البارت 43
المغرب رحت وياه لبيتي اجيب شكم غرض صعظت للغرفة لحكني وسد الباب فزيت عليه من سد الباب باوعتله بتردد وكتله شداتسوي ؟
سيف: مثل الي سويتيه انت كَبل شوية
تقرب تجاهي وخلا ايده على الحايط والايد الثانية على الكنتور
نور: شنو هالتصرفات !! عندي شغل لازم اكمله
سيف: شغلي اهم ! تقرب اكثر باوعتله بعيون مترردة ردت اي طريقة حتى اشرد منه
نور: لا تنسى اني مناسية سالفتك !
سيف:ولا اني ناسي قاتلي ..حجاها ببرود قاتل ومبتسم ابتسامة استفزاز
نور: يجي يوم والقاتل يتبرئ بس ياترى راح يجي يوم والمُتِهم راح يُسامح ؟
دفعت ايده على الخفيف ومشيت جر ايدي حول خصري وباوعلي بنظرة قوي وكال
مرات القاتل عيونه تقتل وتجرح وتداوي !
انصدمت من نبرة صوته ومن كلامه فزينا اثنينا على صوت المكالمة جان عمر ..رديت عليه بسرعة
عمر: وينكم انتوا ؟؟ اجتي ميساء على البيت
نور: من كال هيج وكع كَلبي ما ادري ابد مو مطمئنة
لميساء ..اردفت وكتله جايين سديته منه
باوعت على سيف جان اكو بوجهه علامات استفهام
فهمته شكال عمر وطلعنا بسرعة توجهنا للسيارة
الطريق كله ادعي ما تكون سوت شي ميساء
لريام وهي ريام بلا شي نفسيتها صفر
وصلنا البيت قبل ما انزل من السيارة وكفتني نبرة صوته الدافية
سيف: لزمي اعصابج كبالها ..ميساء مو خالية
نور:هزيت براسي بمعنى اي كأنهُ قرأ افكاري !
اردف بصوت متوتر ويحاول يبعثر نظراته المهم ما يركز بيا كال ..وعلمود عُمر لا تتقربيله ..
هو كال هيج واني انصدمت بعده يتذكر ذاك اليوم
من عمر حضنيّ ! يغار؟ لِلحظة وحدة وحدة عقلي استسلم لشعوري وفكر بهيج فكرة بس كطع التفكير عمر وهو يدك فصلته ونزلت من السيارة وهو راح يكمل شغله ويرجع
وطبيت للبيت وبالي مشتت
صار بوجهي عُمر وكال ميساء فوك يم ريام
ركضت بسرعة طبيت مثل الهجوم على الغرفة
فعلا جانت ميساء يمها بس غيث هم يمها
كعدت يم ريام وحاضنة ايديها الباردات
وعيونها شاحبات حييييل جنت احسها بغيبوبة بس تتنفس ما تحجي ولا تتحرك من شافتني حسيت على لهفتها بعيونها غميت روحي شلون تركتها هاي الساعة لوحدها ..
فزيت على صوت ميساء وهي تدس السم بالعسل
ميساء: خوية لا تنقهر الله يعوضك شنسوي
تدري كلت لامي انقهرت عليك لان خسرت ابنك مثل ما هي خسرتك وبعتها ..
غيث: شتقصدين؟ احجي عدل !
ميساء: ما اقصد شي بس هذي حقيقة اليوم انت خسرت ابنك لان امي خسرت بسبب رغباتك ورا بنية صايرة مثل الجثة هسة خل تفيدك عود
نور: هي كالت هيج واني انتفضت من مكاني
شنو هالصلافة والعرامية!!!!! رريام دا تنازع وهذي تبث سمها مثل الحية بلا ذمة وبلا ضمير
قبل ما اردلها تقدم غيث عليها بعصبية وضربها براجدي من يمي وجهي وجعني بس هي ولا انكسرت
هاي شكم مرة يحاولون وياها حتى تنعدل وما بفيد بيها
زمخ بيها غيث بكل صوته ويهدد بيها
غيث: توقعتج راح تنعدلين وتصيرين مثل الاوادم وتقدرين البشر ولو لمرة وحدة بس انت وحدة انانية وصدكيني لو اشوفج بالشارع ما راح يرفلي جفن
لو جان عندج قطرة ولاء للاخوة الي بيناتنا جان احترمتيني واحترمتي الوضع الي بيه اني اطلعي برا وشتسويين سوي
نور: هو كال هيج هي جانت تباوعله بصلافة وصلت الى يم الباب وباوعتلي وكالت،يجيج يوم ..
ابتسمت بعدوانية وبتوعد الي ..ما انكر خوفتني حيل
وحسيت فعلا راح تسوي شي او بالاحرى سوت !
بس طلعت ميساء طلعت وراها لان شفت غيث يريد يحجي ويه ريام فتركتهم
بهاي الاثناء الموبايل ما سكت ابد والكل يخابر
ويسأل وخوات ريام كل ربع ساعة يخابروني يطمئنون عليها ورا نص ساعة حسيت على صوت عياط من غرفةة غيث رحت عليهم
جان دا يصيح بيها ويرزلها !
ظليت متصنمة هذا شدايسوي بيها !!
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
