكدر اني اقنعها بشي هي ممقتنعة بيه،بس صدكني كل بنت تكون خايفة بهيج موضوع،خايفة من مستقبلها وحياتها القادمة والاهم خايفة من الشخص الي راح ترتبط بيه
انطي صبر ومجال شوية،واذا قسمتك صدكني راح تكون الك لو مهما تعددت اسباب والموانع
غيث:كبرانة وصايرة تحجين حجي يجنن يولي !
باوعتله بغرور : اي شعبالك لعد ! وبعدين الموضوع يعتمد على ذكائك وتخطيطك
غيث:شلون ؟
نور :هسة اكللك ...