ريام:اليوم المشية ويطلبوني كلش متوترة وخايفة نور مقبلت تجي كالت عيب وشلون باعتبارها من طرف العريس،اخواني وابوية واعمامي كلهم جوا دا يتفقون مبدئياً سمعت صوت امي تنادي باسمي نزلت جوا بتردُد
دا احجي وسمعت صوت والدي وانصدمت !
جمال:مع احترامي الكم ولجيتكم اني الي سمعته الولد مطرود من بيته !
عطالله:ابو حسين الموضوع مو هيج،غيث ابننا الوحيد شلون ينطرد بس هو هالفترة شغله ويه سيف ابن عمه فكاعد وياه بيت اخوية
جمال:الولد سألنا عليه ومدحوا بيه وبنتنا غالية علينا وصدكني دا انطيك جوهرة متتعوض اريدك تصونها وتطلع من حكَها
غيث: واني كد وعدي الكم،ومقدر حبكم واحترامكم إلي،إن شاء الله اطلع بكد ثقتكم وكريمتكُم بايادي أمينة
حسين: لعد على بركة الله نقرأ الفاتحة ؟
ريام: جنت دا اسمعهم بس نصدمت من موضوع كعدة غيث ! بالاضافة تذكرت بوكت خطبوني مشفت امه او خواته ! بالي انشغل وخفت بس محبيت اكبر الموضوع زايد،يمكن ماكو شي مُجرد ظروف متشابكة باثناء تفكيري سمعت صوتهم وهُم يقرون الفاتحة
تلبكت،تغير شعوري،صرت اتنفس سريع حسيت على صوت اختي وامي وزوجات اعمامي يمي واني خجلانة وهن يباركولي كعدت على صفحة
وكُليّ مشاعر وأحاسيس متناقضة،بدوا يروحون سمعت صوت باب الاستقبال نفتح لمحت ابوية واخواني خجلت اكثر اتجهوا عليّة وبابا حضني بقوة
شكد اثرت بيا هاللحظة ! حسين طبع قُبلة على جبيني وباركلي قاطع الموقف صوت ابوية
جمال:ريام غيث ينتظرج،طلب يحجي وياج على انفراد
ريام: اي بس !
امي: بلا بس مبيها شي بنتي يجوز يريد يكلج شي واحنا هنا بالهول كاعدين لا تخافين بس ضبطي حجابج و يلا لا تتأخرين عليه ميصير
هزيت براسي بمعنى الموافقة،فتحت الباب وعيوني بالارض لمحته وكف على حيلي من شافني كتله
السلام عليكم ردلي السلام كعدت مقابيله على القنفة
قطع السكوت وكال
غيث:لهدرجة خايفة !
ريام: ها ! لا بس ..
غيث:ادري متوترة كام واتجه بإتجاهي صار قريب نسبيا كال
غيث:باوعيلي ..اني اليوم أسعد إنسان لإنج بصفي وبحياتي،اوعدج راح ابذل جُهدي لاشوفج سعيدة ! لمس إيدي بخفة واردف وكال اني تعبت هواي حتى صرتي من نصيبي وإلي وادري بعدج خايفة ومتوترة ومتفهم موقفج ..الله يقدرني واكون الج الزوج المثالي ..
جنت مستحية باوعتله كتله بس اني عندي شروط !
غيث:ادري،نور كالتلي،اطمئني جامعتج راح تكمليها والزواج نحدده بعدين لا تخافين،واني موافق ومعندي إشكالية بأي شي
ريام:وكفت على حيلي اني وأُمت براسي بمعنى الموافقة مجنت اعرف شحجي بعدني ممتعودة وخجلانة
غيث:اني رايح،تأخرت ..
ريام:رفعت راسي وكتله الله وياك تركني ووصل يم الباب
غيث:ريام
باوعتله بتعجب
ريام:نعم ؟
غيث:بطلي تحلوّين ! كال هالجملة وابتسملي وطلع من الباب بقيت مبتسمة مع نفسي واني اتذكر كلامه راح اخوية ودعهُ واني طبيت بغرفتي تعبانة وبنفس الوكت دا افكر شفت رسالة من ريام كيفت رحت اتصلت عليها راساً
نور:اكو ناس توها حتزوج وتغيرت !
ريام: نور خايفة
نور: ميخالف بس اول الخطوبة وهذا شي طبيعي جداً كل بنت تبقى خايفة من القادم بس اطمئني غيث مضمون وفعلاً يحبج،اليوم بس رجعوا ضحكته مرسومة على ملامحه،كضاها يحجي ويشاقة بعد ما جان متكأب بذيج الايام
ريام: خايفة من طبعه لا مو مثل طبعي واعاني وياه
نور:سمعيني،الحُبّ يغير،يخلي الشخص شخص ثاني،شخص مستعد يغير كل شي بيه لخاطر الطرف الثاني خاصةً اذا كان الاختيار صحيح ومناسب،تتقبلين الاختلاف وتحاولين تسعين لرضاته
الايام راح تغير هواي ..هواي راح تغير وتشوفين الفرق ! سعادته هي اولويتج،خوفج وحرصج لا يكون ينجرح من ابسط الامور،ضحكته قضيتج وإهتمامج !
ريام: منو الي دايحجي وياي ؟
نور: اني !
ريام: انت متأكدة ؟ نور تنزعج من هالمواضيع حتى دا تحجي وتعلمني بيهن ! سبحانك ربي
نور: صوجي ضيعت هالشكم دقيقة وياج،روحي يلا ..
سديته منها ورحت نمت احسن شي هالأيام صاير
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
