ما لم يكُن بالقلب عليم

البارت 24

البارت 24

كلما فقدت احد،عد اله نجوم بقدر شوقك" فتحت عيوني بتثاقُل رفعت ايدي بهدوء وبديت اعد نجمة نجمة،بكل نجمة اعدها اتذكر صوت نور وشكلها
اتذكرها كُلّها،بكل نجمة اعدها اتذكر كل موقف صار وياها،اتذكر ضحكتها وغضبها،وخجلها،ونظرتها،بكل نجمة اشوف صورتها هي مو نجمة خالية فقط ! لهدرجة مطبوعة بداخلي !
فزيت من سطوة افكاري على موبايلي وهو يدك جان عُمَر
عُمَر: سيف وينك،بيبي خبصتنا عليك
سيف: لا تخاف ماكو شي
عمر:سيف بيبي تعرفها بسرعة تنغث والبيت اصلا مشحون على نور تعال لا تزيد الوضع
سيف: مرتاح هيج
عمر:ليشش مدا تفهم ؟ لك احنا مبينا نتحمل مصيبة ثانية ابوية بالفراش ونور مفقودة وانت بعيد افهم !!!
سيف: جاي
سديته منه واني تعبااان على كد ما تحتوي الكلمة تعبااان،مالي خلك ولا طاقة اناقش،رجعت للسيارة
دا اسوق وتذكرتها مرة ثانية،مرة ثانية؟ ليش شوكت طلعت من بالي اصلا ! تذكرت باول يوم سادس الها كان موعد المحاضرة واول يوم كَلبي يتنبه الها ولصوتها وهي تضحك،كضيت طفولتي وياها بس هي راااحت من اول مبدينا نكبر،واليوم للمرة الثانية راحت وعافتني من جديد ! سقت واني بالي ابد مو يم الشارع،بقدرة قادر وصلت البيت
اول مطبيت عمر وغيث استلموني وين جنت وليش تأخرت صارت عدهم رررهبة من بعد حادثة نور
راسا رحت للغُرفة محجيت ويه بشر،احس جسمي مكسرر،اريد اناام صار اسبوع نايم شكم دقيقة بس !!

