البارت 42
فقدت السيطرة على دموعي وعيوني صارت
تلمع من الدموع المتجمعة..مكدىت ابرر اله
ولا اثبت هم افتروا علّية الي كدرته بس اعيش
شعور الخذلان ..هو خذلني ووكف وياهم وما حاول
حتى يصدك بيا ويسمعني ! راسًا اتهمني بأسوء
تهمة ..اردف وكال متحجين ؟
ميحتاج ابرر..يلي ثقته منتهية بشخص..فحتى لو حجى هذا الشخص محد راح يصدكه ..
بس كتله هيج وعى على نفسه وعلى ايده
الي لازمه ايدي وحسيت عظامي راح تطك
من قوة اللزمة ..دفعني وكال مشمئز منج ..
طلع وسد الباب بقوته
جملته الاخيرة هدت كل قواي متحملت اوكف
بعد،دموعي اطلقتها الها العنان وبكل
دمعة تفصح عن الانكسار الي دا احسه ..
بعمري ما توقعت لهدرجة راح توصل بيه ويجرحني !
كلشي بيا تعبااان..تعبان حييل
فزيت على صوت الموبايل سحبته وسمعت
الكلمة الي جانت الضربة القاضية الي ..
_ريام دا تموت ..
سمعت هيج فز كلبي وكفت على حيلي وبجنون
كتله وييييين انتوووا
بمستشفى ..
جاوبني غيث وصوته مبحوح ووضعيته تعيسسة
بشكل واني حسيت نفسي راح ابجي من خوفي عليها ما همني وضعي ولا شنو مريت بيه قبل
اجيت اطلع بس تذكرت الدنيا ليييل وين اطلع لوحدي وسيف مستحيل يرد على اتصالاتي اتصلت على عمر وكلي راح يجيني برا
نبشت الهدوم بشكل مخربط ولبست عباية على السريع اجتي كبالي واخذت موبايلي وطلعت
واني الهث من الخوف ..ما ادري شنو المشاعر
ااي انجمعت بذاك اليوم بس حييييل مخربطة
ومدا اكدر اخلل اي وافسر اي شيء
ركبت السيارة وياه وعنر ياكت محجى شي الى ان قطعت السكوت وكتله
خالي وبيبي وينهم
بالمستشفى ..غيث خابرهم وراحوا سبقوني
بس امي بقت لان الضغط مرتفع عدها حييل
شصارلها عمر ؟
ما ادري فجأة غيث خابرنا كال تعالوا بسرعة
وصوته جان مرعوب ومقبل يحجيلنا بالتفصيل حتى
سكتت وانتظرت بس نصل
وصلنا واركض اني بين الطوابق وعمر وياي
سألنا الاستعلام ودلونا من بعيد لمحتهم بيبي
وغيث يمه ركضت بسرعة عليهم او ما شفت بيبي حضنتها حييييل وجانت الدموع بعيونها
وخالي كاعد يم غيث ..غيث كاعد على المسطبة وحاطط ايديه على عيونه وظهره منحني
تقربت عليه حطيت ايدي على كتفه على الخفيف
سمع صوتي باوعلي ..
جانت نظراته حيييل مكسورة ..ولونا عيب بنص المستشفى الا جانت دموعه نزلت ..بعمري متوقعت غيث يجي يوم واشوفه مكسور هالدرجة !
نور: غيث اسمعني ..
مخلاني اكمل وكال : ما اريد اي شي ..اريدها هي بس
نور: ومنو كالك مترجع ؟ بس باوع وحط عينك بعين رب العالمين وصدك راح ترجع
ريام قوية واعرفها تحااارب دائما ما راح تخسرها
غيث: هالمرة غير شي نور ..حجاها من بين اسنانه وبهدوء تاااااام عكس عيونه وكَلبه الي يسألون على شخص واحد بس ..وهو ريام
اومت براسي اله مكدرت احجي ازيد اني نفسي ميتة من نفسي عليها شلون اكدر اصبر غيري واقنعه !
ركت يم ببببي وكعدت يمها
نور: بيبي احجيلي الله يخليج
شلون صار هيج وشبيها مدخليها عملية؟
مجاوبتني بيبي وكامت تبجي متحملت ابد هذا
المنظر نزلت دموعي وياها بس مسحتهم بسرعة
واردفت : بيبي الله يخليج اذا مو لخاطري لخاطر غيث
غيث مكسور ومن يشوفج انت مكسورة وياه يضعف اكثر ..
بيبي: خسرت ابنها نور !
نور: شنووو !!!!
بيبي: خابرنا غيث ومقبل يحجي شي اجينا مستعجلين طببوها للعملية وطلعت الدكتورة كالت
الطفل ميت من اول ما وكعت
نور: بيبي وكعت شنو وشوكت ؟
بيبي: ريام وكعت من الدرج والطفل مات قبل ما تصل للمستشفى وهي حالتها خطرة
والدكتورة كالت عدها أذكى جبير براسها ورحمها تأذى هم حييل ويمكن ..يمكن متكدر تحمل بعد
غمضت عيوني وحطيت ايديه على عيوني
يالله شنو هالاختبار الصعب ! ريام فقدت طفلها ومتكدر تحمل بعد ! شنو راح يكون ردة فعلها من ترجع شون راح تتحمل
نزلت دموعي وما اكدر بعد اسيطر عليها ووبيبي يمي ودمعتها هم بعينها وغيث ..غيث المكسور المنحني
غيث الي كلمة وحدة بس راح تحييه وترجعه
كَلبي والساني وروحي كلها تلهج بالدُعاء
القرأن الكريم أحس ختمته على كد ما قريت
مرت اصعب ساعات حياتي ..ورا ساعة وربع طلعت دكتورة ووياها ممرضتين جان وجهها مخطوف
هجمنا كلنا عليها بوكت واحد بس نريد
نعرفها شلونها ريام وغيث اول واحد راح عليها يركض ..
غيث: دكتورة شلون صارت ؟؟؟
الدكتورة: الحمدلله كدرنا نسد الجروح الي
براسها وبقية جسمها بس للاسف الطفل كلتلكم راح
واحتمال 80% ما راح تكدر تحمل بعد..الوكعة
جانت حييل قوية لدرجة رجلها شبه انكسرت وبنفس
الوكت اثر على منطقة الرحم حيل ..
غيث: بس كوليلي صحتت ؟؟ اريد اشوفها
الدكتورة : اي تكدر بس خلي ينقلوها لغرفتها
وممنوع اكثر من ثلاثة بس يفوتون الها
وممنوع الضغط عليها راح تكعد ومو واعية حيل وحسب طفلها كل الي يصيرون بهذا الموقف
من يفزون يعتقدون بعدهن حوامل
نور: خالي تشكر منها وراحت باوعت لببيبي رجعت تبجي مرة ثانية وغيث الي فقد الأمل ما ادري بمنو اداوي وبمنو اسند
ورا شوية كالوا تعالوا تكدرون تشوفونها
طب غيث واني وبيبي وعمر وخالي بقوا برا
جانت نايمة كعد غيث يم راسها ولازم ايدها
جنت اباوع عليها وتحترك روحي
كصتها مفتوحة وعليها الشاش ورجلها مجبرّة
وضعيتها تبجي الحجر
ورا ربع ساعة فزت هيدي هيدي وفتحت عيونها بتعب
رحت يمها باستعجال لزمت ايدها الثانية وابتسم بوجهاا غيث ما صدك انحنى يطبع بوساته على راسها
وشعرها وهو يهمسلها ما صدك ترجعله
فتخت عيونها اكثرواكثر رادت تتعدل خليت المخدات جوا راسها ابتسمتلي وتحمدلتها وبيبي هم
جوا عيونها اسود ليل ووجهها مخطوف حيل
باوعت لغيث وبتعب وصوت ناصي كالتله
غيث جيبلي علاجي لا يأثر على الطفل ..
كالت هاي الجملة وغيث عيونه تلمع والدموع بعيونه
كررت جملته هالمرة حست اكو شي باوعتلي بتردد
ريام: نور غيث ليش ما يرد ؟
نور: حبيبي ارتاحي هسة جان خايف عليج
ريام: اي بس ناوشيني الدوا عفية
نور: ريام،الدكتورة كالت ميصير اي علاج تاخذ لان حالتها منستقرة،فارتاحي
ريام: شنو هالحجي جيبي العلاج طفلي لا يتأذى
نور: ريام،كافي..تمددي ونامي
تقربت منها وهي صافنة بوجهي مديت ايدي على مخدتها ازمت ايدي وباوعتلب بنظرة مستحييييل انساها
باوعتلي بنظرة باردة ومتخوفة وجنها تأكدت مني شي من بين اسنانها كالتلي
ريام: ابني وييينه ؟؟
صفنت بوجهها شكوللها ؟
كررت جوابها والدموع بدت تلالي بعيونها يمكن عرفت !! صرخت بوكلتلي نور ابنيييي وينه !!!!!
نزلت تبونب عنها مكدرت احجي اكوللها ابنج مات ؟
مستحيييل ما اكدر ما عندي هاي الجرأءة اواجهها بهذا الشي ابد ..بس بعدت نظري عنها تركت ايدي وصرخت بكل قوووووتها صدمتنا كلنا
كامت تصرخ ودموعها تنزلل بشكل فظييييع
غيث من حهة يجرها ويحاول يهدينا وهي تضرب بييه وتضرب بيه متقبل تهدأ وتصرخ ابني وابني
وعيونها احس يطلع منهن نار مو دموع تبجي بحرقة وقهر وكَلب أم محروك على أبنها
وبببي تحاول وياها وهي ما تقبل تستجيب بس تضرب ايديها بالسرير وتضرب نفسها وتسحب شعرها
حسيتها تهسترت خلص
خالي من برا سمع راح صاح الدكتورة والممرضات
اجوي ضربوها ابراة مُهدئ بالكوة رجعت نامت
الدمتورة كالت كلتلكم راح تدخل بصدمة وخالة هستيرية عموماً ضربناها الابرة والخروج مو معلوم شوكت لان حالتها صعبة
تشكر منها عمر وراحت
اني لكيت كرسي بعيد كعدت عليه والف فكرة بدماغي وكَلبي محروك على ريام ..
اجا ببالي سيف الي لا بين ولا ظهر،معقولة ما عرف من غيث !
هجمت الموبايل بالاتصالات عليه ويطلع مغلق ..
صارت ساعة 1 ونص يمكن بليل خالي كال ميصير كبنا نبات بالمستشفى وبيبي كالت اني ابات
بس غيث مقبل كال كلكم ترجعون واني ابقى والصبح انطي خبر لامها لريام تجي هي وخواتها
اني رفضت رفض قاطع مستحيل اعوفها
عمر كال امشي جيبي هدوم من بيتج وغسلي وارجعج حتى لو ساعة 2 بليل وفعلا رحت للبيت جبت هدوم الي ولريام بجنطة وشوية اكل سويت خفيف ومناشف وهالامور انتظرت نص ساعة واجا عمر رجعني للمستشفى وبقى
كال ابقى وياج لان سيف مموجود
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
