ما لم يكُن بالقلب عليم

البارت 23

خطيت اول خطواتين على الدرج وكلبي واجعني طبيت لغيث مو موجود ! خفت هواي
احساسي دا يتحقق،اكو شي غريب رجعت خطوتين ليورا وايدي على كلبي وانفاسي تصاعدت والخوف على وجهي،دفعت باب سيف على الخفيف وانصدمت بمكاااني،ملامحي جمدت حسيت لِلحظة النفس وكف !
نور: سيييف !!!!
تقربت خطوتين بأتجاهه شفته جان نايم بس مو بوضع طبيعي ابد،جان ايده بالهوا وراسه مايل
تقربت اكثر ناديته باسمه مجاوبني،حركت ايده وبقيت اصيحه وماكو حسيته مو بوعيه ابد،بديت اتهستر بقيت اهز بايده وماكو مدايرد،هجمت الموبايل هجم على غيث واهلي ومحد يقبل يرد عليّة وغيث حتى موبايله مقفول هم،كمت ابجي من كل كلبي سيف مدا يرد علية ومو بوعيه ولوحدي بالبيت كعدت بالارض ودموعي تنزل رجعت اتصلت على خالي عطالله اربعة مرات وماكو حاولت للمرة الاخية عسى ولعل اتصلت عليه وجاوبني واخيييراً !!!
نور: خالي ويينك،خالي تعال بسرعة ..حجيتها واني بوضع يُرثى له ودموعي تنزل ومتهسترة
عطاللة: بنتي على كيفج فهميني !!!
نور: خاالليي بس تعال على بيتنا لان س.. دا اكمل الجملة وانكطع الخط خلص الرصيد،ذبيت الموبايل على الارض وانهاريت اكثر،يارررب ساعدني شراح اسوي اخاف يصيرله شي بين ما احد يجي رجعت عليه احاول وياه بلكي يستعيد وعيه بقيت اصيحه واحركه وهو مااكو ابد لمحت ورقة يمه لزمتها وايدي ترجف رجف قريتها من بين دموعي جان مكتوب بيها
"علاجي بالخزانة جيبوا من الصيدلية" بقيت مستغربة شنو علاج شنو صيدلية !!! مداافهم حرف
شدايصير !!! ليش ما هو راح جابه !!! زين ليش مكال لغيث !!! حطيت ايدي على شعري واحس راسي راح ينفجر من البجي والافكار بقيت واكفة بمكاني وخايفة متأكدة اكو شي مو طبيعي بقيت احارب واصارع بافكاري،استسلمت ورحت للخزانة فتحتها وفعلا جان اكو علاج خلصان،اخذته وكعدت بالارض واني بين الخايفة وبين الي مجبورة اروح للصيدلية
الصيدلية مو بعيدة حيل عن بعد شارعين بس شون !!! رحت على غرفتي لبست عباية وشال على السريع واجيت لغرفة سيف بقيت صافنة عليه كأنهُ دا اودعه !! طلعت مستعجلة من البيت وكَلبي مو مطمئن اشتريت العلاج ودا اطلع وكفتني مرّية جبيرة سمعت صوتها تصيحني التفتت عليها جان وضعها شوي تعبان ومتواضع،سألتني انتِ نور؟ جاوبتها ..