قبس : من اجا سيف جنت واكفة بالمطبخ دا احجي ويه احمد"خطيبي" واحمد يعرف سيف والعائلة كلها فمقدر وضعي ودا اشكيله همي وهو حيييل متفهم ويحبني هواي وهو طالب وياي بعده بالكلية بكلية الهندسة ودا يكلي على المحاضرات والكويزز الي فاتني،من طب سيف استأذنت منه،جنا صابين الاكل ومخلصين بس كالعادة محد اكل شي من غياب نور الكل نفسه مسدودة وروحه طالعة
صبيت كمية زينة بصينية ورحت لغرفته،بقيت ادك الباب مااكو،غرريب !! وين راح !!
لمحته من الشباك جان كاعد بالحديقة والجكارة بيده
قبس: سيف ؟ مجاوبني ولا باوعلي حتى،رحت عليه صرت كدامه
قبس : مشتاقلها ؟
كلت هالجملة وحسيت عيونه تحركت بِبُطء باوعلي ووجهه شاحب،صار شكد ما مأكل حتى،ياكل لكمتين على السريع ويكوم
قبس: سيف جاوبني !!
جاوبني بهدوء وكال
سيف: قبس راسي راح ينفجر، مد احس بشي،اني كل يوم اتعذب،كل يوووم "شدد على هاي الجُملة"
قبس: كلي شبيك؟ ليش تتعذب
سيف: انا بسببي الي صار،شلون محسيت،شلون !!! صار اسبوع كامل مغفت عيني ساعة كاملة،بكل مرة اغفى صورتها تنرسم كدامي وافز بلهفتي عسى ولعل تطلع حقيقة !!! اني خنت الامانة ومكدرت احافظ عليها وعلى سلامتها،هي اختفتت من جديد،بس هالمرة للابد !
قبس: سيف باوعلي واترك الجكاير دمرتك،خلصت باكيتين باليوم،شبييك !!!! باوع على وجهك تعبان حيل
دفع ايدي بقوة وكال : وشترديين اسووي هاا !!!! اني حتى ما اعرف وينها ما اعرف شدا يصير بيها ما اعرف شدا تتعرض وشدا تعاني،لج متدرين شكد كَلبي منتهي !!! العجز الي يحس بيه الرجل حيل جبير وقاسي ! مخليت شارع وفرع يعتب عليية ولحد الان ماكو !!
قبس: بس اسمعني هي بحاجتك هسة،بحاجة دعائك ادري انت دا تحس بعجز انه مو متكدر تساعدها بس هيج تصرفات راح تضرك وتضرها
احنا لازم نعرف منو وشلون هي طلعت لازم
حط ايده على راسه وفرك وجهه وكال سيف: اني شلون نسسيت !!! الكاميرات بكل زاوية بالبيت منتشرة تعاالي
رحنا على الكاميرات طفينا المرتقبة ورجعنا التصوير الى كَبل اسبوع بقينا نركز بالتفصيييل
قبس: سسيف باااوع
وسع عيونه اكثر وشد انتباهه، وكال هاي هنا جبتها اني وبعدها تغدينا سوا وهاي جانت اخر مرة شفتها
قبس: مشي المقطع عشرة دقائق،مّشى المقطع مثل مكتله عشرة دقائق بس فجأة سودت الشاشة وانكطع للتصوير وتلقائيا حول التصوير على اليوم الي بعده
قبس: سيييف شفتتت !!!!!!
سيف: التصوير انكطع من بعد الغدا بعشرة دقائق يعني اكو شي غريب !!
قبس: اخاف انكطع الكهرب بوكتها !
سيف: الكاميرة مو بس على الكهرباء هي مشددوة على بطارية يعني متطفى ابد،شلون طفت فجأة !!
زين اكو شي غريب اني من نمت نمت نومة عمييقة ومكعدت الا بعد خمسة ساعات تقريباً وبعدها بيوم لمحت اسوارها بغرفتي !!
قبس: مدا افهم عليك شي فهمنييي !!!! دا احس الموضوع تعقد اكثر
سيف: يعني هي جانت يمي والا شجاب اسوارها بغرفتي ! زين ليش اجتي لغرفتي اصلا واني شفتها راحت لغرفتها بالبداية !!!
قبس : باوع يمكن ... دا اكمل الجملة واجا غيث يلهث من السرُعة
غيث: سييف باووع..اخذ الموبايل من ايد غيث وتغيرت ملامح وجههُ رأسًا
قبس: شكو؟؟ مديت راسي على الموبايل جانت رسالة مرفق بيها صورة بس هي اي صورة !!!! جانت صورة مقرفة بشكل وحييل قاسية لشخص ايديه بس دم مدا يبين غير شي ! ومكتوب جوا الرسالة " للترفيه"
جانت الكلمة مُستفزة اكثر من الصورة ومبينة متقصدة محسيت الا على صوت الموبايل سيف ركعه بالارض
سيف: الحقييير !!! شلوون شلوون !!!!
غيث راح شال الموبايل ورجعه لوضعه ورجع فتح الرسالة،
سيف: قريت الرسالة وركزت بالصورة واني احس جسمي كزبر من منظر الصورة،الصورة قوووية وقاسية حييييل،قربت الصورة وحسيت صخرة بثكلها وكعت علّية قربتها اكثر جانت الصورة لبنية عرفتها بس كلها متعذبة ودم بوحدة من الاصابع جان المحبس صغير حيييل نيلي ..استرجعت ذاكررتي لقبل 15 سنة ،شفت نفسها المرية الي حضرت جنازتها
نفسها هي جانت نور بحضنها وتناغيلها، جنت جاي ارجع الطوبة الي طلعت برا وكت جنا نلعب اني نور،شفتها بحضنها وطلعت الها خاتم جنت اشوفه محلو وازعجها بيه بس هي محتفظة بيه والى وكت ما راحت هي واني جنت اشوفها دائما لابسته وبايدها
رجعت للحاضر واني كَلبي يدك بقوة وخوف اعترف ثاني مرة اخااف،ثاني مرة اجرب شعور الفقد بعد جنازة ابوية كدامي،واليوم نفس الوضع ونفس الحالة بس العذاب حييل قاسي !!!!
كعدت على الجرباية واحس شريط حياتي مرّ كدامي وانفصلت عن العالم الخارجي جسيت على غيث يجرني من ايدي
غيث: سيف شوف ميصير نستسلم لازم نلكاها وهاي الرسالة دليل حيل قوي
غيث: اسمعوني،هاي الصورة ما تصل لبشر ابد ! احنا الثلاثة بس ندري بيها ومحد يفك حلكه ويحجي بحرف،احنا الثلاثة كلشي منعرف حالنا حال الباقي
قبس: شدا تفكر ؟ وليش منكوللهم بلكي يساعدونا هم
سيف: ديري بالج اعرف حاجية لبشر حتى لبيبي،اني ادري الي دا اسويه كلش زين ..غيث دزلي الرقم بسرعة،الرقم الي ندزت الرسالة منه
غيث: ثوانِ ..دزيته الك هسة
سيف: غيث اريد تذكر باليوم الي انفقدت بيه نور طفى الكهرب او منظومة الكاميرات ؟؟
غيث: دقيقة..باوع هذا الاشعار على النت وصلني ساعة 5:45 دقيقة بنفس ذاك اليوم وجهازي بس على الوايفاي مفتوح يعني يعتمد على الكهرب
سيف: يعني الكهرب مطفى ابد بذاك اليوم ولا ممكن المنظومة تخرب لان لو خربت جان اصلا مطلع بقية التصوير بس هي فجأة طفت وبعد شكم دقيقة رجعت اشتغبت وصورت عادي ! يعني الي لاعب بالكاميرات مُتعمد !!!
قبس: شتقصد ؟
سيف: اقصد ..بعدين
غيث: باجر الصبح عندي حجي وياك تاخر الوكت روح نام وانتِ قبس هم تعبتي هاي صار شكم يوم يمنا روحي ارتاحي
قبس: تصبحون على خير
غيث:وانتِ من اهله
سيف: قبس راحت،شبيك غبث؟
غيث: غيث الموضوع مو هسة ينحجي بيه،بس كلت اكلك اكول لريام ؟
سيف: كوللها هم علاقتهم قوية بس نبه عليها متكول لاعمامها ترا يسون كارثة هسة خل نلكى خيط للقضية وبعدين نكوللهم
غيث: صحيح اني هم كلت هيج يلا لعد اتوكل ..