ما لم يكُن بالقلب عليم

بارت 8

البارت الثامن
عُمَر:بيبي جهزت نفسها وطلعنا للدكتور وويانة مسرة وصلنا هناك للطبيب شرحلنا حالتها،مبيها شي خطير الحمدلله،خلصنا وطلعنا وصلنا لنص المُستشفى لمحت عيني ملامح بنية شايفها !! منسيتها !
هاي ريام !!
عمر:مسرة هاي مو بنت عم نور؟
اي اي هي فعلاً..دا نمشي وهي هم شافتنا جانت وياها مرّية بس مو نفسها الي جانت هذيج المرة لا تختلف
مسرة:شلونج ريام ؟ شنو هالصدفة
ريام:هلو مسرة،يا محاسن الصدف..وجهت ملامحي للشاب الجان واكف خلف مسرة،عيب ميصير ما اسلم حتى لو مجاملة بالنهاية هو هم كرايبنا يصير،سلمت عليه برسمية
مسرة:خير ان شاء الله ريام، شعدكم بالمُستشفى؟ منو مريض؟
والله أُمي مريضة شوية وعند الدكتور هي وجنت طالعة أجيب الدوا وشفتكم بالصدفة
بيبي: عدها العافية بنتي،جيبب الراجيته وعُمر هية يجيبلج العلاج
ريام:تسلمين،عادي هنا قريبة الصيدلية
عمر:جيبيهن !
ريام: شُكرًا،ما أريد أتعبكُم،ما تقصرون
عمر: لا عادي مبيها تعب،اخذت الراجيتة منها ورحت جبت العلاج وأجيت لكيتها مبتسمة ودا تحجي ويه بيبي ومسرّة،لفتني ملامحها الطفولية وبرائتها !
عُمَر:تفضلي،هذا العلاج
ريام:ممنونة هواي ،مجان أكو داعي لتعبك
عمر:لا عادي
مسرة:يلا عُمَر تأخرنا يلا بيبي،نترخص ريام وسلامة الوالدة ان شاء الله
ريام:عذرج وياج،سلميلي على نور
يصل إن شاء الله
ريام:حرجني عُمَر وأخذ الراجيتة وجاب العلاج هو،مردت أحرجه واتعبه، وارسم صورة سيئة النا،يكفي صورتنا بسبب عمامي ويلي سووه بنور ..
رحت لامي جانت بعدها عند الدكتور،ينتظر العلاج حتى يشرحلنا عليه،كملنا وطلعنا،اخذنا تكسي ورجعنا
خابرت صديقتي تسجلني حضور،باجر ماراح اكدر اداوم تعبانة بشكل ..
سيف:خالو غيث خابرني اليوم خالي عطالله يريد يشوفك وكال حنجيكُم
نور:سيف حجى هيج على الاكل وكلنا كاعدين،من سمعت خالي عطالله حيجي شركَت بالمي مو كرهًا بخالي لا والله..بس بميساء ادري بيها متكعد راحة ولازم تغث ..
خالي:كُلّ الهلا بيه،البنات موجودات هم
كملنا اكل ولمينا مسرة صاحت عمر وشكلهم مو تمام بس يبتسمون ..غريب ! شصاريلهم ذولي !!
مسرة:عمر من تخلص شغلك تعال فوك عندي شغلة
عمر:صعدت فوك صاحتني مسرة ..ها مسرة؟
شو هاي بس تغمز وتبتسم ! شبيج مسرّة ؟
ها ها ! انت تدري وغمزت مرة الخ
اكول شوكت اخوية كبران وصاير يكَص كَص للواحد !
فهمت شدا تحجي بس ماكتلها ..شبيج مسرة شدا تحجين؟
لا تتغابى عُمَر ! ورجعت غمزت وضحكتها مرسومة على وجهها
اكول انت شوكت تكبرين؟ مو ابنج سليم صاير رجال وانت بعدج خبلة
يلا روح اطلع روح..الواحد ميحصل منك شي
عُمَر:طلعت من يمها وعرفت هي شدا تحجي وشنو تقصد ابتسمت مع روحي
نور: ها شو دا تضحك ويه نفسك ؟
حتى أنت نور ؟؟ ميصير اضحك ويه نفسي ولو اني اصلا اربعة وعشرين ساعة اضحك
يصير يابة يصير،بس هم مكتلي شكو تضحك !!