غيث: شكد كلت تهون وما هانت ؟ شكد كلت حنسى ومنسيت ؟ شكد كلت حتمرّ وضكت المُرّ وما مرّت !
امي تخلت عني ومقبلت تستوعب ابنها حتى،وريام تخلت باول عائق !! اني شنو الي سويته،غير انه حبيت من كُلّ كَلبي ومجنت نيتي شي غير انهُ اعيش حياتي ببساطة ويه بنية اني احبها ! شكد حاولت وشكد دزيت ناس وكله رفض من قبلها،دزيت ابوي وبالمقابل دزت خبر الي بيناتنا انتهى بالكامل،شكد حاولت احجي اني وياها وجان دائما تقابلني برفض كدام الكل ! صعبة على اي رجل هذا الموقف،صعبة من تكون النية حسنة وتنفهم خطأ وتنكلب ضد الشخص ! اليوم وصلت منتهي من التعب هالايام دا اذب كل جهدي ووقتي على الشغل حتى ارجع تعبات وانام وما افكر بشي ابد،رجعت هلكان ونمت راساً فزيت على صوت الموبايل جانت امي استغربت !! امي صار الها ثلاثة اشهر يمكن مقاطعتني نهائي،فليش حتى تخابر هسة لا يكون صاير شي !!!
جاوربت راسا واني مفزوع
غيث: هلا يُمة،شلونج
امي: غيث تعال على البيت،خواتك واني مشتاقيلك هواي
غيث: صدك يمة !! ما انكر شكد فرحت ! بالاخير ماكو واحد ما يفرح من اهله وامي يرضون عليه ويردونه يرجع لاحضانهم !
امي: اي يمة تعال وعود اخطبلك ارقى بنية لا تنقهر
تعال
غيث: بس يوم !
امي: سويت الاكلة الي تحبها دائما تعال بسرعة
غيث: مسافة الطريق بس...كمت راسا بدلت على السريع وطلعت مفكرت اكول لاحد حتى من فرحتي وسعادتي،وصلت على بيتنا استقبلوني خواتي وحتى ميساء !!!! وامي جانت وياهم
ميساء: يا هلا وغلا نور البيت
غيث: ابتسمت بوجهها ومستغرب منها،هي دائما تسوي مشاكل وخلافات وخصوصا وياي شنو هالتغيير بيها وصار تهلي وترحب بيا،حسيتها مو طبيعية بس محجيت شي ولغيت شكوكي طبيت جزا جان اشكال وانواع من الاكل امي مسويتهن علمودي يا الله شكد مشتاقلها ! بقيت أكل هواي
غيث: كافي شبعت والله
امي: دكعد دكعد اكل هاي هم
غيث: يوم والله شبعت ضميهن عود بعدين اكلهن
رحت غسلت وكملت ورجعت خليت راسي بحظن امي وهي تمسد على راسي بهدوء
امي: غيث يمة لا تنقهر هي لو خوش بنية وبنت اصول مجان تركتك من اول وكعة،بس من البداية كتلك مو زينة لا هي ولا بنت عمها نور بس محد يصدكني
غيث: يمة كافي الله يخليج اني حيل تعبان ونور مالها علاقة لا تحجين عليها البنية حيل حبابة ومؤدبة
امي: اي اي ابقوا هيج انت وابوك ولا تصدكون بينا وتصدكون بالغريب
غيث: رفعت راسي منها بغضب وكتلها اني جاي حتى ارتاح وهذاا الموضوع اني انجاز بيه ونور مو غريبة ! نور بنت عمتي يعني منا وبينا
ميساء: يوم انت ليش شاغلة بالج اصلا غيث ما اح يرجع لريام ابدداً !! وجانت تبتسم من حجتها باوعت عليها مستغرب وعاكد حواجبي وملامح التساؤل والاستغارب مبينة وهي هم جشت على نفسها راسا عدلت وضعها وكالت ااقصد انه هي مو زينة مثل ما كلتي فاكيد ما شافت شي يعجبها بغيث لان اعلى من مستواها ولهذا لكتها حجة وشردت
غيث: اني رايح ارتاح،كمت على حيلي ورحت للغُرفة
دا امشي ودك الموبايل جان عمي
محمد: غيث تعال بسرعة
غيث:عمي صاير شي ؟؟؟
محمد: مينحجي على الموبايل تعال بسرعة هسة
غيث: جاي جاي
طلعت بسرعة على السيارة،سقت بسرعة جنونية ووصلت للبيت طبيت على الهول
اول مطبيت شفت بيبي بالارض تلطم وتبجي وعمة سلمى عيونها ورمانة من البجي،اجيت امشي خطوة انسحبت وانركعت بالحايط باوعت جان سيف،هجم عليه وخنكني قوي شفت للموت بعيوني وهو يكز على اسنانه ويحجي وويينها ويينهااااا !!!!!!
عمي وابوية وحتى عمر جاي ويحاولون يبعدوه عني بس هو طويل وبعده مسيطر واني دا اموت على البطيئ اريد احجي ما اكدر بالكوووة عمي سحبه وبيبي وعمة زادت اصواتهن
سيف: لك احجيييي وينها !!!
بديت اكح وبنص خنكتي كتله منووو ؟؟؟؟
عمر: اكعد هنا غيث جرني على الكرسي وانطاني مي
عمر: لك شبيييك سيف جان ماتتت شبيييك !!!!!
سيف: طز بيه ،وينها وين راح بيها ؟؟
غيث: منو هي ؟؟؟ اني مدا فهم شدا يحجي وشبيهم دا يبجوون والبيت مكلوب عزا
عمر: غيث نور اختفت !
بقيت مصدوم بمكاني،شنووو !!!! شنو اختفت !!! الظهر جانت هنا !
عمر:اييي وهذا الي مدوخنا لك مخلينا شارع وفرع يعتب علينا ! وين راحت وشلون !!! ااشرطة دزينا ابلاغ بس تدري بحال شرطتنا انت ..