البارت 21
كال : "طالعة حلوة حيّل"
قبل ما التفت اله حسيت بفرحة بسيطة بداخلي
شكد مدحوا ! بس محسيت بهالشعور الا لمن هو كالها ! حسيتها طالعة من نص كَُلبه التفيت اله بأبتسامة وخجل كتله : "شُكرًا" رفعت نظري عليه شفت شبح أبتسامة مرسومة على ملامحه
كملت خطواتي بأبتعادي عنه وصدد الجُملة ببالي ..
شفت قبس دا تمشي رحت وياها واني اذكر كلامه نغزتني قبس ..ها شبيج؟
نور: سلامتج وتصنعت باتسامة وياها فجأة الموسيقى والاغاني صارت اصواتهم عالية باوعت ليكدام جان عُمَر !! عُمَر داخل ويه غيث ودا يسوون دخولية هو والشباب خلفه والمصورة كدامهم
عُمر :خابروني على حفلة غيص واني ما ردت اجي لسه ما نسيت الي صار والي انصدمت بيه ومالي خلك ابد بس غيث ما قبل اي احد من عدنا ما يجي على خطوبته فرجعت من اربيل توجهت مباشرة على القاعة مرحت للبيت شفته لغيث ولسيف وكل الشباب سلمت عليه واتفقنا نسوي دخولية اله واني هم بكل حماسي دخلت ويه ودا يصور الكادر التصويري ووصلنا لنص القاعة ونزلت بيبي وابوية وامي يركصون ويانا باعتبارهم كبار بالعمر فعادي والشباب يركصون هم واني اندمجت وركصت من كُلّ كَلبي سمعت صوت يصيحني التفتت عليه وجمدت بمكاني !!
العروس ! لمحت العروس هاي هي نفسها !!!!!! لابسة ثوب العرس بس مو الي !!! لهنا وبس ..وكفت الدنيا بعيني جمدت بمكاني حسيتني انضربت بسجين بكَلبي بقيت اباوعلها تفكيري وعقلي وكُل شي بيا وكف تراجعت خطوة للخلف واني مقطوع عن العالم الخارجي عيوني وكلبي بس عليها ..بس على..مرت ابن عمي !!!!
سحبت نفسي بمعجزة وللحديقة الخلفية توجهت كعدت على المسطبة وراسي راح ينفجر من الوجع كلبي راح يطك من الحسرة والألم
كعدت لوحدي واني انازع ..لِلحظة وحدة حسيت روحي طلعت مني ..ليش !!!
ليش الي تمنيتها وردتها مخطوبة اليوم !! والمن ؟ لابن عمي !!!! ليشش!!!!
التساؤلات تدور براسي بدون اي جواب شاف ينقذني
صعبة يا ناس ..صعبة الي احبها تروح لغيري ولابن عمي هم !!! طلعت من يم القاعة توجهت لبيتنا واني اجر اذيال الخيبة،بلكوة رجليّة شالوني للسيارة
ريام:الحفلة قربت تخلص ما بقى شي تقدمت بنية بإتجاهي وجان غيث وياها معالم التساؤل على وجهي وصلتني وغيث وجهه احس صار اصفر ومو على بعضه
غيث:اقدملج،أُختي ميساء ..
ريام:باوعت عليها وابتسمت ابتسامة خفيفة..أهلا وسهلاً
تقربت حضنتني وهمست بصوت خفيف ..وعد علّية ما يتهنى بيج ..وابتعدت عني وهي مبتسمة طلعت وتوجهت تطلع من القاعة واني بس اباوع باستغراب وخوف وقلق ،وصدمة !! شتقصد ؟ وشتريد وشمسويتلها اني !!! اكو شي غامض بالسالفة لازم اسال غيث بس مو هسة الوكت مو مناسب حسيت على نور وهي دغتني بشكل خفيف
نور:شكالتلج ؟؟
ريام:ها ! لا ولاشي ماكو شي
نور: ريام شبيج ! وجهج شحب لونه شكالتلج هاي؟
ريام:بعدين نور الوكت مو مُناسب هسة
نور: دا اسولف ويه بيبي وعمة والبنات لمحت ميساء جاية ! بس وجهها ابد ما يبشر بخير ومبينة ناوية على شي واني هم ما ردت اظن بيها خطأ فسكتت محجيت شي حضنت ريام وجنت دا اراقبها بس ركزت بريام شفتها مثل الي انصدمت او تفاجئت
ما استعبدت على ميساء ذبت سمها وراحت مثل كل مرة فرحت على ريام مقبلت تحجيلي شكو اثنلء تفكيري موبايلي يضوي شفته فتحته جانت رسالة منه !! ..رسالة من سيف نصها : انتظرج خارج القاعة بالحديقة على اليمين واني ضايجة ومزاجي معكر اصلا من ورا ميساء وعمر الي اختفى فجأة ومردت اروح بس جبرت نفسي يجوز شي مهم طلعت مثل ما كال وصلت المكان ماكو احد ! ..غريب !