استغفر الله،روحي بابا روحي..روحي اقري انت سادس
جان بيدي مي رشيت شوية منه عليه وهو من النوع الاريحي وعادي احنا بمثابة الاخوة من جنه اكفال ونستقبل كل شي،وهو يحب يتشاقة بس مرات يمصخها هواي ..دا ارسه رجع اخذ مني البطل بقوة وطشه على شعري،شعري مي وضحكنا،باغته وشفت كلاص مي لزمته دا ارشه ومحسيت على نفسي الا رشيته بوجه سيف !!!!!
جمدت بمُكاني،معرفت شسوي،ادور على عمر لو اسأل العكرة شجابه كدامي لو شعري المبلل،لو شسوي !
تمنيت بس واحد يجي هسة ويقاطع هذا السكوت والجمود،يمكن دعيت بلحظة إستجابة وتدخل عمر
عمر: هي هي يا جماعة اهدوا ما صار شي،سيف مَ جنّا نعرف انت هنا وانت نور شعرج مُبلل دخلي نشفيه وسلامتكُم
سيف: طلعت من غُرفتي واعرف نور وعمر هنا بس معبالي مي،عبالي جانوا يشاقون لان متعودين عليهم من زمان هما يتشاقون،توني دا اطلع واجا مي بوجهي
اعصابي فارت نويت اذا عمر اكتله اليوم فتحت عيوني شفت نور مجمدة كدامي جنها عرفت ردة فعلي شراح تكون
سيف: منو هالغبي ..وتدخل عُمر وفرّقنا بس نظرتي الصاعقة جانت كافية توصل الها شكد منزعج منها
راح كل واحد لمكانه واني رجعت لغرفتي نشفت وجهي شكد هالانسانة متفهم ! تبقى طول عُمرها هيج ..
ريام: نزلت جوا وحجتلي مسرة على ريام وشلون شافوها صُدفة..كمبت كلامها واردفت ..بس !
بس شنو مسرة؟
ولا شي تعرفين بالايام الجاية وكامت تبتسم !
هاي شصاريلهم؟ وين ما اروح يبتسمون اليوم !!
ترخصت،صعدت فوك،خابرت ريام وحجتلي هم وسولفنا
ريام:اكول عمر بجامعة بغداد؟
اي بجامعة بغداد،شلون عرفتي؟
لإن شايفته هناك،بس امانة لا تكولين لأحد أبد
شكد تنطين؟
صايرة تطمعين ! تعالي على الجامعة عازمتج اني
مو محاضراتي ما اكدر
ميخالف حاولي وتعالي،ماشي اشوف شون أدبرها،حروح انام وراية قراية
الله وياج حبيبتي،واقري دُعاء قبل متنامين
نور:سديته منها منها ورحت تمددت والافكار تاخذني وترجعني غفييت بالنهاية ..
سيف:صارت تقريباً ساعة 2 بليل مجنت نايم بعُمق،حسيت على شي غريب ! فزيت بسرُعة على رُغم كل مرة نومتي ثكيلة،انتفضت من فراشي واني دا أشم ريحة،ريحة ابداً مو غريبة ! خلال ثوانٍ معدوات ربطت !! مستحييل !!! طلعت بسرعة من الباب الريحة والصوووت مقتربين من الغُرفة المقابيلي،درت راسي للبلكونة شفت نار دا تشب بواجهة البيت وعلى الغراض ..فقدت اعصابي طلعت ركض للغرفة المقابيلي جانت غُرفة نور ..
