بارت 31
دا اطلع بس لزم ايدي وقربني اله وكال
بس شُكرًا ما تكفي !
نزلت نظري وشتته لبقية ارجاء الغرفة وكتله لعد ؟
جاوبني وكال جزاتي تكون شي أثمن ..
باوعتله بتردد وخوف من قربه ومن شعوري وخوفي من شعوري بحضرة وجوده،حسيت كل شي بيا دا ينبض بقوة،كل شي بيا مو طبيعي ..مو طبيعي بقربه
باوعتله بتردد وكتله شتقصد؟
ميل نفسهُ تجاهي وصار أقرب،غمضت عيوني اريد استجمع قوة حتى أهرب من يمه بس وين ؟ قبضته على ايدي جداً قوية وما كدرت أفلتها
فتحت عيوني جان قريب بس ساكت محجى ولا حرف واحد وأنفاسهُ وعطرهُ يلفح لفح،حاوطت انامله ملامحي بهدوء اريد اكوله اريد اطلع،عوفني بس مكدرت،كل الاحرف تبعثرت وترجيتها تنجمع وتطلع ولو بكلمة ..بس خانتني فزيت من تفكيري عليه ! طبعا قُبلة بسيطة على خدي بقيت فاتحة عيوني من الصدمة !!!
ايده رخت من ايدي راسًا دفعته ورجعت ليورا وهو جان مكتفي بس يباوعلي،متجرأت اكله ليش سويت هشكل؟ طلعت من غُرفته واحس رجلّية ما تعيّني بعد بس وصلت غرفتي حطيت ايدي على وجهي وايد على كَلبي بسس كافي تنبض بقوة واني اتذكر ذيج اللحظة،يمكن تكون لحظة لطيفة بحياة أي بنت الا أني،اعتبرتها أشارة لحياة جديدة إلي
رجعت راسي على المخدة وبس الي دا اذكره موقفه كَبل شوية اخر شي ردت ابجي اريد اشيله من تفكيريي ما اريده يسيطر كااافييي،اني مستحيل اخلي شي يتطورر بعد اي مستحييل مسحت دموعي واني اقنع بنفسي بالكوة اجيت اخابرها لريام بس شكوللها ؟ اكوللها راح اموت اني لانه سوا هيج هو ؟
اني من نفسي استحيت اكوللها على هذا الموضوع سديت الموبايل وسكتتت رجعت للملازم المنثورة بكل مكان جمعتهن وكعدت ادرس بس ابدد مدا يفيد ابدد اني مدا اكدر انسى شي يارب رحمتتك
كعدت الصبح وتحت عيوني سواد لانه منايمة هواي بس كعدت وانر مقررة قرار نهائي وما اتراجع عنه،نزلت اكلت بسرعة وكملت وصعدت فوك
عُمَر: من حولت دراستي لكردستان لكيت شغل بشركة اهلية وتعيينت بيها بشهادة السادس لانه الجامعة بعدها ما خلصتها،ولكيت شقة هم ويه ولد صاحبي كردي بس عايش ببغداد جان وقدم لجامعة دهوك وعايشيت سوا ومرتاح بس اني هاي السنة الاخير وبلكت الكى شقة منفردة لوحدي لان مترهم ابقى وياه بعد،اهلي كل شهر ونص انزل عليهم ببغداد وابقى وياهم بس ذاك اليوم خابرني سيف وغيث وحجولي على ميساء انصدمت لعد شجنا نحوي نماذج بالبييت !!! ومحد وكع بيها غير نور خطية،موضوع ريام شلته من دماغي تقريبًا واصلا ممفكر بغيرها ابد،هاهية،شلت غراضي وودعت سمير الي وياي بالشقة اليوم انزل على اهليي
اول موصلت الباب استقبلتني اميي وبيبي،وابوية جان بالشغل بعد شوية اجا وسيف هم راجع لدوامه وملتهي بالظهريات اجا سيف
عمر: لك وينك صارلي شكد منتظرك
سيف: مو تدري انت الشركة صايرة سوك هرج رحت ارتب شوية وحسن ميكدر على كل شي لوحده
تعال اكعدد شوكت اجيت انت؟
عمر: كبل شوية يمكن كبل ساعة ونص هييج
سيف: لعد خابر ذاك وخل يحضر نفسه اليوم بليل نطلع ثلاثتنا وويانا قتيبة ويونس
عمر: اي والله صار شكد ما مجموعين احنا الثلاثة
بيبي: سيف ماكو طلعة اذا ما تكعدون ثلاثتكم ادري شوكت نشوفكم شو اربعة وعشرين ساعة كل واحد مهفوف بجهة
عمر: بيبي عفية تشوفينا شنو قابل احنا جهال
سيف: اسكتت انت،بيبي ميخالف باجر حضروا نفسكم كلنا نطلع نروح للمول او شوف اي مكان تعجبكم
عمة:بيبتك قافلة متقبل تطلع ابد وبعدين نور ما تطلع امتحاناتها قربت حيل حتى كلتلها تعالي ننزل للسوك اليوم بس ما قبلت
سيف: بيببي راح تجيي اكيد مو بيبي؟ ونور اني اكوللها
عمر: لك اي صحيح وينها هاي ؟ معقولة ما سمعت صوتيي لحد الان !! لج نوررر
بيبي: غييث لا تصيح وترج البيت روح عليها بنفسك
عمر: لا خليها هسة هي تنزل
عمة سلمى : عمر خابر ابوك وخابر غيث خل يجون هسة على الاكل راح نصب !
.......
عمر: يمة ابوية يكول عندي شغل ما اجي وغيث يكول بالطريق اني،انتِ صبي وهو راح يوصل
لعد كوم صيح نور،خل تجي
اي هسة
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
