🔥🔞"في أحضان عزرائيل"🔞🔥(الجزء الثاني)

الحلقة 181(والأولى في الجزء 2)

ﺍﻧﺎ : ﻣﻤﻢ ﻭﺻﻠﻨﺎ ... ﺷﺮﺍﻳﻚ .. ﺗﻘﻮﻡ ﺗﻮﺍ ﺑﺎﺵ ﻧﻄﻠﻌﻮ
ﻧﺤﻜﻲ ﻭ ﻧﻌﺪﻱ ﻓﻲ ﻳﺪﻱ ﻋﻠﻰ ﻃﺮﻑ ﺷﻌﺮﻫﺎ ... ﻗﺮﺑﺖ ﻣﻨﻲ ﺍﻛﺜﺮ ... ﻃﺎﺣﺖ ﻋﻠﻰ ﺻﺪﺭﻱ ... ﺗﺤﻜﻲ
ﺳﻮﺍﺭ : ﻧﺤﺐ ﻧﺮﻗﺪ ﺍﻧﺎ
ﺳﻜﺮﺕ ﻋﻴﻨﻴﺎ ﻭ ﺭﺟﻌﺖ ﻓﺘﺤﺘﻬﻢ ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﺷﻌﺮﻫﺎ ﻧﺤﻜﻲ
ﺍﻧﺎ : ﺧﻠﻴﻨﺎ ﻧﻄﻠﻌﻮ ﻭ ﺍﺭﻗﺪ ﻓﻲ ﺩﺍﺭ ﻫﻴﺎ
ﺳﻮﺍﺭ : ﻫﺄﺓ ﺳﻴﺒﻨﻲ
ﺍﻧﺎ : ﻧﻌﻤﺒﻮ ﻋﻤﺮﻱ ﺍﻧﺎ ... ﻳﺎﺧﻲ ﻣﺶ ﺑﺎﺵ ﺗﻘﻮﻡ ﺍﻧﺖ
ﺳﻮﺍﺭ : ﻣﻨﺤﺒﺶ ﺩﺍﻳﺨﺔ
ﻫﺰﺕ ﻳﺪﻳﻬﺎ ... ﻛﺒﺸﺖ ﻓﻲ ﺳﻮﺭﻳﺘﻲ ﺍﻛﺜﺮ ... ﻫﺰﻳﺖ ﻳﺪﻱ ﺑﻌﺪﺕ ﺷﻌﺮﻫﺎ ... ﻟﻘﻴﺘﻬﺎ ﺩﻳﺠﺎ ﺭﺟﻌﺖ ﺭﻗﺪﺕ ... ﻧﺤﺲ ﻓﻲ ﺑﺪﻧﻬﺎ ﺩﺍﻓﻲ ﺑﻴﻦ ﻳﺪﻳﺎ ... ﺧﺬﻳﺖ ﻧﻔﺲ ... ﻭ ﻧﺰﻟﺖ ﺑﻴﺪﻳﺎ ﻟﺠﻨﺎﺑﻬﺎ ... ﻃﻠﻌﺘﻪﺍ ﺷﻮﻳﺔ ﺭﺟﻌﺘﻬﺎ ﻟﺘﺎﻟﻲ ... ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ ﺑﺎﻟﺰﺭﺑﺔ ... ﺩﺧﻠﺘﻦﻱ ﺑﻌﻀﻲ ﺍﻟﻔﺮﺧﺔ ... ﻏﺰﺭﺕ ﻣﻦ ﺍﻟﺒﻼﺭ ... ﻟﻘﻴﺖ ﺍﻟﻤﻄﺮ ﺣﺒﺴﺖ ... ﻫﺰﻳﺖ ﺳﻄﻮﺷﺘﻬﺎ ﺟﺒﺪﺕ ﺍﻟﻔﻼﺷﺔ ... ﺣﻄﻴﺘﻪﺍ ﻓﻲ ﻣﻜﺘﻮﺑﻲ ... ﺣﻠﻴﺖ ﺍﻟﺒﺎﺏ ﻭ ﻧﺰﻟﺖ ... ﺧﺬﻳﺖ ﻧﻔﺲ ... ﺣﺴﻴﺖ ﺭﻭﺣﻲ ﺑﺮﺩﺕ ﺷﻮﻳﺔ ... ﺳﻜﺮﺕ ﺑﺎﺏ ﺍﻟﻜﺮﻫﺒﺔ ... ﻭ ﻣﺸﻴﺖ ﻣﻦ ﺟﻴﻬﺘﻬﺎ ... ﺣﻠﻴﺖ ﺍﻟﺒﺎﺏ ... ﻭ ﻧﺰﻟﺖ ﻋﻼﻫﺎ ... ﺟﺒﺪﺗﻬﺎ ﻟﻴﺎ ﺷﻮﻳﺔ ... ﻫﺰﻳﺘﻬﺎ ﺑﻴﻦ ﻳﺪﻳﺎ ... ﺣﻄﺖ ﺭﺍﺳﻬﺎ ﻋﻠﻰ ﺻﺪﺭﻱ ... ﻣﺶ ﺣﺎﺳﺔ ﺑﺸﻲ ... ﻧﻌﺮﻑ ﻟﻤﺴﺘﺤﻴﻞ ﺗﻔﻴﻖ ... ﺧﺎﺻﺔ ﺑﻌﺪ ﺍﻟﻠﻲ ﺷﺮﺑﺎﺗﻮ ... ﺑﺎﺯ ﺑﺎﺵ ﺩﺍﻳﺨﺔ ... ﺧﺎﻃﺮ ﺍﻭﻝ ﻣﺮﺓ ﺷﺮﺑﺖ ... ﺧﻠﻴﺖ ﺑﺎﺏ ﺍﻟﻜﺮﻫﺒﺔ ﻣﻔﺘﻮﺡ ... ﻭ ﻗﺮﺑﺖ ﻣﻦ ﺍﻟﺒﻨﺎﻳﺔ ... ﺣﻜﻴﺖ ﻣﻌﺎﻫﻢ ﻳﺘﺼﺮﻓﻮ ﺑﺎﻟﻜﺮﻫﺒﺔ ... ﺳﺒﻘﻦﻱ ﻭﺍﺣﺪ ﻓﻴﻬﻢ ﻟﻼﺻﻮﻧﺼﻴﺮ ... ﻓﺘﺢﻫﺎ ... ﺩﺧﻠﺖ ... ﻛﺒﺲﺕ ﻋﻼﻫﺎ ﻓﻲ ﻳﺪﻱ ... ﻏﺎﻃﺴﺔ ﺭﺍﺳﻬﺎ ﻓﻲ ﺭﻗﺒﺘﻲ ... ﻧﻔﺲ ﻣﺘﺎﻋﻬﺎ ﻋﻠﻰ ﺭﻗﺒﺘﻲ ﺭﻭﻫﺠﻨﻲ ... ﺳﻜﺮﺕ ﻋﻴﻨﻴﺎ ﻭﺭﺟﻌﺖ ﻓﺘﺤﺘﻬﻢ ... ﻧﺤﺎﻭﻝ ﻧﻮﺍﺯﻥ ﺭﻭﺣﻲ ... ﺩﻭﺏ ﻣﺎ ﺣﺒﺲ ﺍﻻﺻﻮﻧﺼﻴﺮ ... ﻛﺒﺲﺕ ﻋﻼﻫﺎ ﻭ ﺧﺮﺟﺖ ... ﺍﻭﻝ ﻣﺎ ﻭﺻﻠﺖ ﻟﻠﺪﺍﺭ ... ﺣﺎﻭﻟﺖ ﻧﻔﻴﻘﻬﺎ ... ﺑﺎﺵ ﻧﻔﺘﺢ ﺍﻟﺒﺎﺏ ... ﻣﺮﺟﻌﺘﻠﻲﺵ ... ﻧﺰﻟﺘﻬﺎ ﻟﻼﺭﺽ ... ﺣﻠﺖ ﻋﻴﻨﻴﻬﺎ ﻣﺮﻭﻫﺠﺔ ... ﺗﺮﻣﺎﺕ ﻋﻠﻴﺎ ... ﻭ ﺩﻭﺭﺕ ﻳﺪﻳﻬﺎ ﻋﻠﻰ ﻇﻬﺮﻱ ﻛﺒﺴﺖ ﻋﻠﻴﺎ ... ﻭ ﻛﻤﻠﺖ ﺭﻗﺪﺕ ... ﺷﺪﻧﻲ ﺿﺤﻚ ... ﻣﻌﻨﺪﻫﺎﺵ ﻣﺸﻜﻠﺔ ﺍﻟﻔﺮﺧﺔ ﺍﻟﻤﻬﻢ ﺗﻜﻤﻞ ﻧﻮﻣﺘﻬﺎ ... ﺣﻠﻴﺖ ﺍﻟﺒﺎﺏ ... ﻭ ﺣﻄﻴﺖ ﻳﺪﻱ ﻋﻠﻰ ﺷﻌﺮﻫﺎ ﻧﺤﻜﻲ
ﺍﻧﺎ : ﺳﻮﺍﺍﺍﺭ
ﺳﻮﺍﺭ؛ﻣﻤﻢ
ﺍﻧﺎ : ﻫﻴﺎ ﺑﺎﺵ ﺗﻤﺸﻲ ﻟﺒﻴﺘﻚ
ﺳﻮﺍﺭ : ﻣﻨﺤﺒﺶ
ﻋﺮﻓﺘﻬﺎ ﻣﺶ ﻗﺪ ﺑﻌﻀﻬﺎ ... ﺭﺟﻌﺖ ﻋﻨﻘﺘﻨﻲ ﺑﺎﻟﻘﺎﻭﻱ ... ﻭ ﻧﺤﺎﺕ ﺍﻟﻜﻌﺐ ... ﺗﻮ ﻫﻜﺎ ﺭﺟﻌﺖ ﻓﺮﺧﺔ ﺑﺎﻟﺤﻖ ... ﻧﺰﻟﺖ ﻋﻼﻫﺎ ﺷﻮﻳﺔ ... ﺭﺟﻊ ﻫﺰﻳﺘﻬﺎ ﺑﻴﻦ ﻳﺪﻳﺎ ... ﺣﻄﻴﺘﻬﺎ ﻋﺎﻟﻔﻮﺗﺎﻱ ﻟﻲ ﻓﻲ ﺻﺎﻟﺔ ... ﺟﻴﺖ ﺑﺎﺵ ﻧﺒﻌﺪ ﺷﺪﺗﻨﻲ ﻣﻦ ﻳﺪﻱ ﺗﺤﻜﻲ
ﺳﻮﺍﺭ : ﺯﻳﺎﺩ ﺑﺮﺩﺕ ﺑﺮﺷﺎ
ﺣﻄﻴﺖ ﻳﺪﻱ ﻋﻠﻰ ﻭﺟﻬﺎ ... ﺳﺨﻮﻧﺔ ﺑﺮﺷﺎ ... ﺑﻌﺪﺕ ﺷﻌﺮﻫﺎ ﺑﻴﺪﻱ ... ﻭ ﻫﺰﻳﺖ ﺭﻭﺣﻲ ﻟﺒﻴﺘﻲ ... ﺟﺒﺪﺕ ﻟﺤﺎﻑ ﻭ ﺭﺟﻌﺖ ﻋﻨﺪﻫﺎ ﻏﻄﻴﺘﻬﺎ ... ﻗﻌﺪﺕ ﻋﺎﻟﻄﺎﻭﻟﺔ ... ﻧﺸﻮﻑ ﻣﻌﺎﻫﺎ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ... ﻭ ﺍﻧﺎ ﻗﺎﻋﺪ ﺍﻛﺎﻛﺎ ... ﻛﺤﻠﻬﺎ ﻃﺎﻳﺢ ﺷﻮﻳﺔ ... ﺷﻌﺮﻫﺎ ﻣﺸﻤﺦ .. ﻣﺒﻮﻛﻠﻲ ﻛﻲ ﻋﺎﺩﺗﻮ ... ﻛﻴﻤﺎ ﻧﺤﺒﻮ ﺍﻧﺎ ... ﻧﺤﺒﻮ ؟ ... ﻣﻨﻌﺮﻓﺶ ﻋﻼﺵ ﺟﺎﺕ ﺍﻟﻜﻠﻤﺔ ﻫﺎﺫﻱ ﻟﺒﺎﻟﻲ ﻋﻼﺵ ﻳﻌﺠﺒﻨﻲ ﺷﻌﺮﻫﺎ ﻛﻲ ﻳﺒﺪﺍ ﻫﻜﺎ ﻋﻼﺵ ﻏﺰﻟﺖ ﻟﻴﻮﻡ ... ﻛﻴﻒ ﺑﻘﺎ ﻇﻬﺮﻫﺎ ﺍﻛﺎﻛﺎ ... ﻭ ﺍﻟﻮﺍﻃﻲ ﻣﺘﺎﻉ ﺍﻣﻴﺮ ﺷﺎﺥ ﻓﻴﻪ ﻛﻴﻤﺎ ﺣﺐ ﻛﺒﺴﺖ ﻋﻠﻰ ﻳﺪﻱ ... ﻧﻬﺪﻱ ﻓﻲ ﺭﻭﺣﻲ ﺳﻮﺍﺭ ﻫﻲ ﻭﺳﻴﻠﺔ ﻛﻬﻮ ﺑﺎﺵ ﻧﻮﺻﻞ ﻟﻲ ﺗﺤﺐ ﻣﺶ ﻣﻦ ﺣﻘﻚ ﺗﻔﻜﺮ ﻫﻜﺎ ﻭ ﻻ ﺗﺤﺲ ﻣﻌﺎﻫﺖ ﺑﺸﻲ ﻛﻠﺸﻲ ﻋﻤﻠﺘﻮ ﺍﻟﻠﻴﻠﺔ ﻏﺎﻟﻂ ﻣﻦ ﺍﻟﺒﺪﺍﻳﺔ ... ﻫﻮ ﻣﺠﺮﺩ ﺍﺣﺴﺎﺱ ﻣﻊ ﺍﻱ ﻃﻔﻠﺔ ﻭ ﺑﺎﺵ ﻳﻮﻓﺎ ﻭﻗﺖ ﺗﺸﺒﻊ ﻣﻨﻬﺎ ... ﻻﺍ ﻣﺴﺘﺤﻴﻞ ﻛﻲ ﻫﻜﺎ ﻋﻼﺵ ﺻﺎﺭ ﻓﻴﺎ ﻛﻲ ﻗﺮﺏ ﻣﻨﻬﺎ ﺍﻣﻴﺮ ﺷﺒﻜﺖ ﻳﺪﻳﺎ ﺯﻭﺯ ﺑﺎﻗﻲ ﻧﺸﻮﻑ ﻣﻌﺎﻫﺎ ﻫﺰﻳﺖ ﻳﺪﻱ ﺑﺎﺵ ﻧﻌﺪﻳﻬﺎ ﻋﻠﻰ ﺧﺪﻫﺎ ﺭﺟﻌﺘﻬﺎ ﻓﻲ ﺍﺧﺮ ﻟﺤﻈﺔ ﻣﻴﻠﺰﻣﺶ ﻧﻘﺮﺏ ﻣﻨﻬﺎ ﺍﻛﺜﺮ ﻣﻦ ﻫﻜﺎ ﺍﻟﻠﻲ ﻳﺠﻤﻌﻨﺎ ﻫﻲ ﺧﺪﻣﺔ ﻭ ﻛﻬﻮ ﻣﺴﺘﺤﻴﻞ ﻧﺨﻠﻴﻬﺎ ﺗﻘﺮﺏ ﻣﻨﻲ ﺍﻛﺜﺮ ﻣﻦ ﻫﻜﺎ ﻭ ﻣﻦ ﻫﻮﻧﻲ ﻟﻴﻦ ﺗﻮﻓﺎ ﺍﻟﻤﻬﻤﺔ ﺑﺎﺵ ﻧﺤﺎﻭﻝ ﻧﺨﻠﻴﻬﺎ ﺑﻌﻴﺪﺓ ﻋﻠﻴﺎ ﻣﻨﺤﺒﺶ ﻧﺴﺘﻐﻠﻬﺎ ﺑﺎﺵ ﻧﺮﺿﻲ ﺭﻭﺣﻲ ﻭ ﻻ ﺭﺍﺡ ﻧﺴﻤﺢ ﻟﺮﻭﺣﻲ ﻧﻀﻌﻒ ﻟﻘﺎﻋﺪ ﻧﺤﺲ ﻓﻴﻪ ﻣﻌﺎﻫﺎ.