البارت 40
ركبنا بالسيارة كتله مر من هذا الشارع عفية
استغرب بس ما حجا شي،الشارع جان فارغ
بنص الطريق كتله وكف السيارة ..بس وكفها كتله تتذكر هذا الشارع ؟
غيث:اي اتذكره،هنا اول مرة شفتج بيها وجنت اشوفج مغرورة وشايفة نفسج
ابتسمت لكلامه ولزمت ايده حطيتها على بطني وكتله
وهسة المغرورة راح تجيبلك ولد يشيل أسمك ..
غيث: صدك ؟
ريام: أومت براسي بمعنى اي بس كتله هيج
ضمني لاحضانه بسرعة والضحكة وجههُ
ولسانه يلهج بالحمد لرب العالمين
ريام: غيث اريد اطلب منك طلب
غيث: كل شي الج اليوم،شتردين بعيوني
ريام: وديني لاهلك ..
بس كلتله هيج تغيرت ملامحه راساً وكمل
سياقة
غيث: ريام شوكت تبطلين ؟ انت تعرفين
السبب الحقيقي وتعرفين ما راح يتقبلونج
فليش اعرضج واعرض نفسي لموقف سخيف ؟
ريام: غيث عفية ادري بيك انت ميت على شوفة
امك وادري تريد رضاها،اني ما اكدر اكون السبب
بقطعتك عنها !
غيث: منو كالج انتِ السبب؟ امي هي
الي رافضة تتفاهم وياي حتى،واكثر من مرة
رحت عليها وبوست ايديها ومتقبل شسوي
اكثر
ريام: الله يخليك غيث بس هالمرة،بلكي
من تسمع بحفيدها تتغير !!
كلتله هيج وسكت واعرف ورا سكوته اقتناع
شفته غير طريقه فرحت بداخلي،اعرف هو وامه
متزاعلين وهو حيييل مقهور واشوفه كل يوم
يكابل صورتها بس ما يريد يبين كبالي
هو ضعيف ..
وصلنا بيتهم ونزلنا يم الباب لزم ايدي
يطمئني،ابتسمتله وتفاءلت خير ..
فتحت الباب سناء،سلمت عليها ومكالت شي
البنية بس طبيت للاستقبال اجتي امه
تغيرت ملامحها وجنها تريد تطردني
تقدم غيث عليها وحضنها بس هي ما بادلته
راساً صرخت
امه: شجابكم انتوا ؟
غيث: يمة اجيت اسلم عليج،هواي مشتاقلج
امه:هو انت الي اخترت ذيج ؟ وفضلتها علية
جاي هسة تريد اسامحك ؟
غيث: يوم اني هذا الموضوع خلص انسد
اني متزوج هسة وعن قريب راح تصيرين أب !
غيث كاللها هيج،تغيرت ملامحها شوية
والابتسامة انرسمت عليها،بس فجأة حست
على نفسها ورجعت لوعيها ..
ريام: اي خالة اني حللت وطلعت حامل
وانتِ اول وحدة اجينا نبشرج،اتمنى يكون حفيدج
الاول باب لترجع علاقتنا سوا
كلت هيج واجت دفعتني رجعت خطوتين
وغيث لزمني راسا تعصب غيث
بس باوعتله ولزم اعصابه،لزم ايدي وما حجا ولا حرف دا نطلع وصار بوجهنا ابو غيث
راسا حضن غيث وكال الف مبارك راح يجي حفيييدي
وكام يضحك،شوية غيث تغير وضعه
ويضحك ويه أبوه،وابوه هم باركلي
وكال امشوا نطلع يلا،عازمكم على العشا
بمناسبة هذا الخبر
جان ابوه يتصرف بغرابة وكأنه ام غيث مموجودة
وحتى عزمنا وما عزم مرته اثناء مداافكر
اجتي سناء نطزت كالت اجييي وياكم بحماس
باوعتلها كلتلها يلا ننتظرج
انتظرنا شوية وامه فاتت على غرفتها وتركتنا
اجتي سناء بعد شوية وكمنا كلنا وصلنا يم
الباب الخارجي غيث وابوه سبقونا دا امشي
وعثرت بشي اسود شلت جان شكله
غريب كَلبته،تفاجئت جان نقاب !!
ريام:سناء ممكن اسالج سؤال ؟
سناء: كولي ؟
ريام:هذا شنو ؟
سناء: اووو هذا مال صديقة ميساء هي منقبة
وجابته اليوم ماادري شوصله،يمكن طار لان اليوم
اكو هوا قوي
دا تحجي سناء واني فكري مشغول
معقولة هي نفسها الي شفتها بالمختبر ؟
زين النقاب لصديقة ميساء،ميساء متلبس نقاب
وشتسوي بالمختبر ؟
قاطع تفكيري صوت غيث يصيح علينا نجي
لان تاخرنا
وصلنا المطعم وابو غيث كال فري شتطلبون
اطلبوا اني طلبت بيتزا بس ابو غيث مقبل
وطلبلي نفر كباب يكول حتى حفيدي يتغذى
زين،حيييل فرحت باهتماهم واخيراً شفت
احد متقبلني ومتقبل وجودي
سناء كاعدة يمي تعمقت وياها وبشخصيتها حيل
فطيرة وعلى نياتها عكس اختها ميساء
غيث وابوه بقوا يحجون بالشغل ويضحكون
فرحت لمنظر غيث حييل،اني متاكدة هو جان
محتاج هيج لقاء مع اهله ..
دا نطلع وكملنا ابوه راح يدفع الحساب وسناء صاحها غيث،شفته طلع فلوس وباس جبينها
غيث: هاج سناء،هاي الج وادري مقصر بحقج
سناء: بس غيث الحمدلله ممحتاجة ابوية دايقصر
غيث: اشش كافي اني اخوج ومسؤؤل عنج
لزميها !
غيث:وهاي هم ل..
سناء: المن ؟
غيث: هاي لميساء،انطيهاياه،ادري ابوي مقصر
ومداينطيها مثل كَبل بعد الي سوته بس ميخالف
هي هم طالبة وتختاج مصاريف اخذيها وانطيها
سناء: غيث انت نعم الاخو،الله يوفقك ويرزقك
بابنك سالم ومعافي
غيث:صايرة كلاوجية ! ههههه
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
