سيف : يعني ؟
يعني راح تكون بس كدام عمامها وبالواقع راح تبقى مثل اختك مجؤد فترة كصيرة بس ونور تصل للسن القانوني وبعدها تتأمن ..وكتها عي تقرر وين تريد تروح ..نور بقالها شهر وتطب بال17 يعني كل الي دا اطلبه منك هو سنة وشهرين بس تبقى بهيج تمثيلية
خالي طلبك على راسي بس صدكني صعبة مداكدر استوعب اني راح ارتبط بشخص واكون مسؤؤل عنه صعبة هواية خالي !!
سيف راح تعقد بس شيخ حتى محكمة ميحتاج واذا يسألؤن راح نأخرهم بحجة البنية بعدها قاصر ونأخرها الموضوع لمدة سنة وشهرين ..أعتبره دين سيف ! نور اعز من بنتي ومستعد اسوي اي شي علمودها
انطيني وكت افكر بيه خالو
الك الوكت منا ليومين عمامها حددوا هيج المدة ومنكدر نجازف اكثر بالبنية ..فكر زين وردلي الجواب
نور:جانت الدنيا عصرية وخالي وبيبتي مجتمعين فقررت اكوللم علمود رجعتي على الدوام
بيبي اريد احجي وياج بموضوع
كولي نور شكو شمحتاجة ؟
بيبي اريد ارجع للدوام تعبت اني ومليت من هذا الوضع دا احس مستقبلي دا يضيع اني ما اكدر بعد افوت سنين علية واضيع حلم اهلي
خالو انت هم اجيت احجي وياك بهذا الموضوع ياريت لو تكدر تسجلني بالمدرسة اني بقالي سنة للوزاري ولازم اشد حيلي
بيبي:ساعة خير نوري شكد جان بنفسي ترجعين لدوامج بس جنت مااكدر احجي وياج اخاف عليج
محمد:تدللين باجر اروح للمدرسة واشوف شنو يردون حتى اسجلج
شكرا خالو صدك انت ابوي الثاني طول عمرك واكف وياي وتسندني
يلا اني رايح للشغل صار يومين عايفهن على الشباب لازم اشوف شدايسوون وشدا يواجهم
الله وياك خالو سلملي على عمة سلمى ..
نور: حياتي مشت واني ما ادري شلون دا تسير كل الي اعرفه اني انتهيت من بعد كل شي صار وكل شي فقدته ماكو شي يحفزني او يخليني انهض واقاوم من جديد ماكو شي يخليني اتعب علموده ..اي شخص اصعب لحظات حياته وهو يشوف اهله وويجفنوهم وبالكبر امام عيونه،منو يتحمل هيج وجع والم !
جنت دائما اسمع منهم انت واعية انت عقلج اكبر من عمرج ..امي جانت دائما تكلي انتِ إلي راح ترفعين راسنا يا نوري
جنت اخذ عهد على نفسي لنفذ كلامها وارفع راسها وبنص الحجي اتذكر اخر كلمة كالتها..كالت نوري واني انزعج من هذا الاسم ..جانت تحضنني وتشاقيني واني اتزعل ..
بنص ذكرياتي قاطعني صوت الشباج ينصفك من الهواء قاطعني واني كاعدة بزاوية الغرفة وبيدي صورة والدي والدتي ودموعي بدون وعي نزلن !
صارت عادتي البجي لوحدي ويه ذكرياتي ووجعي ..جنت دائما اكتم وقلبي إلي يتحمل ويندك عليه كذا مرة ..
سيف : خالي تركني وراح واني مصدوم ! يطلب مني اعقد وعلى نور !! نور إلي بعمري ما كرهت شخص مثلها ! نور إلي دمرتلي كُل شي !! شوفتها إنتقام بالنسبة إلي فشلون اعقد عليها وتصير زوجتي !! حتى لو جان لمدة سنة وشهرين
زين هذا الطلب من خالي شلون اكدر ارفضه ..خالي هو الي ربانا تقريباً وساعدني وجان يرشدني بالشغل ويعلمني الاخطاء والزلات هو السبب بإلي اني بيه شلون ارفضله اول طلب منه إلي ! كُل هالتساؤلات بدماغي وكُلش تركيزي مُشتت،إستسلمت للنوم والصبح راحة ضميري هي إلي راح تخليني اردله جواب الصحيح ..
ثاني يوم الصبح وقررت ارد الجواب النهائي غسلت وجهي وتريكت صبحت على بيبتي وأكيد نور مَ شفتها كالعادة ..رحت لبيت خالي فتحلي الباب عمر
عمر اصغر مني بثلاثة سنين واصدقاء من احنا واطفال نلعب سوية ..فتحلي الباب ورحب بيا طبت عمة سلمى سلمت عليهم واجا خالي
سيف: خالي اليوم اجيت اردلك جوابي ..اني موافق على نور بس بشرط تبقى اسميا فقط ..سنة وشهرين
سنة وشهرين وبس هذا اتفاقنا وهي تبقى بمكانها واني بمكاني كل هالتمثيلية كدام عمامها بس ..اني وافقت على طلبك علمود انت بس ..أعزك مثل ابوي والله شاهد علية ..
على بركة الله ..واني مقدر حبك وتضحيتك ومثل مكلنا هي مثل اختك تبقى ..
يتبع
________
ريام الزُبيدي
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
