ما لم يكُن بالقلب عليم

البارت 11

البارت 11
نور:استمرت ايامي عادي تمُرّ،بروتين مُعاد المحاضرات ما بقى الها شي وتخلص،والدوام حيبدي،اتفقت اليوم المحاضرة ببيتنا،واجتي مها والمُدرّس وشرحلنا عادي
سيف:خالو،خالي عطالله راح يدز ويه غيث غرض ميكانيكة لسيارتي،واني طالع هسة عمر من يجي خل يصعدهن للمخزن فوك
سيف عمر يمكن يتأخر واني ظهري تدرين بفقراتي ما اكدر اصعدهن انتظر هنا اذا تكدر
مو مستعجل،عندي شغل
سيف تعال ارتاح يمي دا احجي وياك بموضوع،صار شكد محاجيين
اجيت وكعدت يمه ونور ادري بيها ويه المدرس وويه صديقتها بالاستقبال وخالي متعمد كاعد بالهول حتى قريب منها يخاف عليها
اجا غيث انطانب الغراض وراح هو وطالع طلع المدرس سلم عليه وعلة غيث واندار يحجي ويه نور اني التفتت عليهم لاحظت شي بس متأكدت منه !
سكتت ما حجيت شي،راخ غيث والكل طب،نور دا تفوت كلتلها بصوت تسمعه:عدلي حجابج مرة ثانية !
سمعتني ووكفت بس ما التفت عليّة،يمكن بعدها شايلة عليّة من ليلة ذاك اليوم !!
تركتها وطلعت اني هم

نور:قرب الدوام،فقررت اغير من روتيني،فراح اروح ويه ريام للجامعة،رتبت اموري وغيث راح يوصلني وريام هم تنتظرني حتى تطببني،جهزت اموري ولبست بنطرون وقميص أحمر الى حد الرُكبة وشال جان بشكل نازوك دا انزل من الدرج مستعجلة انضربت بواحد،رفعت راسي جان سيف !
هذا شيجيبه كدامي ؟؟ شو فجاة يظهرلي ؟ باوعت عليه جان هو المزعوج ويريد ينفجر بيا اصلا شوكت جان هادئ !!! كلما اشوفه اعصابه مشدودة ويريد ينفجر بواحد،باوعلي كال ..مدا تشوفين ؟؟
مستعجلة
وين رايحة ؟ "اني اعرف وين رايحة بس حبيت أسألها"
باوعت عليه بتعجُب..ليش ؟؟
زوجج !!
نور : كال هيج،ورفعت نظري عليه بما معناه من صدُك تحجي ؟؟ انقذني من الموقف غيث،صيحني مريت من يمه،ريحة عطره فواحّة بشكل،نزلت جوا واني مصدومة ما ادري متوترة على خايفة !!
سيف:عجبني اشوف ردة فعلها وكلتلها زوجج !! شفت ردة فعل وملامح تغيرت يمكن بعمري ما راح اشوف مثلهن !! ابتسمت بكَلبي على صدمتها،صاير يعجبني اداهر بيها هالفترة !!هي نزلت رجعت نزلت جوا اني هم جانت بعدها ما راحت غيث دا يحجي ويه خالو،هي راحت شربت مي،ومبينة دا تمشي جنها داخلة بصدمة ! هي كلمة وحدة كلتلها وهيج صار !!اقتربت تاخذ الكلاص ووكع بالارض،وعّت على الصوت نزلت تلم الكزاز،اني هم تقربت منها ونزلت بمستواها ألم الكُزاز وياها،باوعتلها بإبتسامة بطرف شفتي ..غير تنتبهين !! باوعتلي بإنزعاج ووتوتر كالت ..كُله منك !نهضت اخذت سويجي واني اتذكر موقفهاورحت لشغلي ..

ريام:عُمَر طلب مني أحجي وياه بصفتني كزميلة او ككرايب،واني رفضت ما كدرت أبداً،عيب وحرام عليّة احجي وياه مهما كان هو غريب عليّة،وهو حس على روحه وسكت مكال شي..عمومًا انتظرت نور تجي وشفتها احتضنتها بكل قوتي واخييراً شفتها ممصدكة !!
نور:ردتلي روحي بشوفتج ! تعالي اكعدي هنا نحجي
شنو نكعد ؟ كومي كومي،اليوم افتلج الجامعة كُلها ونشوف كُل شي
وفعلا ما خلت شي ما شوفتني هو وبقت تفر بيا بالكفتيريات،هلكت بشكل مو طبيعي اليوم،بس للاسف الأوقات الحلوة دائما تنتهي بسرعة،ويومي وياها قرّب يخلص ما بقى غير عشرة دقائق ويجي غيث ياخذني،بس فعلاً مخلينا شي بنفسنا والاهم فرغنا همومنا وقهرنا ومشاكلنا لبعضنا،بالتالي اني وهي ما عدنا غير بعضنا بس !