البارت 25
غيث: باعيلي ريام،اشتاقيتلي؟
بدون وعي مني خليت راسي على صدره بأمان ومحجيت شي هالتصرف جان كفيل ينطيه الجواب
حسيت على ايده محاوطتني
سمعنا صوت سيف تفاجئنا،راح غيث على غُرفته ورحت اني وراه بس وكفت يم الباب استحيت ادخل
غيث: شكو سيف؟
سيف: باوع !!
ريام: غيث لزم الجهاز وملامحه تغيرتت والصدمة على وجههُ !!!
غيث: سيف من وين جبته ؟
سيف: اليوم رحت اجيب العلاج مال عمي وصُدفةً لكيت .... وحجا الموضوع كُله واحنا مندهشين !!
قبس: يعني تتوقعون اكو احد اله ايد لو صدفة؟
سيف: كل شي وصلتله يثبت اكو احد متقصد بيها
والهدف الاصلي مو على نور ..الهدف هو اني !
نور جانت وسيلة حتى يلوي ذراعي بيها
ريام: اني مدا افهم الربط ويين !!! وهي اصلا ليش طلعت من البيت !!
سيف: بنفس اليوم الي اختفت بيه جنت دا افتر بالغرفة وشفت اسوارها واكع بصف سريري واني اخر مرة شفتها جانت داخلة لغرفتها بعد فترة الغدا هذا يعني هي اجتي بالفترة الي جنت مو صاحي بيها
قبس: دقيقة دقيقة ليش غيث وين جاان ؟؟
غيث: مجنت موجود جنت ببيت اهلي،امي خابرتني وتصالحنا
ريام: كال هيج وتفاجئت،ليش هو متزاعل ويه اُمه !! فكرت بس غلست الوكت مو مناسب حتى احجي
عمر: زين اختك مجانت موجودة؟؟ شلون طلعت نور واختك مشافتها ؟؟
غيث: ميساء من رحت اني جانت راجعة لبيت اهلي ما ادري شوكت !
قبس: غيث دا ايحجي واني مراقبة سيف ما ادري شنو الي دا يفكر بيه بس هو يفكر اكثر ما يحجي وويه كل كلمة دا يحلل ويفسر ولمن غيث جان دا يحجي حسيت سيف تغيرت ملامحه رأسًا بس مكال شي،هو هيج سيف طول عمرنا محد يفهم شنو الي دا يفكر بيه ابددد
سيف: سدوا الموضوع،عندي شكم شغلة ببالي اتحقق منهن وبلكت نتوصل للحل
غيث: اني هم رايح تعالي ريام اوصلج
قبس: الله وياك
ريام : بس اسلم على بيبي وعمة
ريام: نزلنا سلمت على بيبي وعمة وعمو محمد وطلعنا بالسيارة محجينا شي بعدنا مغثوثين على سالفة نور وصلت راس الشارع نزلني اني طلبت منه
محبيت اهلي يشوفونا واني مكتلهم بعد سامحت غيث ورجعتله،ودعت غيث ونزلت والف فكرة ببالي تدور
غيث: وصلت ريام ورحت لبيت اهلي سلمت على امي و وسناء وميساء مشفتها
جان الوكت وكت بين العصرية والمُغرّبية
غيث: يُمة جوعان،اذا اكو اكل ما تغديت زين
امي:اذا انت كاعد ببيت عمك شون متجوع ؟
غيث: يمة الله يخليج كافي،ابوية بس يرجع من الهند نتناقش بكل شي بدل هالوضع المُزرّي
امي: اي اي بعد صيح على امك الي ربتك وكبرتك رحت بشهرين تغيرت عني
غيث: استغفُر الله العظيم مشيت سريع وصعدت للطابق الثاني،دا اصعد وطختني ميساء جانت مستعجلة حيييل
غيث: مشفتيني ؟؟
ميساء: لا هو جنت مستعجلة
مجادلتني مثل كل مرة ووجهها اصفر،وخايفة استغرربت
غيث: دقييقة !! وين رايحة ؟
ميساء: ها !! اقصد رايحة لصديقتي
غيث: يا صديقة هاي ؟ من شوكت تروحين لصديقتج ومنو انطاج الاذن ؟؟
شفتها تلبكت اكثر وتوترت،زاد استغرابي اكثر
ميساء: صديقتي هدييل شببيك، مريضة هواي وحروح اشوفها وكلتلها لأُمي
باوعت عليها ومو هواي مقتنع بحجيها بس امي انطتها الاذن واذا اروح اناقش راح ينفجر راسي من الوجع وما اصل لنتيجة وياهم،فسكتت محجيت
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