التفتت ارجع للقاعة شعرت على ايدي مقبوضة باوعت جان سيف سحبني اكثر،نزلت عيوني محتجة على تصرفه
سيف:رفعي نظرج ..جان دا يحجي ببرود تاام
نور: ابتعد ولا تسوي هالتصرفات عيب ! حجيت هيج تعمد أكثر يضغط على ايدي بإتجاهه
سيف: شبيج؟
نور:مابيا شي اترك ايدي
سيف:باعيلي واحجي
نور:اترك ايدي ! دا توجعني!!
سيف: منو ضوجج ؟ ليش مو على بعضج !!
نور: باعتله متفاجئة ..شلون عرف ؟ شلون عرف واني محاجيته ولا شكيت ولا كلت !!
سيف: اقراج من عيونج ! ..كأنهُ عرف شدا يدور ببالي من اسئلة ..كالي هيج وحجاها بِهُيام
حاولت ابعد عنه بس هو قبضته قوية اخر شي حسيت على ايده انفكت عني ابتعدت نصف خطوة بس قبل ما ابتعد لزم اطراف اصابيعي برقة خلاني اتوقف بمكاني
باوعتله جان بيده الاسوار الي بغرفتي شفته !
سيف:ليش ما لبستيه !
نور:مو هو جان ..تقرب اكثر مني لبكني ولزم ايدي برقة وفتح الاسوار ولفه حول معصمي
نور: هو جان بالمو..قاطعني وكال
سيف: الي عجبج بالمول ! هزيت راسي بمعنى اي
لفتني قربه وعدد الخطوات البسيطة الي تفصلنا بس !!! وضعي متوتر خجلانة منه بيبي دكت على موبايلي جاوبتها ..اي بيبي جاية جاية وهو عرف
ابتعدت عنه خمسة خطوات سمعت كال
سيف: ما تخيلته الا عليه ..يقصد على معصم ايدي
ابتسمت مع روحي بدون ما التفتله ورجعت للقاعة
شفت الناس بدت تروح ما بقى تقريبا غير عائلة ريام وهم حيروحون هسة لميت غراضنا من ملابس والمكياج والموبايلات وتوجهنا نحو السيارة
لمحت ريام وغيث واكفين دا يحجون،توجهت عليهم
نور: يلا يا عرسان مو كافي !
غيث:طول عمرج مخربة اللحظات السعيدة
نور: ها هيج ! يلا ريام ذبي الحلقة اله
غيث: عود بكيفج !!
نور: اكيد ..يلا ريام رجعيله حلقته
ريام: بس بس،شبيكم !!! باوعت على غيث واردفت
الحلقة جزء مني ويوم الي راح اتخلى منها حيكون جزء مني تخليت عنه
غيث:شفتي ؟ مرتي واعرفها
نور: ريام خلي يفيدج غيث تركتها ورحت للسيارة واني مبتسمة
توجهت للسيارة وتفاجئت !
بيبي:شو الكل هنا اني وين مكاني سمعت صوت سيف فزيت خايفة الكل حس علية وكاموا يضحكون
بيبي:اي قبس ورحمة حيرجعون ويانة واني لكي مكان
قبس: تعاالي كدام ..توجهت كدام اكعد كدام بس مترددة شفت سليم كاعد وقبس هم كاعدة
نور: قبس وين اكعد !!سليم وانت كاعدين
قبس:تعالي هنا ..واشرت على جهة صغيرة هم بالمقعد الكدام بس من جهة سيف تصير
نور :شنوووو !!!!! اقصد ما يحتاج اروح وي غيث
بيبي: يلا يا بنتي ماظل وكت وغير هسة راح
نور: بس بيبي شلون،اقصصد ماكو مجال
رحمة: لج نور هو انتي هلكدوتج فضينا عاد
نزلت قبس ونزل سليم،ركبت اني وبعدين قبس وسليم كلنا بمقعد واحد بس سيف يصير على يساري
ركبت وسيف ساكت بس الاغنية جانت مشتغلة واني محروك دمي اريد بس اصل
الطرق بالعراق اغلبها مكسرّة وكلما السيارة تمشي مو عدل انطخ واميل على صفحة،مرة من المرات،هو جان حاطط ايده على الكَير ودا يتحكم بيه وانطخت ايدي بأيده باوعت عليه وسحبت ايدي بسرعة بس ما شفت اي ملامح تعبير على وجهه،استمر يباوع للطريق
غريب ! يمكن بعمري ما راح اكدر افهم هالانسان !
وصلنا على البيت واني روحي طالعة وكاعدة على اعصابي نزلوا الكل وقبس متقبل تنزل ما ادري هي تتحجج !! واخيرا نزلت واني متحلفة بيها بقينا يم الباب اني وهي وسيف من جهتي اجا
نور: اكثر كعدة حركتلي اعصابي لو راجعة مشي احسن
قبس:ابقي ابقي هيج تركتني وراحت
سمعت صوته يهمس قريب مني "حتى اني بعد ! روحي طلعت ! باوعتله متفاجئة وبعيون متسألة بس تركني ومشى دخل للبيت
سديت الموضوع ودخلت اني هم للبيت ..
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