بيبي:كعدت على صوت هووسة والبنات هم كعدوا وعمر طلعنا نركض ركض صعدنا فوك شفنا نار جبيرة دا تأكل بداية الواجهة وقريبة حييييل من غرفة نور،كمنا نصرخ معرفنا شنسوي ! نور وينها !! وينها نور كمت اصيح بهستيريا سيف ماكووو عمر دا يخابر الاطفاء الجيران طلعوا كلهم بس النار دا تزيد وصلت للبردات مال الغُرفة اعصابنا انتهت
سيف:دفعت الباب بكل قوتي جان مقفل هسة وكتهااا !!!! دفرته بكل قوتي عمر مجان فوك حتى يساعدني صيحتتته وماكو هو
ظليت ادفره للباب يلا انفتح طبيت على الغرفة جان فاقدة على السرير وومن قوة اللهيب والحرارة العركَ دا يخز منها حاولت احركها لا ايد ولا رجل ماكو فاقدة والنار دا تقترب اكلت البردات ما اكدر اضيع وكت اكثر بتكعيدها،لزمت إيدها وحاوطت كتفها وسندتها وصلت لِباب الُغرفة ووكعت الثُريا انطبت بالارض بصوت قووي،سمعت صوت اهلي دا يصيحوون الجوارين برا واني هنا ما اكدر اطلع وهي كلش فاصلة عن الوعي ذبيتها بالارض فتحت الكنتور لكيت بطانية لفيتها بيها حيل زين،تقربت منها ملامح وجهها جانت هادئة بعدت الشعر عن وجهها ولفيته وسندتها هم وغامرت وطلعت ودست على كزاز الثُرّيا ودفرت الباب مرة ثانية وطلعت اركض على الهول،بهالوضع كله اهلي كضووه يصرخون بيبي انجلطت الا شوية من البجي والصراخ،طلعت تلكوني كُلهم استلموا مني نور واني انداريت دا اروح
مدائن :سيييف وين راييييح ؟؟
مهتميت للحجي طبيت مرة ثانية على الُغرفة
مدائن:كضيناها لطم وصراخ علما طلعوا،عمر هجم الموبايل على الاطفاء وماكو ونزل يحاول وية الجوارين بلكت يكدرون يطفون النلر الي محد يدري من وين اجتي،طلع سيف بس رجليه وإيده دم وبيده نور ملفوفة ببطانية فاقدة الوعي،نزلها واستلمنها بقينا نهز بيها ماكو، يمكن مخكتنة من الريحة،انوب عمر طب للغرفة مرة الخ منعرف بيمن نلتهي شفته طلع جان بيده شكم غرض صغيير،ذبهم على صفحة وكعد بالكاع من التعب،ركضت عليه ساعدته، جان حييل تعبان ويادوبه دا يشوفني ،سمعت صوت عمر ورا تقريبا ربع ساعة،من كثر بجينا ولطمنا محسينا حتى من النار طفوها ..
عمر:كوووم سيف على المستشفى باع على حالتك ونور فاقدة لحد هسة كووم
ما اروح اني مبيا شي
لك كوم إيديك ورجليك عبارة عن دم كوم،وسحبته وياي،نور مسرة واني جبناها بيبي ومدائن بقوا بالبيت،بيبي حالتها تعببانة بشكل راح تنجلط كوة قنعناها تبقى بالبيت
ركبت السيارة وسقت بسرعة على المستشفى وصلنا راساً كتبوا لنور تنفس وسيف اخذوه يعالجوه
ورا ساعة،طمنونا مبيها شي بس الريحة خنكتها حيل والله ستر مصار ألها شي أكبر، وكدرنا نلحك الها بوكت مناسب والا جان الريحة تغلغلت بعمق على الرئة،وسيف ضمدوله رجليه وإيديه بس وجهه تعبان حييل وطرف كصته مطخوط مبين الأثر
خابرت على البيت وبلغتهم ماكو شي الحمدُلله شوية وراجعين،طبيت على غرفة سيف
سيف:شلونها؟
منو هي؟
نور
مختنكَة ..
رفع نظره وباوع بنظره معرفت شفسرها،..شلون
صار الحريق؟
والله ما ادري ورا مطفيناه لكينا أثر جلكان كاز وقماش على الخيوط الزينة المربوطة بالواجهة ومنعرف منو السبب ومنو حطها،المهم هسة طلعنا بخير وسلامة
وينه الدكتور؟ اريد اطلع،هسة البيت مخبوص .
تعال وياية نشوف شيكول الدكتور على وضع نور ونقرر .
طلعنا من الغرفة رحنا لغرفة نور،جان جهاز التنفس عليهاوكاعدة بصفها على الكُرسي مسرة،دفعت يدة الباب طبيت بهدوء ركزت نظري ببرود عليها،شجان صار لو ملحكت بالوقت المُناسب؟؟ .
كعدت على الكرسي الثانية بالجهة المُقابلة لمسرّة
مسرة:شلونك سيف شلون صارت صحتك إيديك دا توجعك .
لا مسرة سهلة إن شاء الله،شلون صحتها؟ .
زينة،الحمدلله،ماكو شي خطير هواي .
أُمت براسي بمعنى الموافقة..عمر صاح مسرّة على مُكالمة بقيت لوحدي يمها ..
تقربت أكثر،نزل نظري على طف إيدها جان يشع برودة،وضعت إيدي بشكل خفيف على كفها صعقتني البردة،شلون هي متحملة كل هاي البرودة بجسدها !!!

يتبع ..
شنو توقعاتكم للقادم ؟،ورأيكم بالأحداث والسرد؟
البارت كان من المفترص باجر ينزل حسب نظام التنزيل لكن محبيت اطولها عليكم ..
____
ريام الزُبيدي