رفع عيونه تجاهي ولزم ايديا ونزلهم عنه، ولون وجهه وعيونهُ وكل شي بيه تغير جاوبني وگال
"مو كل شي نشوفه بعيوننا، يكون هو الصح"
گال جملته وتركني بدوامة الحيرة أكثر ..
ليش تزوجها لشهد؟ ليش محد يعرف عن زواجه قبل؟
ليس بليلة زواجه مني كشف عن شهد ووجودها بحياته؟
وشنوو قصده من جملته الاخيرة!!
تركني ومئات الاسئلة بدماغي من جهة ومن جهة ثانية تركني بحيرة أرجع او ممكن فيلم جديد منه !
راح هـو، وبقيت افكر، اني اذا بقيت شنو راح استفاد؟
سيف مستحيل يطلگني، وما راح استفاد شي من وجودي هنا
اذا رجعت وياه وعاملته بطريقة ما تناسبه حيطفر بالاخير ويضطر يطلكني، شكد راح يستحملني يعني؟
وورثي يكون راجع، اكدر اضمن حياتي بهيج شكل
مر اليوم كله ما رجع اتصل
بليل ساعة ١٢ دزيتله رسالة كتبت بيها:
"تعال باجر عليــّة"
وسديت الموبايل
كعدت ساعة ١٠ لان اليوم جمعة فما اداوم بكليتي
نزلت جوا شفتهم كاعدين گبلي
بيبي:صباح الخير
نور:صباح النور بيبي..وينه خالي؟
بيبي:ليش؟
نور:لا ماكو شي
بيبي:كومي سويلج ريوگ، لا تبقين بلا اكل
هزيت براسي موافقة
ما ادري ليش گلبي واجعنــي اليوم
تنفست بعمق وسويت اكل وكملت
باوعت بتردد على بيبي جنت ححچــي
ودخل سيف من برا، باوعلي ودايبتسم..شبيه؟
معقولة عقله بيه شي؟
سيف:شلونج يابة؟
بيبي:شوكت صرت اني يابة، ولك؟
سيف:يابة بيبي شلونج؟؟
بيبي:طالعة عينك..وكامت تضحك
وهو هم متفاعل واني احس اعصابي تعبت
اريد احجي واكوللها حرجع مع سيف
اخر شي، سيف كال يلا نور انتظرج
بيبي:وين؟
سيف:حترجع وياي بيبي
نور:اي بيبي حرجع ..
راساً انرسمت ابتسامة على وجه بيبي، چنها جانت
تنتظر هاي الجملة من عدنا !!
صعدت الم غراضي بالجنط، فزيت على صوته
كال، شلونج؟
نور:شوكت ترجع ورثي؟
سيف:يعني شلونج هي شوكت ترجع ورثي؟؟
كام يحجي بنبرة هادئة ويضحك
نور:شو تضحك
سيف: اضحك على معالم وجهج ..
رفعتله حاجبي كتله، والله؟!!
هي شبيها معالم وجهي غير الحقد عليك؟
اجا باتجاهي وكال..مابيها الإ الخـــير
جان يبتسم وويحجي بهدوء ما لدرب متقصد يلعب
باعصابي ما ادري هو ما قصده شي !
درت وجهي عنه منزعجـــــــة، دك موبايله
باوعت عليه شو تغير وحواجبه انعكدت
خلا السماعة على اذنه وحرف ما نطق
سد المكالمة بعصبية، وخابر مرة ثانية
سمعته كال: غيث اريدك تعرفلي مصدر هذا الرقم اليوم وضروري"
جان يحجي بنتر ومتوتر وعصبي..تفاجأت
منو ممكن يكون هذا الي اتصل عليه؟
وشنو گله حتى هيج تغيرت اعصاب سيف بسرعة!!
المهم اندار عليه وتقرب مني اكثر، اني راسا التفت
ولزمت اطار صورة يمي راسا خليتها بيده
وكتله
الزم هاي لا انساها ضروري
جنت احجي على السريع واتحرك هم حتى اشتته
لان توترت من اجا يمي
اثناء كلامي لزم معصم ايدي، وگلي"بس اني ما انساج"
صفنت عليه ونزلت عيوني، كتله راح نتأخـر
لميت كل غراضـي ونزلها بالسيارة وتحضـرت
خالي رجع من دوامه، وعمة سلمى جانت تسقي النباتات هاي هوايتها من شافتني نزلت اني وسيف وحنطلع، بوستني
وفرحت اما بيبي طارت من الفرحة..لان شافتني
حرجع، ووصوني توصيات اي وحدة ترجع لزوجها
لا تزعليه ولا تضوجيه..وهن ما يدرون شناوية عليه نية ههه، ودعت خالي وخالي حجى مع سيف بهمس شوية ورجعولنا ..
أنت تقرأ
ما لم يكُن بالقلب عليم
Romanceالقِصة ستتناول عدة جوانب إجتماعية وعاطفية وعدة قضايا أُخرى..بِكُل جُزء،فعسى أن يكُن الإستمتاعُ حليفكُم .. _____ ريام الزُبيدي
