ما لم يكُن بالقلب عليم

البارت 27

ارتمت بين احضاني،حضنتني وكامت تبجي بكل قوتها وطلع صوتها،كامت تبجي بحركَة وخوف
ما منعتها هذا الي ردت اوصله،ردت تطلع الي حابسته
والا راح يدمرها
شددت من قبضتها ووجهها على كتفي ودموعها تنزل بغزارة،محجيت شي بعد،تركت الامور تمشي لوحدها
وغمضت عيوني اعيش اللحظة وياها ..وياها هي
ورا شوية بدت تهدأ وابتعدت عني شوية شوية حاوطت ايدي خدها وبعدت شعرها عن ملامحها،قاطعت الصمت وكلتلها
سيف:شلونج ؟
مجاوبتني بس هزت براسها بمعنى اي او انه زينة هي
ابتسمتلها ببساطة والدموع بعيونها بعدهن لزمت ايدها بإطمئنان وكلتلها،لا تخافين،انتِ يمي !
رفعت عيونها وباوعتلي بنظرة وكأنه دا تكلي بعد التعب لكيت الامان الي افتقدته،جان كَلبي ينعصر بكل مرة اشوف حالها ووضعها ومئة فكرة براسي عنها واخاف صايرلها شي ..!! بس محجيت ولا اكدر ابينلها هسة
سيف: احجيلي،بعدج خايفة ؟ تعبانة؟ اترك تنامين احسن ؟؟
نور: لا،مبيا شي
كالت هالجملة بس جنت اعتبرها تطور نظراً لحالتها التعيسة،المهم حجتت و وعت على نفسها
سيف: تاكلين؟
نور: ما اشتهي
سيف: حنبقى هيج ؟ راح تضعفين اكثر اذا بقيتي بالعناد !!
نور: تعبانة،ما اشتهي
سيف: صارلي يومين ما أكلت تدرين !!! ولا راح اكل
كمت من مكاني وحطيت الصينية على صفحة بس لزمت ايدي وباوعتلي بنظرة بريئة،نفس النظرة الي جنت مشتاقلها،كالت، تأكل؟
فهمت قصدها رجعت اخذت الصينية وكعدت مقابيلها وبدت تاكل بس ببُطء،واني هم اكلت وياها
خلصنا،واطمئنيت على وضعها ردت اسولف وياها واسمع صوتها اكثر بس هي ما جانت رايدة ومكتفية بس بالنظرات قاطع الموقف قبس دخلت على الغرفة
قبس: هلو، اكلتي !! ينراد احتفااال بالمناسبة !
سيف: قبس !!!
قبس: هسة اني شحجيت حتى تباوعلي،لج تعاالي
مكلتي قبس حتشتاقلج ولا حتى سألتي عنيي
نور: تعالي
حضنتها قبس بكل قوة وكامت تبجي هم
سيف: قبس اني رايح،وبيبي علاجها بالكنتور خليته
انطيهاياه كَبل متنام،وعمي اشرف راح يجي بعد شوية خل غيث يستقبله
قبس:روح ارتاح،انت هم تعبان
قبس: راح سيف ولكيتها فُرصة أحجي وياها
قبس: اي شلونج ؟ شدا تحسين نور؟
نور: ما ادري قبس،بس تعبانة !
قبس: لا تشيلين هم حتنتهي انتِ تصبرين دائما !!
نور: احجيلي بيبي شلونها اريد انزل عليها جوا
قبس: لا اكعدي وارتاحي،اني اساعد بيبي وتصعدلج هنا
نور: وخالو هم،حبابة خليني انزل والله مشتاقلتهم ! وخابريلي ريام هسة
قبس: اسمعيني،وعد بس ترتاحين وتشربين علاجج كامل انزلج !
هزت رأسها بمعنى اي،بس جنها ضاجت شوية
قبس: احم اكول سألتي على الكل بس نسيتي شخص !
نور:منو؟
قبس: باوعتلها بنظرة وهي فهمت مقصدي
اقصد سيف،مسألتي عنه ؟
قبس: كالت هيج وتذكرت موقف قبل شوية ومن جنت مو بوعيي وحضنته بس شكوللها ؟ سكتت مجاوبتها،خجلت من الإيحاء الي دزتليياه وخجلانة منه هو حتى ..
قبس: متتخيلين شكد دورنا عليج،مخلينا مكان بيبي عيونها ما نشفوا وعمي بقى متحمل وصابر وبالاخير انجلط،عيوننا مشافت النوم
نور: قبس تعبانة !
قبس:خل اكملج،دورنا هواي،احجيلي شصار ووين جنتي ؟
نور:قبس ما ادري..ما ادري شحجيلج بس الموقف مأذيني ومدااكدر انساه،كلما اغفى اتذكره،صرت انرعب من شي أسمه نوم،فترة اختفائي كُلها اني منايمة لان أخاف أنام جنت لوحدي بغرفة مبيها أي ضوا،جانوا الي يطبون أثنين وحدة مرّية و واحد رجل،بكل مرة جنت أرفض أكل جنت أتعرض لتعذيب بمي ساخن،ايديه أنتهوا،جانوا يتعمدون يعذبوني بأيديه حتى أشوفهم وأبجي واتأذى أكثر،بمرة منهن المرّية جانت موجود ورفضت أكل مدت أيدها تضربني جانت بيدها خواتم خشنة وتأذي،الأثار الي بركبتي وشوية من وجهي بسببها،قبس انيي..
جانت دا تحجي ودموعها تنزل وتتنفس بقوة،منفعلة مع الشي الي دا تذكره،حسيتها راح تنتهي وجهها صار أصفر،سكتتها بس كامت تسعل بقوة وكعت كَلبي عليها،خفت لا صارلها شي،وشكد حاولت اضرب على ظهرها واهديها وميفيد دا تزيد اكثر،طلعت اركض دكيت الباب على سيف طلعلي ركض من دكة الباب القوية
قبس: سييف الحككك
رحنا اثنينا وجانت بعدها منظر قااسي،حسيتها راح ..راح تموت على الشي الي جان ظاهر عليها فزيت على صوت سيف وهو يصرخ علّية
سيف: قبسس جهاز التنفس بسرعة
قبس: ...
سيف: قبسس!!!!
قبس: هااا،اي اي
جبته واجيت انطيهاياه ورجع رأسها على المخدة شوية احس هدأت،جر ايدي وطلعني برا الغُرفة وانفجر بيّا
سيف: انتِ منو سمحلج تبقين يمها ؟؟ اني انطيتها الاكل وطلعت ليش بقييتي يمهااا !!!!
قبس: اسمعني،خل احجيلك اني بس ردت أعرف ليش هي اختفت ولهذ...مخلاني اكمل كلامي واحسه بالكوة لازم اعصابه ولو هو دا ينفجر بيا اصلا
سيف:وشلج علاااقة !! اني نبهت وكلت محد يسألها بحرف،نبهت لو لا !!!!!
جاوبينيي قبس!!!
اي نبهت
لعد ليش كسرتي كلامي !!! من اليوم ورايح محد يحاجيها بخصوص بهذا الموضوع !! واني نبهتج وللمرة الثانية،أياج يا قبس اسمع سأء حالها بسببج ..أياج !!!!
باوعت عليه والدموع بعيوني،صحيح هو أبن عمي بس مو من حقه ينفجر بوجهي بهالشكل،اني مجانت نيتي سيئة،بس جنت اريد اعرف ليش صار هذا الشي
تركني وراح لغُرفتها،ونزلت جوا واني قاسمة قسم هاهية اترك البيت وأمشي لبيت أهلي ..