البارت 26
جانت مغمضة عيونها والاجهزة حولها كعدت بصفها على الكرسي وقريب عليها،حسيت عيوني مرمشت ! اريد اصدك هي رجعت !! اخاف اغمض لا يطلع حلم وافز منه ! نزل نظري على اطراف اصابعها الي متسربة من الباندج لمستها بهدوء وبأيدي الثانية لمست ملامحها الناعمة وعيونها ! ..عيونها الغركن الماهر !!ةكل هذا وهي بعدها ما رجعت لوعيها ولا حاسة بشي تقربت بإتجاهها اكثر واني مركز عليها تمنيت ولو لِلحظة تكون بوعيها حتى اكوللها عن مقدار الي مخبى بكَلبي الها ! غمضت عيوني و همست بصوت قريب منها
"اشتاقيتلج" وايدي متشابكة مع ايدها
يا الله على عمق الامنية وعمق المستحييل !!
فتحت عيونها ولمحت قطرات دموع تنزل من عيونها
فز كَلبي بلهفة !!
بس !
جانت بعدها مغمضة عيونها ومتسمعني،حطيت ايدي على راسها وبديت اقرأ أيات قُربها،مضت دقايق وحسيت على حركة ايدها وهي بين ايدي،مسحت على وجهها بهدوء،شفتها بدت تتحرك بِبُطء،من باب الغُرفة صحت غيث حتى يصيح الدكتور،ورا خمسة دقائق اجا الدكتور وشافها كامت تسعل بقوة
غيث: دكتور،ليش؟؟
الدكتور: اطمئنوا،ماكو شي هذا شي طبيعي واني فحصت تنفسها ورئتها شفناها من سوت المفراس ماكو شي خطير
هي هسة استعادت وعيها بس على كيفكم وياها
سيف: دكتور نكدر نطلعها ؟
الدكتور: تعتمد على حالتها من تصحى بالكامل واذا لا سامح الله مكدرت تتنفس او جروحها تأذت ازيد لازم تبقى..عندها العافية
راح الدكتور وخلاها يمنا بعد ما رجع راسها للخلف باوعت عليها جانت تفتح عيونها بِبُطء هواي ومحجت حرف واحد،جنت متوتر ومتردد ما بيدي شي اكدر اقدمه،حسيت ايد غيث على ايدي
عندي عادة من تتوتر اعصابي اكور قبضة ايدي
غيث همسلي أهدء !
مباوعت عليه بس كال بصوت مسموع اني طالع برا اخابر بيبي وقبس واطمئنهم على نور
هزيت راسي اله بمعنى اي
طلع هو وخطيت خطواتين باتجاهها وكعدت بمكاني على الكرسي وهي احسها فاصلة عن الدنيا
قطعت السكوت بيناتنا و حجيت بهدوء
سيف: شلونج ؟ حجيت هيج وحسيتها مع صوتي بدت تستعيد نفسها رفعت راسها على كيفها وباوعتلي بتعب وبنظرة معرفت شفسرها !! حطت راسها على المُخدة وهي تباوعلي وعيونها يادوب فاتحتهن
تجرأت ومديت ايدي لايدها وكلتلها شلونج نور ؟
محجت شي ابد ولا اوحت بحركة بس لمحت دموع خفيفة نازلت من عيونها مع سؤالي ورجعت غمضت عيونها
دموعها حركتني،وسلبتني كُل القوة الي جنت متمسك بيها للرُمق الاخير،حسيت بالتعب الي هي حاسته وبالوجع ااي دا اتعيشه وبالحالة المُزرية الي جانت بيها،بدون تردُد محيت دموعها واثرهن جانت بعدها مغمضة،مترددت واني اقترب منها وطبعت قُبلة خوف وحرص وأمان على جبينها
أعترف اني انسان صعب ومجنت اعرف اني الي حسوي هيج تصرُف ويه بنية،جانت المرة الأولى بحياتي والمرة الأولى لهدرجة تكون هي قريبة مني
يمكن كل الي ردت انطيه هو الأمان ! خوفها وملامحها المُرتعبة،وسكوتها صعبيين !! صعبين اتحملهن !!
جنت اني نفسي منعجب من نفسي واني اخر مرة سويت هيج تصرف جان ويه أُمي بس ! كبرت وما سمحت لشخص يقترب مني حتى بيبي
تفكيري جان مشوش بشكل ومكدرت انيز شداسوي سويت الي كَلبي أمر بيه وبس ..
رجعت نظري عليها شفتها بدون ردة فعل بس دا تباوع وبدخلة غيث لكيتها حجة
طلعت من الغُرفة وهو بقى يمهاا
غيث:بلغت البيت كله وحيجون بعد شوية طبيت على نور شفتها شوية شوية بدت ترجع
غيث: الحمدُلله على سلامتج نور
وابتسمت بوجهها بس هي ما ردت مجرد باوعتلي بهدوء،مرجعت اسأل خفت عليها صحتها مو تمام رجعت اسولفلها وكعدت على الكرسي وبديت احجيي
انت تدرين شكد خفنا علييج !!لج بيبي خبصت الدنيا ومخلت واحد ما سمعها بالمستشفى وتكول متحلفة بيها خل بس ترجعلي،والا ريام يبوو !! ما احجيلج
تدرين مرات اتندم ارتبطت بريام لج فد عندها نك !! تظل تنك على راس الواحد ومن رحتي بعد ازيد
وقبس تدرين بيها أُم هيّو وتريد بس تضحك وتنكت وجنتي انت تتحمليها ومن رحتي عبالك ام وفقدت ابنها معدها احد يسمعها وهمزين احمد متحملها تدرين ؟ صرت ادعيله الله يصبره على قبس،اما ذاك المليق سيف ما احجيلج من رحتي ما عنده واحد بس يشوفه ينفجر بيه ويتحجج عليه مثلج ومن رحتي كام يهدأ يمكن صحيح جنتي تثيرين الاضطرابات انتِ ؟!! لا وتدرين شنو؟ براسي كام يتفرغ حسباله اني نور اتجاهله وما اردله
حجيت كل هذا الحجي بس اريد اغيرلها التفاصيل الي جانت عايشة بيها،اريدها بس تنطي ردة فعل وهي ابد،شكد حجيت وردتها بس تبتسم بس هي ملامحها جانت خالية وباردة واني هم سكتت
بعد شوية سمعت صوت بيبي من الممر طبوا هي وعمة وريام وقبس،بيبي اجتي بسرعة وحضنتها وهي تبجيي وتنحب وعمة نفس الحااالة
عمة: شلونج بنتيي؟؟
بيبي: شكد اشتاقيتلج شلون اختفيتي،حركَتي كَلبي عليج بعد أُمج
قبس: بيبي كاافي لا يصيرلج شي
كعدت بيبي بصفها لنور على السرير وانصدمت من شافت ايديها متأذيات بهالشكل وكامت تزيد بالبجي
بالكوة جروها قبس وعمة حتى هدأت كل هذا ونور بدون ردة فعل بس تصفن،كلمة وحدة مكالت !
ريام بقت بالاخير وتقربت خطوة خطوة عليها
ريام: شلوونج نور ؟؟ نور مباوعتلها حتى،التفتتلي كانه دا تكليلي شبيهاا ليش هيج ؟ بس اشرتلها تسكت لا تحجي شي كدام بيبي وهي افتهمت
رجعت حضنتها بقووة وما ادري،شهمست بأذنها وابتعدت عنها
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
