البارت 22
صعدت لغُرفتي شفت موبايلي يضوي فتحته وانصدمت،جانت 20 مُكالمة من ريام فائتة !!!!
يا ساتر،شصاير ! شغلت بالي اتصلت عليها اول ما اتصلت فتحته وجانت صدمة عُمرّي ..اول ما اجاني صوتها انحفرت اربعة كلمات براسي كالت
"من اليوم انسي ريام ..وللأبد !! وسدته بوجهي شكد حاولت اتصل بيها وماكو مقفول،حسيت اطرافي بُرد ودماغي وكف،ما ادري شنو اسوي وليش صار هيج وشنو السبب،الالاف التساؤلات ببالي وماكو جواب الها ..ارتخت رجليّة وكعدت بالارض من صدمتي ! لمحت خيال شخص صحت منو !!!!! اختفى الخيال من يم الباب
منو مُمكن يكون !سيف راح لشغله وعمر مموجود والباقي نايمين ماكو بس ميساء ! بعدتها من دماغي الوضع الي اني بيه ميسمحلي اخمن وافكر بغير الي صار !
بالكوة قويت نفسي ورحت لغرفة غيث جانت فارغة ! غريب !!! وين اختفى !! بسرعة فائقة اتصلت علية ظل يدك وماكو جواب زاد خوفي ..لا يكون ! لا يكون علمود ذيج السالفة !!!!
غيث: مرت الايام واني وياها لريام كلش منسجمين وصرت اروح الها للجامعة وناكل بالكفتيريات الموجودة هناك شكد حاولت اعزمها لمطعم برا بس متقبل واني هم جاريتها،حسيت واخيراً الدنيا عدلت وياي وقسمتلي بنية على مقاسي ومرامي ومن كُل؟ كلبي ومشاعري حبيتها وجان الها مكانة مالها حد بكَلبي ..إلى ان ! إلى ان دكت عليّة جنت نايم ساعة 9 الصبُح
ريام: غيث هسة تجي على بيتنا
غيث: شبيج ريام،شجارلج،حجيتها بقلق جان صوتها ابد مو طبيعي ومبين دا تبجي بكل قوتها
ريام: هسة تجي على بيتنا غيث هسسسة تجي !!
غيث: جاي جاي بس مسحي دموعج،مسافة الطريق بس،لبست شكو كدامي وطلعت وبالي حييل مشغول وبالكوة وصىلت لبيتهم اول ما دكيت الباب
طلعولي اخوانها جنهم معصبين وبالكوة ساكتين سلمت عليهم وعلى ابوهم وبس الوضع ابد مو طبيعي
كعدت وياهم بالاسقبال وظلوا ساكتين قطعت السكوت
غيث: خير عمي صاير شي ؟
ابو ريام: غيث ما ادري شكلك بس ! دا ايحجي ابوها وسمعت صوت الباب انفتح رفعت نظري جانت ريام !
بس هي نفسها ريام الاعرفها !!! جان الحجاب مذبوب على راسها ووجهها ورام من البجي وعيونها حُمرّ طبت واني وكفت رأساً او ما وكفت ..جانت صدمتي !
نزعت الحلقة وذبتها بكل قوة بالارض اردفت وكالت
" كل شي بيناتنا انتتتهى !!!!!" اني بعدني واكف بطولي وبصدمتي وباستغرابي،وكف ابوها وكال
مو هيج الحجي ريام !
ريام: الي كلته هو الصح ومستحيل تجبروني على واحد مثله .. كالت هيج وسحبها اخوها بكل قوة من ايدها يريد يدخلها للهول،بضُعفي وانكساري الثاني من بعد كسر امي الي،نطقت شكم حروف جبرت نفسي واستخدمت كل القوة الي عندي والي تلاشت كدامها وكدام منظرها،كلت" رجاءً اتركونا على انفراد"
اهلها راساً طلعوا التفتت تروح سحبتها
غيث: فهميني !
ريام: ابتعد عني انت مو من حقكك تسوي هيج ابتعد
غيث: قويت قبضتي وكتلها احجيي !! شسويتلج اني!
ريام: وبكل قوة جاي تسألني !!!!!! لك انت واحد مُخادع ومااهر بالجذب
غيث:احترمي ريام !!!! الى حد الان اني ما حجيت شي على كل الي سويتيه،احجي مثل الخلق شسويتلج اني بشنو اذيتج
ريام: تقتل القتيل وتمشي بجنازته ! طلعت الخباثة والحقد والكذب مزروع بجيناتكم مو بس عند اختك ! يا سيد غيث المُحترم !
غيث: كالت اختك ربطت عرفت بسالفة اهلي !
غيث: انطيني مجال افهمج،بس تمصلت من ايدي ودفعتني وكالت " بس،الى هنا وبس هاي المهزلة والمسرحيات تعبت منها اني،فهمك خليه الك اني ما اريد افهم شي والي بيناتنا انتهى
غيث: هيج هنت !
ريام: هنت !! بعد كل كذبك تجي تسالني هنت عليّة !!!لك صارلنا شهرين مخطوبين شهرررين ! شهرين واني عايشة بوهم وجذب وخداع !
العلاقة المبنية على جذب،مُستحيل يستمر بناءها مدى العُمر،واني اليوم نهيت هالعلاقة ومستحيل ارجعها ! من البداية جذبت وياية ومكتلي اي شي على سالفة امك ! واستمريت بالجذبة ! من البداية جذب لعد شون راح نستمر !!!
طلعت من الغرفة واني بصدمة ودنكت بالارض شلت الحلقة بايدي وطلعت من البيت دا احس رجليّة خانتني ! رجعت على البيت واني خاذل شخص بريئ وخسران اكثر انسانة حبيتها،طبيت للبيت طبت ورايا بيبي ونور وبوجهه الف علامة استفهام شكو وشصاير
بيبي: غيث شبيك كلي ابني شصايرلك ؟؟
اني ساكت مكدرت،شكوللها !! اكوللها جذبتي انكشفت كدامها وخسرتها للابد !!!
نور: غييث !!! جاوبنا شصاير ووريام،ريام بيها شي ؟؟ باوعت عليها جان لونها مخطوف هي الاخرى والقلق ظاهر عليها كمت وكفت على حيلي وكلت
غيث:اني خسرتها ..وهالمرة الخسارة حدفع ثمنها غالي
اكتفيت بهالعبارة وطلعت من الهول لغرفتي،احس النفس ضاك علية وما ادري شنو الحل وشنو اسوي وشون اقنعها ترجع ! زين شلون عررفت !!!!! الف سؤال براسي بس الحل مُبهم
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
