ما لم يكُن بالقلب عليم

البارت 19

البارت 19

هم ضربت عيني على شي اعرفه كلش زين !! على الخزانة بصف سريره جانت
شاف نظري بإتجاه الخزانة حسيته تلبك هو وتوتر اكثر قاطع التفكير وكال
سيف:روحي تاخرتي،وماريا هسة تلم الكزاز
نور: اني ..دا اكمل وسمعت صوت قبس تصيحني طلعت من الغُرفة وكُليّ مصدومة ومُتفاجئة،معقولة !!!!
نزلت جوا عليهم وبالي مشغول وهن كل وحدة دا تشتغل بشغلة اني هم ساعدتهن بس السالفة ما راحت من بالي،زين ليش هو ما كالي؟
صارت الدنيا تكسرّنا من التعب،لحكنا نخلص بقُدرة قادر،الاكل جابوه من برا ماكو وحدة بيها توكف تسوي أكل،كملنا الاكل هم وصعدت اخابر ريام ما كالتلي انه هي وغيث حددوا الخطوبة،بس رحت نمت بالبداية
صايرة بس انام هالايام ! كعدت صوت جهال مسرة فوك راسي ينطزون
نور:سليم عفية اهدأ اريد انام
سليم:كومي خالة اشوفج هدومي
نور:بعيني بس بعدين سد الباب وراك
سليم:لا الا هسة تكومين وصعد على السرير وينطز جبرني اكوم وشوفني هدومه وبعدين طلع بس بعديش،راحت النومة،دا اكوم وتذكرت !! لا يا ربي شوكت الحككك !!!! تذكرت عندي امتحان والمادة ثلاثة ملازم شلون نسيت !!! كمت بسرعة حتى منامي ما رتبته ولا شعري راساً فتحت الملازم وكعدت اصفن بيهن

ريام: مرت الايام بسرعة واهلي عرفوا بموعد الخطوبة وبدوا يجهزون وامي وبيبية غيث وغيث راح يجون وياي للذهب،اجانا غيث من الصبح واني كملت هم اول ما شافني ابتسم،عيونه جانت كافية تحجي كُلّ شي،وصلنا السوك وامي وبيبته حيل متفهمات وما تدخلوا بأي شي هو جان ياخذ رأيي بكل قطعة وعلى هذا الاساس يشتريها،حسيته يريد يشتري كُلّ شي لو بيده،بقت بس الحلقات،واني اصريت نلكى شي مُميز لإثنينا بقينا نفتر وماكو،بقى بس محل واحد رحنا عليه وواخيراً لكيت شي بسيط ونازوك مثل الي ردته،بس غيث طلب منه يحفر اسمي على حلقته من الداخل واسمه بحلقتي ما عرضت اني
هو هم يسوي الشي الي يحبه بخطوبته وفكرته هم حلوة عجبتني
عموماً كملنا كل شي وبالرجعة دا اكعد خلف بيبته كالت
بيبي: لا ريام تعالي كدام
ريام: لا بيبي ميصير هاي مكانج انتِ
بيبي: ميصير تعارضين كلمتي مو صحيح غيث ؟
غيث:اي بيبي صحيح،تعالي ريام اكعُدي
رحت ركبت كدام واني مستحية حيل،هاي اول مرة اركب ويه شاب بصفه يعني،شو طال الطريق؟ مو هذا الي كل مرة نرجع منه استغربت بس محجيت،شغل أُغنية هادئة، جان الطريق إزدحام شوارع بغداد بعد ..
بييبي وامي جانوا ورا ودا يحجون ومشغولين سوا ولا منتبهين،ايدي نزلتها بالغلط وصارت من جهته و بحسن نية،حسيته لزم إيدي بخفة،خجلت باوعتله بتردُد،جان هايم وساهي يمكن لوما الازدحام جان تعرضنا لحادث سمعته همس
غيث:ريام
ريام: نعم
غيث: احد كايلج تحلوين بخجلج !
رفعت عيوني عليه وبِأبتسامة بسيطة وهو شدد قبضته واني استحيت لا بيبي وامي يشوفونا وفجأة مشى السير واضطر يترك إيدي وهو يدندن ويه الاُغنية،وصلنا لببيت وامي سلمت عليهم دا اسد الباب باوعتله وودعته وراحوا ..
غيث:يا الله شكد حلو هالشعور وهي موجودة ! ما ردت أتجرأ اكثر واحجي وياها ازيد لان ادري بعدها ممتعودة وشي غريب ماررّ عليها،وصلتهم للبيت ووصلنا اني وبيبي لبيتنا
قبل ما نفوت كالت
بيبي: شلوني؟
غيث:بستها وكتلها انت اروع بيبي بالعااالم
بيبي:لك لا تتلوك لان خليتك ويه خطيبتك
غيث:هاي شبيج بيبي غير احبج !
بيبي:دمشي امشي اخاف متوهم اني مو ريام لك !!
غيث:بربج شفتيها شكد حلوة !
بيبي:اي شفتها واحلى منك هي همزين قبلت بيك
غيث: هي مال حلوة اي حلوة وهواي هم أمنا بالله بس اني هم البنات يتكاتلن عليّة عمي باعي شحلاتني
بيبي:امشي طب،عينك طالعة من خطبت
طبينا وشفته لابوية كاعد على الكُرسي اجتني من الله حتى اطرح عليه موضوع القرض والعزل
غيث: السلام عليكم،شلونك يابة
عطالله:عليكم السلام تعالي ولدي اكعد شو ماكو
غيث:والله يابة هواي مشغول وتدري الخطوبة قربت
عطاللة: جنتي من هسة اخذتك يول !
غيث: ضحكت وياه كتله لا يابة ما عاش الي ياخذني منك بس تدري بامي وخواتي ماكو ولازم واحد من عائلتي وياها بيوم الذهب فرحت اني اعوضها
عطاللة: اووف ! موضوع امك حيرني ومدا اكدر اعرف شون اتصرف وياها حتى وياي خد وعين تحجي ومعارك كل يوم طفرت من عدها
غيث: يابة عندي حل،اريد اعزل ! سيف يكدر يدبرلي قرض مال بناء وابدي بالبيت حتى لو مو كامل المواصفات المهم لوحدي لان تدري بامي وميساء
عطاللة:فكرة ممتازة واني عندي ارض بس مو جبيرة 150 متر تكدر تبنيها وما اريد حكها انت ابني واني انطيكياها واساعدك بشكم فلس وانت شغلك والقرض يساعدنك هم لان اني وانت نعرف طبيعة امي واختك مستحيل يقبلن وحتى اذا قبلن راح يحولن حياتك لانتقام انت ومرتك،فاعزل عنهن تجنبا للمشاكل والارض مو بعيدة عن بعد منطقتين من هنانة
غيث:شُكرًا يابة،لولاك ما اعرف شجان سويت لوحدي
عطاللة:بالمقابل استعجل اريد حفيد
غيث:ضحكت وكتله تدلل يابة خل تفض كل هالسوالف والله كريم ..تنفست براحة الحمدلله بدت تنحل