🔥🔞"في أحضان عزرائيل"🔞🔥(الجزء الثاني)

الحلقة 208

ﺳﻮﺍﺭ ﺗﺤﻜﻲ : ﻓﻘﺖ ﺍﻟﺼﺒﺎﺡ ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻧﺤﺲ ﻓﻲ ﺑﺪﻧﻲ ﻣﺪﻗﺪﻕ ... ﺭﻣﻴﺖ ﻳﺪﻱ ﻫﺰﻳﺖ ﺗﻠﻴﻔﻮﻧﻲ ... ﻏﺰﺭﺕ ﻟﺴﺎﻋﺔ ... ﻟﻘﻴﺘﻬﺎ 8 ﻣﺘﺎﻉ ﺍﻟﺼﺒﺎﺡ ... ﺗﻨﻬﺪﺕ ﺑﺎﻟﻘﺎﻭﻱ ... ﻛﻴﻒ ﻏﺰﺭﺕ ﻻﺧﺮ ﺍﺑﺎﻝ ﻣﻦ ﻋﻨﺪﻭ ... ﻳﻮﻣﻴﻦ ﺗﻌﺪﺍﻭ ﻣﻦ ﺍﻛﺎ ﻧﻬﺎﺭ ... ﻻ ﺧﻠﻴﺘﻮ ﻳﺸﻮﻓﻨﻲ ﻭ ﻻ ﻳﺴﻤﻊ ﺻﻮﺗﻲ ... ﻣﻨﻌﺮﻓﺶ ﺍﺫﺍ ﻗﺎﻋﺪﺓ ﻧﻌﺎﻗﺐ ﻓﻴﻪ ... ﻭ ﻻ ﻧﻌﺎﻗﺐ ﻓﻲ ﺭﻭﺣﻲ ... ﺣﺘﻰ ﺍﻧﺎ ﺗﻮﺣﺸﺘﻮ ﺑﺮﺷﺎ ... ﻭ ﻧﺤﺐ ﻧﺸﻮﻓﻮ ... ﺍﻣﺎ ﻣﺶ ﺍﻟﻤﺮﺓ ﻫﺎﺫﻱ ... ﻣﺶ ﺑﺎﺵ ﻧﺴﺎﻣﺤﻮ ﺑﺎﻟﺴﺎﻫﻞ ... ﺿﺮﺏ ﻓﻲ ﺭﺍﺳﻲ ﻳﺎﺳﺮ ﺳﺎﻋﺘﻬﺎ ... ﺗﺒﺴﻤﺖ ﻋﻠﻰ ﺟﻨﺐ ... ﺍﻣﺎ ﻣﺶ ﺑﺎﺵ ﻧﻐﺰﻟﻮ ... ﻭ ﻻ ﻋﻠﻰ ﺧﺎﻃﺮ ﻳﻔﺪ ﻣﻨﻮ ﻭ ﻳﻜﺮﻫﻮ ... ﻭ ﻻ ﺣﺘﻰ ﻋﻠﻰ ﺧﺎﻃﺮ ﺍﻟﺨﺪﻣﺔ ... ﺍﻣﺎ ﺟﻴﺴﺖ ﻧﺤﺐ ﻧﺒﺪﻝ ﺟﻮ ... ﻭ ﻧﻨﺴﻰ ﻛﻠﺸﻲ ﺻﺎﺭ ... ﻫﺰﻳﺖ ﺭﻭﺣﻲ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﺭﻳﻘﻠﺖ ﺍﻣﻮﺭﻱ ... ﻭ ﺧﺮﺟﺖ ﻟﺒﺴﺖ ... ﺩﺑﺸﻲ ﻣﺘﺎﻉ ﺳﺒﻮﺭ ... ﻫﺰﻳﺖ ﺻﺎﻛﻲ ... ﻭ ﺗﻠﻴﻔﻮﻧﻲ ... ﻭ ﻧﺰﻟﺖ ﺍﻟﻠﻮﻃﺔ ... ﺻﺒﺤﺖ ﻋﻠﻰ ﺧﺎﻟﺘﻲ ﺭﺍﺿﻴﺔ ... ﻭ ﺧﺮﺟﺖ ﻟﺒﺮﺍ ... ﺍﻭﻝ ﻣﺎ ﺭﻛﺒﺖ ﻓﻲ ﺍﻟﻜﺮﻫﺒﺔ ... ﺫﻛﺮﺕ ﺍﻛﺎ ﺍﻟﻠﻴﻠﺔ ... ﻫﺰﻳﺖ ﻳﺪﻱ ... ﻋﺪﻳﺖ ﺻﻮﺍﺑﻌﻲ ﻋﻠﻰ ﺷﻔﺎﻓﻲ ... ﺗﺒﺴﻤﺖ ﺑﻼ ﻣﺎ ﻧﺤﺲ ... ﻧﻜﺬﺏ ﻛﺎﻥ ﻧﻘﻮﻝ ﻣﻨﺤﺒﻮﺵ ... ﻧﻜﺬﺏ ﻛﺎﻥ ﻧﻘﻮﻝ ﻗﺮﺑﻮ ﻣﻨﻲ ﻳﻬﺰﻧﻲ ﻟﺴﺎﺑﻊ ﺳﻤﺎ ... ﺣﺒﻴﺘﻮ ... ﺏﺍﻟﻠﻲ ﻓﻴﺎ ﺍﻟﻜﻞ ﺣﺒﻴﺘﻮ ... ﺑﺮﻏﻢ ﻟﻲ ﻋﺸﺘﻮ ﻭ ﺷﻔﺘﻮ ... ﺍﻣﺎ ﻭﻻ ﻣﺮﺓ ﺣﺴﺴﻨﻲ ﺍﻟﻠﻲ ﺍﻧﺎ ﻣﻌﺎﺩﺵ ﺻﺒﻴﺔ ... ﺑﺎﻟﻌﻜﺲ ... ﻛﻞ ﻣﺮﺓ ﻳﻘﺮﺏ ﻣﻨﻲ ... ﻧﺤﺲ ﺑﺎﻟﻄﻔﻠﺔ ﺍﻟﺼﻐﻴﺮﺓ ﺍﻟﻠﻲ ﻋﺎﻳﺸﺔ ﺩﺍﺧﻠﻲ ... ﺗﺤﺐ ﺗﻜﺒﺶ ﻓﻴﻪ ﺍﻛﺜﺮ ﻭ ﺍﻛﺜﺮ ... ﺍﻟﻄﻔﻠﺔ ﻟﻲ ﻗﺘﻠﻬﺎ ﺧﻮﻩ ... ﺍﺻﻼ ﻛﻠﺸﻲ ﺧﺎﻳﻔﺔ ﻣﻨﻮ ... ﺍﻧﻲ ﻧﻄﻠﻊ ﻋﺎﻳﺸﺔ ﻓﻲ ﺣﻠﻤﺔ ... ﻭ ﺯﻳﺎﺩ ﻳﻜﻮﻥ ﺷﺮﻳﻚ ﺍﺩﻡ ﻓﻲ ﺍﻟﻠﻲ ﺻﺎﺭ ... ﺟﺮﺩ ﻓﻜﺮﺓ ... ﺧﻼﺕ ﺩﻣﻮﻋﻲ .. ﻳﻨﺰﻟﻮ ... ﻫﺰﻳﺖ ﻳﺪﻱ ﻣﺴﺤﺖ ... ﻧﺰﻟﺖ ﺍﻟﺒﻼﺭ ... ﺧﺬﻳﺖ ﻧﻔﺲ ... ﻭ ﺧﺪﻣﺖ ﺍﻟﻜﺮﻫﺒﺔ ... ﺩﻳﺮﻳﻚﺳﻴﻮﻥ ﻟﻨﺎﺩﻱ ... ﺍﻭﻝ ﻣﺎ ﻭﺻﻠﺖ ... ﻧﺤﻴﺖ ﺍﻟﻔﺎﺳﺖ ... ﻭ ﻟﻤﻴﺖ ﺷﻌﺮﻱ ﻛﻮﺕ ﺩﻭﺷﻮﻓﺎﻝ ... ﺧﺬﻳﺖ ﻧﻔﺲ ﻭ ﺩﺧﻠﺖ ﻟﺼﺎﻟﺔ ... ﻟﻘﻴﺘﻮ ﺣﺎﻁ ﺍﻟﻜﻴﺖ ... ﻭ ﻳﺠﺮﻱ ... ﻗﺮﺑﺖ ﻣﻨﻮ ﺍﻛﺜﺮ ... ﺭﻣﻴﺖ ﻳﺪﻱ ﺯﺩﺗﻠﻮ ﻓﻲ ﺍﻟﻔﻴﺘﺎﺱ ... ﻃﻠﻊ ﺭﺍﺳﻮ ﻳﺸﻮﻑ ﻣﻌﺎﻳﺎ ... ﺗﺒﺴﻤﺖ ﻋﻠﻰ ﺟﻨﺐ ... ﻭ ﺯﺩﺕ ﻓﻲ ﺍﻟﻔﻴﺘﺎﺱ ﺍﻛﺜﺮ ... ﻣﺘﺄﺛﺮﺵ ﺟﻤﻠﺔ ... ﺑﺎﻗﻲ ﻳﺠﺮﻱ ... ﺗﻜﻴﺖ ﺑﻴﺪﻱ ﻣﻘﺎﺑﻼﺗﻮ ﻧﺸﻮﻑ ﻣﻌﺎﻩ ... ﺣﺴﻴﺘﻮ ﻣﻐﺸﺶ ﻣﻨﻲ ... ﻋﻨﺪﻭ ﺣﻖ ... ﺣﺘﻰ ﺍﻧﺎ ﻣﻦ ﻧﻬﺎﺭ ﺍﻟﺤﻔﻠﺔ ﻣﻌﺎﺩﺵ ﻗﺎﺑﻠﺘﻮ ... ﻭ ﺑﻌﺪ ﺍﻟﻠﻲ ﺻﺎﺭ ﻣﻊ ﺯﻳﺎﺩ ... ﻓﻲ ﺩﺍﺭ ﺍﻟﺰﺭﻳﻌﺔ ... ﻣﻌﺎﺩﺵ ﻫﺰﻳﺖ ﻋﻠﻴﻪ ... ﻓﻬﻤﺖ ﻟﻲ ﻫﻮ ﺧﺬﺍ ﺑﺨﺎﻃﺮﻭ ﻣﻨﻲ ... ﺍﻭﻝ ﻣﺎ ﻛﻤﻞ ... ﺣﺒﺴﻬﺎ ﻭ ﻧﺰﻝ ... ﻫﺰ ﺩﺑﻮﺯﺓ ﻣﺎ ﺷﺮﺏ ﻣﻨﻬﺎ ... ﻗﺮﺑﺖ ﻭﻗﻔﺖ ﻗﺪﺍﻣﻮ ... ﺣﻘﺮﻧﻲ ... ﻭ ﻫﺰ ﺍﻟﻤﻨﺸﻔﺔ ﻳﻤﺴﺢ ﻓﻲ ﻭﺟﻬﻮ ... ﺧﻄﻔﺘﻬﺎ ﻣﻦ ﻳﺪﻭ ... ﻭ ﻗﺤﺮﺗﻠﻮ ... ﻋﻮﺟﺖ ﻓﻤﻲ ﺷﻮﻳﺔ ... ﺑﺎﻗﻲ ﻳﺸﻮﻑ ﻣﻌﺎﻳﺎ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻣﻤﻤﻢ ﻇﺎﻫﺮ ﻣﺘﺤﺒﺶ ﺗﺸﻮﻓﻨﻲ ﻫﻮﻧﻲ ﻣﺮﺟﻌﻠﻴﺶ ... ﻓﻚ ﺍﻟﻤﻨﺸﻔﺔ ﻣﻦ ﻳﺪﻱ ... ﻭ ﻗﺤﺮﻟﻲ ... ﻗﺮﺏ ﻣﻦ ﺍﻟﻜﺮﺳﻲ ... ﻧﺪﺭﺍ ﻓﻲ ﺷﻨﻮﺓ ﻗﺎﻋﺪ ﻳﻔﺮﻛﺲ ... ﻗﺮﺑﺖ ﻣﻨﻮ ... ﻭﻗﻔﺖ ﻗﺪﺍﻣﻮ ﻧﺤﻜﻲ ﺍﻧﺎ : ﻳﺎﺍﺳﺮ ﻫﺰ ﺗﻠﻴﻔﻮﻧﻮ ... ﻭﺭﺟﻊ ﺷﻮﻳﺔ ﻟﺘﺎﻟﻲ ... ﻭﻗﻔﺖ ﻣﻘﺎﺑﻠﺘﻮ ... ﺑﺎﻟﻈﺐﻁ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻳﺪﻭ ﻧﺰﻟﺘﻬﺎ ... ﻭ ﻗﺤﺮﺗﻠﻮ ﻧﺤﻜﻲ ﺍﻧﺎ : ﻳﺎﺍﺍﺳﺮ ﻧﺤﻜﻲ ﻣﻌﺎﻙ ﺭﺍﻫﻮ ﻫﺰ ﺭﺍﺳﻮ ... ﻗﺤﺮﻟﻲ ... ﻗﺤﺮﺓ ﻣﺘﺎﻉ ﻣﻮﺕ ... ﻓﻲ ﻟﺤﻈﺔ ... ﺷﺪﻧﻲ ﻣﻦ ﻳﺪﻱ ... ﻭﺭﺟﻊ ﺑﻴﺎ ﻟﺘﺎﻟﻲ ... ﺿﺮﺑﺖ ﻓﻲ ﺍﻟﺤﻴﻂ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ ... ﻭ ﻗﺮﺏ ﻣﻨﻲ ... ﺍﻭﻝ ﻣﺮﺓ ﻳﻘﺮﺑﻠﻲ ﻟﻬﺪﺭﺟﺔ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﻌﺠﺒﺖﻧﻴﺶ ﺍﻟﻔﺎﺯﺓ ﺟﻤﻠﺔ ... ﺍﻭﻝ ﺣﺎﺟﺔ ﺿﺮﺏ ﻓﻲ ﺭﺍﺳﻲ ﺯﻳﺎﺩ ... ﻣﻦ ﻋﻨﺪ ﺭﺑﻲ ﻣﺤﺬﺭﻧﻲ ﻣﻦ ﻗﺒﻞ ... ﻛﺎﻥ ﻳﺸﻮﻓﻮ ﻗﺮﻳﺒﻠﻲ ﻟﻬﺪﺭﺟﺔ ﺑﺎﺵ ﻳﻬﺪ ﺩﻧﻴﺎ ﻓﻮﻕ ﺭﺍﺳﻲ ... ﺻﺤﻴﺢ ﻣﺘﻐﺸﺔ ﻣﻨﻮ ... ﺍﻣﺎ ﻣﻨﺤﺒﺶ ﻧﻬﺪﻭ ﺑﺎﻟﻄﺮﻳﻘﺔ ﻫﺎﺫﻱ ... ﻣﻨﺤﺐ ﺣﺘﻰ ﺣﺪ ﻳﻘﺮﺑﻠﻲ ﻏﻴﺮﻭ ... ﻭ ﻣﻦ ﻏﻴﺮ ﺭﺿﺎﻳﺘﻲ ... ﻫﺰﻳﺖ ﻳﺪﻱ ﺑﺎﻟﺴﻴﻒ ... ﺣﻄﻴﺘﻬﺎ ﻋﻠﻰ ﺻﺪﺭﻭ ... ﻧﺤﺐ ﻧﺨﻠﻖ ﻣﺴﺎﻓﺔ ﺑﻴﻨﺎ ... ﻃﻠﻌﺖ ﺭﺍﺳﻲ ... ﻏﺰﺭﺗﻠﻮ ﻓﻲ ﻋﻴﻨﻴﻪ ﺑﺎﻟﻈﺒﻂ ... ﻋﻘﺪﺕ ﺣﻮﺍﺟﺒﻲ ... ﻧﺤﻜﻲ ﻭ ﻧﺪﺯ ﻓﻴﻪ ﺑﺎﻟﺴﻴﺎﺳﺔ ﻟﺘﺎﻟﻲ ﺍﻧﺎ : ﻳﺎﺳﺮ ﻓﺎﺵ ﺗﻌﻤﻞ ﻳﺎﺧﻲ ﻫﺰ ﻳﺪﻭ ... ﺣﻄﻬﺎ ﻋﻠﻰ ﻳﺪﻱ ... ﻛﺒﺲ ﻋﻼﻫﺎ ... ﻧﺰﻟﻬﺎ ﻟﺘﺎﻟﻲ ... ﻭ ﻗﺮﺏ ﻣﻨﻲ ﺍﻛﺜﺮ ﻳﺤﻜﻲ ﻳﺎﺳﺮ : ﻋﻼﺵ ﺗﻘﻠﻘﺖ ﺍﻧﺎ : ﻳﺎﺍﺍﺳﺮ ﺍﺑﻌﺪ ... ﺷﻨﻮﺓ ﺍﻟﻠﻲ ﻗﺎﻋﺪ ﺗﻌﻤﻞ ﻓﻴﻪ ﻳﺎﺳﺮ : ﺍﻟﻠﻲ ﻛﺎﻥ ﻻﺯﻡ ﻧﻌﻤﻠﻮ ﻣﻦ ﺑﻜﺮﻱ ﺍﻧﺎ : ﺷﻘﺼﺪﻙ ﻳﺎﺳﺮ : ﺣﺎﺟﺘﻲ ﺑﻴﻚ ﺩﻧﻴﺰ ﺍﻧﺎ : ﺷﻨﻨﻨﻮﺓ ﻳﺎﺳﺮ : ﻧﺤﺒﻚ ﺗﻜﻮﻥ ﻣﻌﺎﻳﺎ ... ﻭ ﺗﻜﻮﻥ ﻟﻴﺎ ﻛﻬﻮ ﺍﻧﺎ : ﻳﺎﺳﺮ ﻓﺎﺵ ﺗﺤﻜﻲ ﻳﺎﺧﻲ ﻳﺎﺳﺮ : ﺍﻟﻠﻲ ﻻﺯﻡ ﻳﺼﻴﺮ ﺍﻧﺎ : ﺑﺎﺯ ﻫﺒﻠﺖ ﺍﻧﺖ ... ﺍﺑﻌﺪ ﻧﺤﺐ ﻧﻤﺸﻲ ﺩﺯﻳﺘﻮ ﺑﻴﺪﻱ ﻟﺘﺎﻟﻲ ... ﻭ ﺟﻴﺖ ﺑﺎﺵ ﻧﻤﺸﻲ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ .. ﻭﺭﺟﻌﻨﻲ ﻟﺘﺎﻟﻲ ... ﺣﺼﺮﻧﻲ ﻣﻊ ﺍﻟﺤﻴﻂ ﻳﺤﻜﻲ